Genesis 3:23 - Northern Tepehuan Bible

²³ Dai mos potïkai Diuxi Gïr Nukadakami sai bhodïrï busaitu ïgai go kïïrhi ïxikamiañdïrï sai mai ugiagi ïgai go uxi ibhiadï ixtukïdï tomax tuigako oidakagi ïgai. Dai no xibhïako aaduinturhi ïgai go kïïrhi sai ï gïbaaxi dïbïrai xajadïrï duñixikami ïgai sai ï gïbaaxi dïbïraikïdï aatabuadagi ïgai.

Genesis 3:23 Iomraidhean Croise

Genesis 2:7

Bhodïrï Diuxi Gïr Nukadakami idui ïmo kïïrhi dïbïraikïdï dai buxta dakadïrï bai abhiadïrï ka ibhïiba kïkiba ïgai.

Genesis 2:8

Dai bhodïrï xarhi utamajako bhai dui Diuxi Gïr Nukadakami xako oidaka agai go kïïrhi. Eden tïgidu xarhiapako oidigi ïgai xako bhai dui ïgai. Dai ami dáí ïgai go kïïrhi ix makïdï idui ïgai. Bhodïrï ami Edenïrï tutu Diuxi kïïga mui uxi dai kïï bïïñiakami ibhiadï dai kïï titiodikami. Dai ami ïxikami ïrana ïxi tutu ïgai goka uxi ix makïdï mai ïpïamaaxi go gaa uxi. Ïmoko xi odami ugiagi ibhiadï ka mai mukiagi tomaxi xïï kïrhimuagi ïgai. Dai go gïmai uxi ïgaikïdï bïïxi aajïi tïgibudagai modukai kïïgadukami dai ix makïdï mai kïïgadu.

Genesis 3:19

—Daiñi kïïrhi— itïtïdai —Xibi kabami bajuradamu aapi dai gamaitïmu ixtukïdï oidakagi asta xudu ka mukiagi dai dïbïrai gï naatoagi aapi ïpamu. Mos ïr dïbïraiñdïrï duñixikami aapi di dai dïbïrai gï naatomu aapi ïpamu pïx xudu mukiagi— itïtïdai.

Genesis 3:22

Daidi itïi Diuxi Gïr Nukadakami aidï —Xibi kaxi gïr ïpïamaaxi go kïïrhi. Kaxi gïr ïpïandukai bhïi gobai bïï sudakami tïgibudagai dai ka máí ïgai ixtumaxi ïr kïïga ïmadï ix makïdï maiti ïr kïïga ïpï. Xibi maiti gï agai xi ugiagi ïgai go uxi ibhiadï ixtukïdï tomax tuigako oidakagi ïmoko dai bhodïrï ka oidakagi tomax tuigako— itïi ïgai.

Genesis 3:24

Bhodïrï ka busaidakai go kïïrhi ïxikamiañdïrï sai bhobai xarhi apako tutu Diuxi goka nunukadakami. Tïtïañikarudï Diuxi go Nukadakami ïgai dai ajana ïgai bïï gokatai. Dai ami tïï Diuxi ïmo maxtai táí ïpï xi no xikorhi aimïrada ïgai bai mai bapakiagi tomarhi ïmadutai ami xako kïïka go uxi ixtukïdï tomax tuigako oidakagi odami.

Genesis 4:12

—Dai tomaxi gï aaga aatadui aapi dïbïriïrï tomax dukai mai bañigimu kuadagai ix makïdï gaïsai aapi dai aatabuayi. Ka mai tipuka agai gï ibhïxtaraga gï bïïtarï tudu aapi Kain. Ka mos ïr aimïrdamika agai aapi oidigi dama— itïtïdai Gïr Nukadakami.

Genesis 4:2

Dai gokiïrï go Eba maara ïpïpï ïmo kïïrhi, ïgai ïr gasukurhi, Abel tïgidu. Dai aidïxi ka kïkïïrhitu maamaradï go oki sai go Abel ïr nukadami kañiñiru dai go gïmai go Kain ïr aatabuadami dïbïrapi.