Genesis 3:20 - Northern Tepehuan Bible

²⁰ Daidi go kïïrhi Eba tïïtï go oki. Go oki ïr dïïdï bïïxi oidigi dama oidakami kaxkïdï potïïtï ïgai.

Genesis 3:20 Iomraidhean Croise

Genesis 2:23

Daidi itïi go kïïrhi tïïgakai go oki, —Idi gia ïr aanï gin aduñi. Kaxi ïr ïïgi gin oañdïrï dai gin tukugañdïrï duñixi di— itïi ïgai. —Kïïrhiañdïrï duñixi gobai kaxkïdï oki aagamu aanï— itïi go kïïrhi. (Go Hebreo ñokidïkïdï bhaiton ïpïan tïtïïgidu oki ïmadï kïïrhi tudu.)

Genesis 3:21

Dai bhodïrï Diuxi Gïr Nukadakami koi buxtaki dai biuma dai ogidï yukuxtu go kïïrhi ïmadï go oki.

Exodo 2:10

Bhodïrï ka xiitukai tïïgi ïgai ïpamu go gïï Rey maradï. Dai ïgai ïïgi maradï dukai nïidi dai Moises tïïtï. Daidi ikaiti, —Sudagiañdïrï busaitu aanï kaxkïdï Moises tïïtï aanï— ikaiti go Rey maradï.

Mataibo 1:21

—Go Maria buapa agai ïmo arhi xïïñi pai aapi Suxi tïïtïmu. Go arhi odami kïïgakïrï bubaida aagai aaduñdï. Kaxkïdï Suxi tïïtïmu ïgai ix makïdï itïiya ïrhidi kïïgakïrï bubiadami— itïtïdai.

Mataibo 1:23

Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

Hechos 17:26

—Diuxi mos arhi ïmo kïïrhi idui tukamïrï dai ïgiañdïrï idui ïgai bïïxi go naana maaxi ñokadami odami bai óídakaiña aipakoga oidigi daama— itïtïdai. —Diuxi tïjai sai bïïxi oidigi daama óídakana odami. Tukamïrï mai kia iduitadai Diuxi go naana maaxi ñokadami dai ïkiaxdïrï podukai gï tïgito dai dáí xïï tïbïpi óídakagi odami dai xakoga.

2 Korintios 11:3

Buamï in ïrhidi gïn bïïtarï sai maiti gïn bupuirumadagi jaa ïpïan dukai ix dukai go diabora buirumagi go Eba ïïki tudu. Maiti ipïrhidi aanï sai kuga imïdagi gïn buaboidaraga tadu oijadagi aapimï ïmai dai mai mosïkaxi Suxi Kristo oijadagi aapimï. Gobai ïbhïidi aanï tudu.

1 Tomoteo 2:13

Daiñi, Diuxi ïpïgioma idui go Adán dai gokiïrï idui ïgai go Eba.