Genesis 3:16 - Northern Tepehuan Bible

¹⁶ Daidi bhodïrï potïtïdai Diuxi go oki, —Aapi oki, gï maakimu aanï ïmo gïgïbidaragai aapi ïpï. Daiñi, xibi bhaitiakoga gïïpi bamioma kokoka agai pïx xudu duada agadagi aarhikïdï. Dïï bïïxkïrï apia dukai ipïldamu aapi xi abhana dakagi gï aduñi dai ïgai gï tïanïda agai— itïtïdai.

Genesis 3:16 Iomraidhean Croise

Genesis 4:7

—Bhaiyoma ix dukai aagai aanï podukai gin buapidamudai aapi daxdaragai. Aidï gia oigïda gï nïijadamudai aanï dai kïï bhai ïldamudai aapi— itïtïdai. —Dïï xibi ka mai kïï dui aapi di. Kaxkïdï an aagai sai todian dukai gï ayimu soi maaxi tïgibudagai dai gïïpi soimaaxkami iduña antaada aapi ïïgidakai aapi gobai. Dïï gia gï aagai ix kabakada aapi gï tïgibudaga bhaiyoma dai mai ïïgiada go soimaaxi— itïtïdai Gïr Nukadakami.

Isa 53:11

Gïr Nukadakami otosadï kïï tuigakïdï nïidamu gïïgïbidaragai ix makïdï taata ïgai ix xïï gïïpi ïr soiñi ka agai dai kïï bai gï ïldamu nïiditai. Ïgai bhïï aimïrada agai soi maaxkamigadï mui odami dai podukai kïïgakïrï bubaida agai.

VUAANA 16:21

Bhaiton ïpïan taadakamu aapimï ïmo oki xudu buapa agadagi ïmo aarhi odami. Ïmo oki xudu buapa agadagi ïmo arhi xïïñi soi taadakana tukamïrï. Dïï gokiïrï ka maigobai imïiña soi ïrhiaradï dai kïïga bhai ïrhidiña ka buapakai go arhi odami.

1 Korintios 11:3

Dïï kia oidaga ïmo ixtumaxi ix makïdï gïn aagida in ïrhidi. Ipïrhidi aanï ix maatïkagi aapimï sai ix dukai tïanïi gïr moo gïr tukuga podukai Suxi Kristo ïpï ïr modï dukai kïkïïrhi. Dai podukai ïpï kïkïïrhi ïr modï dukai ïpï ooñigadï dai Diuxi ïr modï dukai Suxi Kristo.

1 Korintios 14:34

Maiti gï agai tudu oki ix ñokadagi ami ïmpaiñdaragiana dai bhaiyoma gï agai ïgai xi kïïga ïïgiada ïgai kukunadï ix dukai ojixi Diuxi ñokidïrï.

1 Korintios 7:4

Gokïdï go oki mai bia sïïrhikami ix tïanïdagi ïïgi tukugadï dai podukai ïpï go kïïrhi mai bia sïïrhikami ix tïanïdagi ïïgi tukugadï ïpï. Gokïdï bïï goka bia sïïrhikami ix ïïgiada aduñdï tudu.

Kolosenses 3:18

Aapimï oki, abïr kïïga ïïgiada gïn kukuna. Kaxkïdï tudu gï agai xi pobuadagi aapimï oki urabakatai aapimï Suxi Kristo.

1Tesalonicenses 5:3

Xïxkadï karhioga dibia agadagi Gïr Nukadakami go óídakami pobïnïldamu sai mai tipu duadimudagai daidi pokaitadamu sai xioma daraka mai biakatai ixtukïdï buamï gïn ïrhiadagi. Dai aidï todian dukai gïpiïrï surhigimu ïgai dibiakai Gïr Nukadakami. Sïïrhikïdï todian dukai ayimu gïgïbidaradï tudu. Po ïxi ix xïï todian dukai kokorïi ïmo oki buapa agaitai ïmo arhi odami po ïxi todian dukai ayimu gïgïbidaradï óídakami dibiakai Gïr Nukadakami ïpï dai mai tipukamu soiñi ïgai bïïtarï.

1 Tomoteo 2:13

Daiñi, Diuxi ïpïgioma idui go Adán dai gokiïrï idui ïgai go Eba.

1 Tomoteo 2:15

Gï agai bhaiyoma xi kïïga nukadakagi ïgai maamaradï dai kïïga gïrhidagi. Gï agai xi pobuadagi ïgai kïïga buaboidaitai Diuxi dai oigïdaitai jaa dai kïïga buañixikan dukai óídakatai. Ix kïïga xadutudaitai óídakagi ïgai podukai aidï gia Diuxi maakimu ïmo kïïgakïrï oidakaragai. Pomaaxi tudu oki bïïtarï.