Genesis 28:10 - Northern Tepehuan Bible

¹⁰ Dai Jakobo jii abhiadïrï Bersebaiñdïrï dai bhïiyi ïgai boi Aranamajako.

Genesis 28:10 Iomraidhean Croise

Genesis 12:4

Abram ka biakatadai baikobhai dan bhaibuxtama dan taama umigi. Dai ïïgida kaï ïgai Gïr Nukadakami dai ka dagito go kii xako oidakatadai ïgai. Dai bhïiyi boi mïkaxi xako gïï kaatï oidigi Kanaan tïgidukïdï. Abram oñigadï Saraí tïgidu dai Abram baidaja go Saraí ïmadï ïmo kïïrhi Lot tïgidukïdï. Go Lot ïr akitadï Abram. Bïïxi kusubaka ïgai buxtuidadï abhiadïrï Haranañdïrï xako óídagatadai ïmadï pipioñigadï ïpï ix makïdï ami biatu ïgai. Dai iji ïgai Haranañdïrï dai mui tasai mos iimïi ïgai boiyamu dai bhodïrï ka ayi mïï Kanaanïrï.

Genesis 27:43

Daiñi gin maara. Mïradañi gamo kiidïrï gin xïgi Laban gamo xako Aranamu tïgidu oidigi tudu.

Genesis 46:1

Bhodïrï go Israel ix makïdï ïr ogadï go Jose kusu jii bïïxi buxtuidadï dai bhïiyi boi Ejipto amakoga. Dai mai mosïkaxi Israel tïgidu ïgai. Jakobo tïgidu ïgai ïpï. Dai mïï ayi ïgai Bersebaïrï ukami dai ami xadutuada agai Diuxi ix makïdï ogakarudï buaboitudaiña. Ami mïiturhi ïgai buxtaki tudu.

Hechos 25:13

Bhodïrï ka daibunukai chïki tasai ami Cesareïrï dibia go Rey Agripa tïgidukïdï ïmadï gï oñiga Berenice. Ga dibida agai ïgai go Festo dai dada.

Hechos 7:2

Dai Tibañi itïtïdai, —Gin kaïkabïrai aapimï gin aaduñi dai aapimï gïr bhaitï gukakamiga. Daiñi, Diuxi bamioma bia gubukadagai xi bhai toma xorai. Dai gï maaxitu ïgai gïr aaduñi Abraamkaru buitapi aidïxi kia Mesopotamiïrï oidakatadai ïgai mai kia imïkai ïgai Aranamu.