Genesis 25:33 - Northern Tepehuan Bible

³³ —Kïï sïïrhi aaga tuduidï ix gin daibuiñda agai go sïïrhikami— itïtïdai Jakobo. Dai Esau ka kïï sïïrhi aagai dai ka daibuñi go sïïrhikami ix makïdï biakatadai ïgai gaxïgikatai.

Genesis 25:33 Iomraidhean Croise

Genesis 25:32

—Kïïgadu— itïtïdai Esau —Karhioga mukimi aanï— itïtïdai. —Aidï gia tumaxi ïr soiñi ka agai gin sïïrhikami ix mukia aanï— itïtïdai.

Genesis 25:34

Dai bhodïrï Jakobo oi lïïchi pan ïmadï bhabi. Bhodïrï mos gauu Esau dai gaii lïïchi iidagai dai oton bañi ïgai dai busai abhiadïrï. Bïï mai buamï ïrhidi Esau mos ïï lïïchikïdï gagaarakai ïgai sïïrhikamigadï. Dai gokiïrioma gaïxi Jakobo ïpï ïmai bhai ïrhiaradï Esau ïpï. Isaak maaki agaitadai ïmo bhai ïrhiaragai go Esau dai Jakobo baa xako dajatadai Isaak dai yaata. Esau gï dáí ïgai dai gaïxi bhai ïrhiaradï xïgidï tudu.

Markos 6:23

—Daiñi, gin bapasai aanï naidi gï maakiagi pïx tumaxi gin taañiagi toma pïx gin táí tajukami go dïbïrai ix makïdï tïanïi aanï— itïtïdai.

Hebreos 12:16

Kïïga abïr gïn nukadaka ïpï sai mai okimïrhiakagi aapimï ïmadutai. Kaxkïdï tudu xorai pomaaxkagi mai xadutudai Diuxi pobuadatai. Ka ïpïan buayi ïgai go Esau tudu ix makïdï oidakatadai ïïki. Daiñi, Diuxi maatadai go Esau ïmo kïïgadukami sïïrhikami gaxïgikatai ïgai dïï go Esau mai buamï ïrhidi go sïïrhikamikïdï. Mai namïakami dukai tïï ïgai tudu dai gagara lïïchi bhiayikïdï. Podukai mai xadutugi ïgai Diuxi tudu mos ïï lïïchikïdï gagarakai go sïïrhikami ix makïdï Diuxi maatadai.

Hebreos 6:16

Daiñi, xïïxkadï ïmo odami podukai aagadagi saidi iduñi agai ixtumaxi aagaiña ïmo ñoki xadutudikami aagaitai ïmo ixtumaxi kabami namïakami. Dai ka potïkai ïgai ka mai tipu bamioma ñoki. Ka gubukamikïdï bia ïgai xi iduñagi ixdukatai bia ïgai ñoki.