Genesis 22:6 - Northern Tepehuan Bible

⁶ Daidi gatïjai ïgai go gïrhi kusubidaragai go kuagi dai bhodïrï bhïiyi ïgai ïmo kuxirui ïmadï táí dai ka tubidakiamu dudui bïï gokatai.

Genesis 22:6 Iomraidhean Croise

Genesis 22:5

Dai itïtïdai ïgai pipioñigadï, —Tanaxi abïr bii aapimï ïmadï go axñitu. Aanï ïmadï go gï ïrhi amïka tubidakïrï xadutuadamu Diuxi Daidi bhodïrï ïpamu dadimu aatïmï— itïtïdai.

Isa 53:6

Dagito aatïmï Diuxi bogïdï dai aadaji aatïmï ïïgi gïr tïgibudaga. Kuga iji aatïmï bïïxkatai ïpïan dukai kañiñiru ix makïdï mai oida ïrhidi Nukadakamigadï. Aatïmï gïr ajïga gïgïbidaragai dïï Gïr Nukadakami ïïgi otosadï abhana dáí gïr soi maaxkamiga ix makïdï idui aatïmï.

Mataibo 8:17

Po dui ïgai ixtumaxi oja go Isaiaskaru ïïki. Go Isaias ïr ïmo ñokituldiadamigadï Diuxi dai oja ïgai ïmo ojai aagaitai Diuxi Otosadï, aagaitai go Tïanïdami tudu. Dai ikaiti ami go ojiïrï sai, —Diuxi otosadï maigobai dáí go kokodagai ïmadï bïïxi ixtuma soi taatamaiña aatïmï— po tudu oja go Isaiaskaru ïïki. Kaxkïdï duduadi Suxi go kokokoñiadï ïmadï ix makïdï biakatadai tïtïañikarudï go diabora ibuadatai ïgai ixdukatai oja go Isaiaskaru ïïki.

VUAANA 19:17

Daidi bhodïrï go sandadaru bhïiyi go Suxi dai baidakai ïmo gidiïrï xako odami modïrï tïgidu. Dai ami Gólgota tïgidu Hebreokïdï ïpï. Daidi go Suxi ïïgi kusuba iimïi kuruxigadï.

1 Pedro 2:24

Aatïmï gïr ajïakatadai gïgïbidaragai soimaaxi ibuadamikatai aatïmï tudu dïï gia Suxi taata go gïgïbidaragai gïr bïïtarï mukukai kuruxiana. Po dui ïgai saidi ka maiti gïr tïanïdagi go soimaaxkami. Ïpïan dukami gïr bia ïgai ïmo mukiadï ix makïdï ka mai bhaiga xi ïïgiadagi go soimaaxkami tudu. Ka mai bia aatïmï xi ïïgiadagi go soimaaxkami tudu ka koidadï dukai biïkai aatïmï go soimaaxkami bïïtarï. Po dui ïgai sai ka ïma dukai óídakagi aatïmï ibuadatai ixtumaxi ipïrhidi Diuxi. Gï muragitu ïgai saidi kïïgakïrï bubuakïna aatïmï tudu.