Genesis 2:19 - Northern Tepehuan Bible

^19-20 Dai bhodïrï Diuxi Gïr Nukadakami bui dïbïrai dai ïgaikïdï idui bïï sudakami go oidigi dama ajiopadami dai ujurugi. Dai tïïgi ïgai go kïïrhi sai ïgai darasana tïtiaradï. Dai ka potïtïgidukami bii ïgai aidï abhiadïrï ix dukai tïïtï go kïïrhi. Dïï modukai ka mai tïï go kïïrhi aduñdï xorai ïgai dai soikïdagi.

Genesis 2:19 Iomraidhean Croise

Genesis 1:28

Bhodïrï Diuxi aagai ïmo bhai ïrhiaragai ñoki go odami bïïtarï daidi potïtïdai, —Kïïga abïr muida oidigi dama sai bhodïrï tïanïna aapimï ïmadï gïn maamara oidigi dama bïïxi ixtumaxi oidaga— itïtïdai. —Daiñi— itïtïdai. —Kaxi gïn maa aanï go batopa dai go ujurugi dai bïïxi go oidigi dama ajiopadami mïxi iduñagi ix dukatai bhai ïrhiadagi aapimï— itïtïdai.

Genesis 9:2

Dai itïtïdai ïgai ïpï —Bïïxi go kiiyïrï buxtaki ïmadï go oidigana buxtaki dai kïkïixi gïn ïbhiadamu. Dai gïn maakai aanï gubukadagai xi iduña aapimï ïgaikïdï ïïgi ixdukatai ipïrhiada aapimï dai go ujurugi dai go batopa podukai ïpï— itïtïdai.