Genesis 19:15 - Northern Tepehuan Bible

¹⁵ Bhodïrï ka xarhimi oidigi saidi Diuxi tïtïañikarudï potïtïdai go Lot, —Obaidañi dai bubaida gï oñiga dai gï maamara. Ïma dukai koimu aapimï xïxkadï gïgïbitulda aatïmï go oidakami— itïtïdai.

Genesis 19:15 Iomraidhean Croise

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Genesis 19:16

Dïï go Lot modukai mai obaimi saidi Diuxi tïtïañikaru bhïiyi ïkadï ïmadï oñigadï ïkadï dai maamaradï. Dai bhodïrï gïn bubaitu abhiadïrï daagïkai ïkadï. Soi gï ïrhi Gïr Nukadakami dai kïïgakïrï gïn bubaitu.

Genesis 19:17

Bhodïrï ka maigo gukatai ïgai saidi ïmoko go Diuxi tïtïañikaru itïtïdai, —Otoma abïr boopoi dai kïïgakïrï bubuaki— itïtïdai. —Dai toma lachi abïr mai ajaako nïnïnda dai bïï mai gugukada tanai dïjoana. Mïï daan tutubidakiana abïr boopoi kaxkïdï tudu mai koiyagi aapimï— itïtïdai.

2 Korintios 6:2

Daiñi, Diuxi ikaiti ïïki sai, Aidïxi ayi ixtuigako kïïgakïrï bubuakiagi aapimï óídakami kïïga gïn kaï aanï gin daanïitai aapimï. Dai amaxi gïn soi aanï, ikaiti Diuxi. Kïïga abïr kaïka ixtumaxi gïn aagidimi aatïmï tudu. Daiñi, Diuxi ka bhaigobai otoi gïr kïïgakïrï bubiadamiga dai gïr maaki ïrhidi go kïïgakïrï bubaidaragai. Gobai itïiya ïrhidi sai Diuxi ka bhai dui bïïxi aïkatai ix tumaxi gï agai saidi kïïgakïrï bubuakïna bïïxi óídakami tudu.

Apokalipsis 18:4

Daidi kaï aanï ix ño Diuxi tïbagiañdïrï daidi ikaiti, —Gin aaduñi, sïïrhikïdï naana maaxi soimaaxi ibuayi go Babiloniïrï óídakami dai nïidi aanï bïïxi ixtumaxi ibuayi ïgai dai xadïrï maiti tïgitokana bïïxi ixtumaxi ibuayi ïgai ïpï. Kïïga gïgïbituldamu aanï tudu. Dïï aapimï gia ïr gin aaduñi kaxkïdï abïr bubuaki abhiadïrï go Babilonïrï óídakami saagidañdïrï dai abïr mai uraba ïgai soimaaxi ibuadatai— ikaiti. —Daiñi, xi soimaaxi ibuadagi aapimï ïpïan dukai ibuadana ïgai aidï gia taatamu aapimï gïgïbidaragai ïpïan dukai ïgai ïpï.