Genesis 19:14 - Northern Tepehuan Bible

¹⁴ Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Genesis 19:14 Iomraidhean Croise

Genesis 19:15

Bhodïrï ka xarhimi oidigi saidi Diuxi tïtïañikarudï potïtïdai go Lot, —Obaidañi dai bubaida gï oñiga dai gï maamara. Ïma dukai koimu aapimï xïxkadï gïgïbitulda aatïmï go oidakami— itïtïdai.

Genesis 19:17

Bhodïrï ka maigo gukatai ïgai saidi ïmoko go Diuxi tïtïañikaru itïtïdai, —Otoma abïr boopoi dai kïïgakïrï bubuaki— itïtïdai. —Dai toma lachi abïr mai ajaako nïnïnda dai bïï mai gugukada tanai dïjoana. Mïï daan tutubidakiana abïr boopoi kaxkïdï tudu mai koiyagi aapimï— itïtïdai.

Exodo 12:31

Mai kia maaxikai oidigi go Rey otoxi ñoki go Moises ïmadï Aaron xi mïï buidïrï gukibana. Dai bhodïrï amïï aïkai ïgai itïtïdai, —Iimibïrai aapimï tabhiadïrï daidi abïr baidaja gïn aaduñi go Israelitas dai abïr dagito aapimï gin aaduñi. Mïïka abïr koda buxtaki dai daxda Diuxi podukai ixdukai agaitadai aapimï.

Mataibo 1:18

Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

Mataibo 9:24

Daidi Suxi potïtïdai, —Iimibïrai— itïtïdai. —Maiti ïr mukiadï go arhi oki. Mos koso gobai— itïtïdai. Bai go óídakami aasïi mai buaboidaitai.

Lukas 24:11

Dai go ojotosadï Suxi ïmo buirudagai dukai kaï aatagidï go oki dai mai buaboitu.

Lukas 9:42

Daidi kia miadïrï imïitadai go gïrhi xako daja go Suxi bai go diabora tïañikarudï dïbïriana daitu ïpamu dai suikiturhi. Dai Suxi bhagakarai go diabora tïañikarudï dai aagidi sai dagitona bai go gïrhi duayi. Dai bhodïrï Suxi tïïgi go gïrhi ïpamu ogadï.

Hechos 17:32

Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

1Tesalonicenses 5:3

Xïxkadï karhioga dibia agadagi Gïr Nukadakami go óídakami pobïnïldamu sai mai tipu duadimudagai daidi pokaitadamu sai xioma daraka mai biakatai ixtukïdï buamï gïn ïrhiadagi. Dai aidï todian dukai gïpiïrï surhigimu ïgai dibiakai Gïr Nukadakami. Sïïrhikïdï todian dukai ayimu gïgïbidaradï tudu. Po ïxi ix xïï todian dukai kokorïi ïmo oki buapa agaitai ïmo arhi odami po ïxi todian dukai ayimu gïgïbidaradï óídakami dibiakai Gïr Nukadakami ïpï dai mai tipukamu soiñi ïgai bïïtarï.