Genesis 18:21 - Northern Tepehuan Bible

²¹ Mïï nïidamu aanï sa bhai ïr buaboi. Ix maiti ïr buaboika gobai kïïga maatï nïidamu aanï— itïtïdai.

Genesis 18:21 Iomraidhean Croise

Genesis 11:5

Dai Gïr Nukadakami tïbai dai nïnïidi go bhaabhaki ïmadï ix makïdï idui go odami go tïkabakami baaki.

Genesis 11:7

—Gï agai tïxi mïï taana ajiagi aatïmï dai ïjïkobai maakiagi ñokidï odami. Kaxkïdï tudu mai maatï gïn kaïkagi aipakoga— itïi Gïr Nukadakami.

Genesis 6:12

Go ïï soimaaxi tïï Diuxi nïiditai oidigi ka mos pupuirukatai oidakami.

Exodo 3:8

—Kaxkïdï tïbai aanï tïbagiañdïrï daidi kïïgakïrï bubaida iñagai xi ka mai soi buadagi go Ejiptuïrï óídakami. Ayimu ixtuigako baidamu aanï gin aaduñi abhiadïrï Ejiptuañdïrï. Daidi baidakamu aanï xako gïïgïr kaatï dïdïbïrai dai kïkïïgadukami. Xako óídaga go Kananeos agaikïdï óídakami ïmadï go Hititas dai Amoreos dai Fereseos dai Hebeos dai Jebuseos— itïtïdai Diuxi Moises.

Jonas 1:2

—Mïïka aagida go oidakami go gïï kiikiïrï xako Ninibeïrï tïgidu, aagidañi sai kïï maaxi kaatï aanï in buidïrï go soimaaxkamigadï ix makïdï ibuayi ïgai. Kaxkïdï koda iñagai aanï dai xia duada iñagai bhaabhakidï— itïtïdai Gïr Nukadakami go Jonas.

Lukas 16:15

Daidi Suxi potïtïdai, —Aapimï fariseos naana maaxi aaduindagai ibuadana ix makïdï buañixikami maaxi odami buitapi ipïrhiditai sai odami buañixikami ïrhiadagi gïn iibhïdaga gïn nïiditai. Dïï gia Diuxi kïïga nïidi ix maaxi gïn iibhïdaga dai mai xu xi mosïkaxi nïidi ïgai ixtuma buadagi aapimï. Kïïga gï maatï tudu sai Diuxi tukuragai dukai nïidi naana maaxi ixtumaxi ix makïdï odami buañixikami dai namïakami aagai— itïtïdai.

VUAANA 6:38

Daiñi, aanï dibia tami oidigi daama iduña iñagaitai ixtumaxi Diuxi ipïrhidi dai mai xu xi ïïgi ixtumaxi aanï ipïrhidi. Diuxi otosadï aanï tudu kaxkïdï iduña iñagai ixtumaxi ïgai ipïrhidi dai Diuxi gin Oga ipïrhidi ansai mai dagitoagi ix kuga imiagi tomarhi ïmadutai go buaboitudadami ix makïdï gin maa ïgai. Go maa bïïtarï gin otoi ïgai tudu an sai kïïga nukadakana go ix makïdï gin buaboitudai asta aïkai go kugatïrï tasïrï ukami. Dai ka aïkai go kugatïrï tasïrï aanï duduakarhida iñagai bïïxkatai ix makïdï gin nukaturhi Diuxi.

2 Korintios 11:11

Dïï gia maiti gï agai sai po gïn ïrhiada aapimï sai maiti gïn oigïdai aanï mai taanïitai aanï tuminxi. Maiti ipïrhidi aanï ix soi gïn buada aapimï bhaiyoma. Gïn oigïdai aanï kaxkïdï. Diuxi maatï sai buaboikïdï gïn oigïdai aanï tudu.

1Tesalonicenses 4:16

Aidï gïïgïr iñakidamu Suxi Kristo tïbanïkai tïbagiañdïrï tudu. Dai aidï gï kaidatudamu ïpï Diuxi tïtïañikarudï bhaitï kïakamigadï. Dai ganïjida agai ïgai Diuxi trompetagadïkïdï ïpï. Daidi duakatuldamu Diuxi go buaboitudadami ix makïdï ka koi.

Hebreos 4:13

Mai tipu ixtumaxi ïxtokikagi Diuxi buitapi tudu. Bïïxi aïkatai mos maaxiko kaatïkana Diuxi buidïrï. Dai ïgai buitapi bia aatïmï xi aagadagi ix tumaxi dui aatïmï tami idi oidigi daama.