Genesis 17:5 - Northern Tepehuan Bible

⁵ Kaxkïdï xibi ïma dukai gï daasamu aanï gï tïtiaraga— itïtïdai. —Xibi ka mai Abram tïgidukamu aapi. Xibi abhiadïrï bhaitiakoga Abraam tïgidukamu aapi bhaiyoma—.

Genesis 17:5 Iomraidhean Croise

Genesis 17:15

Dai bhodïrï potïtïdai Diuxi go Abraam, —Gï oñiga ka maiti gï agai xi Saraí tïgidukagi ïpï. Xibi bhaitiakoga Sara tïgidukamu ïgai— itïtïdai.

VUAANA 1:42

Dai otoma baidaja ïgai go Ximuñi sai nïidana go Suxi. Daidi Suxi mos tïïgakai go Ximuñi potïtïdai, —Aapi ïr Ximuñi dai gï oga Juan tïgidu dai aapi Cefas gï aagamu odami xibi bhaitiakoga— itïtïdai Suxi. Piduru busakïi go Cefas tïtiaradï tudu dai itïiya ïrhidi aiti.

Romanos 4:17

Go Abraamkaru buaboitu Diuxi ix makïdï duduakatudai koidadï dai ix makïdï mos ñokaitai ibuayi ixtumaxi ix makïdï mai kia tipukana. Kaxkïdï Diuxi ñokidï pokaiti ïki abhiadïrï sai go Abraam ïr ogadï ka agai mui óídakami naana dukai ñokadami.

Apokalipsis 2:17

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.