Genesis 17:16 - Northern Tepehuan Bible

¹⁶ —Aanï maakimu ïmo bhai ïrhiaragai abhana go Sara xi ïgai tïïgimu ïmo arhi gïrhi. Kaxi an gï aagidi sai maakimu aanï ïmo bhai ïrhiaragai abhana go Sara xi ïgai ïr dïïdï ka agai mui naana dukai ñokadami odami. Dai ïïmadutai ujurhidï gïïgïr reyes ka agai— itïtïdai.

Genesis 17:16 Iomraidhean Croise

Genesis 1:28

Bhodïrï Diuxi aagai ïmo bhai ïrhiaragai ñoki go odami bïïtarï daidi potïtïdai, —Kïïga abïr muida oidigi dama sai bhodïrï tïanïna aapimï ïmadï gïn maamara oidigi dama bïïxi ixtumaxi oidaga— itïtïdai. —Daiñi— itïtïdai. —Kaxi gïn maa aanï go batopa dai go ujurugi dai bïïxi go oidigi dama ajiopadami mïxi iduñagi ix dukatai bhai ïrhiadagi aapimï— itïtïdai.

Genesis 12:2

Aanï kïï muidatulda iñagai gï piipixara— itïtïdai. —Kabami muidamu ïgai dai bïïxkïrï mos ïr ïmo odamikamu ïgai tomaxi apia bamioma muidamu ïgai. Dai aapi ïr ogadï ka agai ïgai. Aanï gï maakimu ïmo bhai ïrhiaragai gï abhana xi gï aatagadamu óídakami aipakoga dai aapi ïr soikïdakami ka agai mui odami— itïtïdai.

Genesis 17:15

Dai bhodïrï potïtïdai Diuxi go Abraam, —Gï oñiga ka maiti gï agai xi Saraí tïgidukagi ïpï. Xibi bhaitiakoga Sara tïgidukamu ïgai— itïtïdai.

Genesis 17:19

—Cho Abraam— itïtïdai Diuxi. —Kaxi an gï aagidi sai go Sara ïgai dai buapa agai ïmo arhi gïrhi dai Isaak tïïtïmu aapi. Ïgai bïïtarï ka agai go ñoki ix makïdï bhai dui aanï gï ïmadï. Dai ïgai maamaradï bïïtarïka agai ïpï bïïxkïrï bïïtarï. Bïïxkïrï bïïtarï kïïgadu ka agai go ñoki tudu— itïtïdai.

Genesis 21:1

Dai Diuxi maa ïmo bhai ïrhiaragai Sara abhana xi tïï ïgai go arhi odami ix makïdï agaitadai Diuxi. Bua ïgai ïmo arhi gïrhi kaxi ïr kïrhiodamikatai Abraam. Ix tuigako agaitadai Diuxi katuigako dibia go arhi odami.

Genesis 25:23

Dai Gïr Nukadakami itïtïdai, —Gobai ix makïdï gï booka ïraana daraja ïmoko ïr ogadï ka agai ïma tïgidukami ïmo gïï kii xi go gïmai ïma tïgidukami ogadï ka agai ïpï. Ïgai ïr gïn bupuidïrï bïïtïkami ka agai Kaxkïdï gïn nïitusai ïgai gï booka ïraan darajatai. Ïmoko piipixaradï bamioma gupuka agai xi go gïmai piipixaradï. Ix makïdï ïr asukurhi ïgai dai piipixaradï tïanïda agai go gïmai piipixaradï— itïtïdai.

Romanos 9:9

Diuxi adukai aagidi go Abraamkaru aidï, Gïn umiïrï gïn dibidamu aanï ïpamu dai amaxi tuigako go Sara buapa agai ïmo xïïñi kïïrhi, itïtïdai.

Galatas 4:23

Dai go maradï go pioñi mos busai ïpïan dukai tuma xorai, odami gubukarhigadïkïdï tudu. Ïgai gia ïr ïïgi odami tïgibudadïkïdï dai dibia. Dïï gia go gïmai ix makïdï dïïdï maiti ïr pioñi ïgai gia Diuxi gubukarhigadïkïdï dibia. Diuxi aagiditadai go Abraam sai marata agai tudu xi kaxkïdï marai ïgai.

1 Pedro 3:6

Dukami, go Sarakaru tïanïdami aagaiña ïgai go Abraamkaru xadutudaitai dai kïïga ïïgidiña. Kïïga xigian tuigatadai go Sara tudu. Dai aapimï ïpïan tutiakamu go Sara ïpï ix mai duadikoitai ibuadagi aapimï ixtumaxi ïr sïïrhi mai buamï gïn ïrhiditai ix gïn buidadagi gïn kukuna.