Genesis 17:1 - Northern Tepehuan Bible

¹ Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Genesis 17:1 Iomraidhean Croise

Genesis 12:1

Ïki oidakatadai ïmo kïïrhi Abram tïgidukami dai ïmo imidagai Gïr Nukadakami aataga ïmadï daidi potïtïdai, —Abram. Dagitoñi gï kii dai gï aaduñi dai aanï gï tïïgidamu ïmai dïbïrai xibhïako pai ami oidaka aapi.

Genesis 12:7

Dai Gïr Nukadakami kïkiba Abram buitapi daidi potïtïdai, —Idi ïr go dïbïrai ix makïdï maakimu aanï gï maamara ïmadï gï piipixara maigobai— itïtïdai. Dai bhodïrï amaxi kïi Abram ïmo daxdakarui dai mua ïmo buxtaki dai daaxi Gïr Nukadakami. Ami gï maaxitu Gïr Nukadakami Abram buitapi xi kaxkïdï ami kïi ïgai go daxdakarui.

Genesis 43:14

—Dai Diuxi go ix makïdï bïïxi adama ïr gubuakïdï gïn soiñana saidi gïn oigïdana go kïïrhi. Dai sai oigïda ïgai gïn xiixi ix makïdï mïï Ejipituana bia aapimï dai gïn sukurhi Benjamin ïpï— itïtïdai. —Dai ix go dunukami gin poopoida ïrhiada gin maamara aanï dukatai sobhidana— ikaiti go Jakobo.

Genesis 46:3

—Aanï ïr Diuxi go baaxi ix makïdï gin buaboitudaiña gï oga. Daiñi. Maitï agai ix duadikuda aapi imïkai Ejiptuamu. Aanï gï nukadakamu tudu. Kaxkïdï tudu kabami muidatulda iñagai gï piipixara ami Ejiptuïrï. Dai ïgai ïmo odami ka agai ka muidakai— itïtïdai.

Genesis 5:22

Go kïïrhi Enok tïgidukami kïï kaidakana, kïï ïïgidarakan dukai ïgai Diuxi. Ïgai maara ïmo kïïrhi Metusalen tïgidukami ka biakatai baikobhai dan taama umigi. Dai bhodïrï ka kïkibakai go Metusalen bhodïrï bhaitiakoga kia oidakatadai go Enok ïpï baika ciento umigi dai maamara ïgai aarhi bamioma.

Genesis 5:24

Dai bhodïrï Diuxi modukai duakakami baidaja go Enok dai ka mai tiputa ïgai oidigi dama. Kïï ïïgidiña ïgai Diuxi tudu dai kaxkïdï baidaja ïgai.

Genesis 6:9

Xibi aagamu aanï go Noé. Go Noé kïï tuigakana dai kïï ïïgidiña Diuxi. Aidïpïrï go ïï Noé ïgai dai ïïgidiña Diuxi. Maigobai mai tipukatadai ïmai xorai ïpïandukai biakagi tïgibudagai.

Exodo 6:3

—Gin maaxitu aanï buidïrï aapimï gïn piipixara ïïki ix makïdï Abraam dai Isaak dai Jakobo tïtïgidu. Podukai máí ïgai xi aanï ïr Diuxi dai bïïxi adama ïr gubuakïdï aanï. Dïï mos mai tïïgi aanï gin tïtiaraga. Nukadakami tïgidu aanï tudu— itïtïdai.

Mataibo 19:26

Dai Suxi sïïrhi buijako nïidi mamaatïrdamigadï daidi potïtïdai, —Buaboi aba sai óídakami mai bhaiga xi kïïgakïrï gïn bubiadagi ïïgi. Dïï gia Diuxi kïïga ixtutuidikïi xi kïïgakïrï bubiadagi. Kïïga ixtutuidikïi ïgai xi ibuadagi ixtumaxi odami mai bhaiga xi ibuadagi tudu— itïtïdai.

Mataibo 5:48

—Gin aaduñi— itïtïdai. —Gï agai sai kïïga ïpïan ïxi kïï tutiakagi aapimï Diuxi gïn Oga ix makïdï tïbagiana daja— itïtïdai.

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Hechos 23:1

Daidi Pabora bui nïnïaba bïïxi go bhaitï gukakami ix makïdï gïn ïmpagitadai ami daidi itïtïdai, —Gin aaduñi, aanï kïïgakïrï ïïgidiña Diuxi ïïki abhiadïrï. Dai xibi ukami mai buaboitudai aanï gin ibhïdagïrï xi oidakagi ixtukïdï gïpiïrï gin bupadagi jaa Diuxi buitapi— itïtïdai Pabora.

Hechos 24:16

Kaxkïdï gaagai aanï ixdukatai oidakagi ixdukai buaboitudai aanï gin ibhïdagïrï xi ïr sïïrhi xi podukai mai xaïradagi aanï Diuxi buitapi dai odami buitapi ïpï.

Efesios 3:20

¡Gï agai tudu xi kïïga xadutuadagi aatïmï Diuxi! Ïgai gubukarhigadï tudu aatabuayi gïr ïrabiadïrï. Dai ïgai bia gubukarhigai ixtukïdï ibuadagi gïïpi bamioma ixtumaxi xi bhai ix makïdï aatïmï bhaiga xi gïr tïgitoagi xi ïpï xi tañiagi ïpï.

Filipenses 4:13

Tomax dukai Suxi Kristo ïgai dai gin mamaakai go gubukarhigai. Dai ïgaikïdï ixtutuidikïi aanï tomax tuma daibuñagi.

Hebreos 12:28

Gin aaduñi, gobai ix makïdï bïïxkïrï bïïtarï kabaka agai ïr go utudui oidakaragai ix makïdï gïr maa Diuxi. Ami gïr utudui oidakaragïrï gïr nukadai Diuxi dai gïr oigïdaitai gïr tïanïi ïgai. Dai bïï mai ugiti agai gobai tomarhi ïmo imidagai. Kaxkïdï gï agai sai kïïga bhai gïr ïrhiada aatïmï Diuxi ïmadï sai podukai kïïga ñokada aatïmï ïgai bïïtarï dai kïïga xadutuadagi ixdukai ïgai ipïrhidi. Aa gia gï agai xi kïïga xadutuada aatïmï mos ïxi namïakatai ïgai.

Hebreos 7:25

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.