Genesis 15:15 - Northern Tepehuan Bible

¹⁵ Dïï aapi Abram mai nïidamu go maaxi. Kia oidakamu aapi mui umigi oidigi dama. Dai bhodïrï ugitimu aapi ka kïrhimukai.

Genesis 15:15 Iomraidhean Croise

1Kr 29:28

Dai go óídakami kïï oigïdaiña Dabid dai kïï gï bidatu ïgai dai gokiïrï ugidagai go kïrhiodami kïïrhimukai. Dai bhodïrï Dabid maradï Solomon tïgidukïdï bhïiyi gubukadadï.

Numeros 20:24

Dai Gïr Nukadakami aagidi sai go Aaron muki agai dai itïtïdai ïgai, —Go Aaron ka muki agai— itïtïdai. —Ka mai baakia agai ïgai gamo Kanaanïrï xako aagai aanï xi maaki iñagai go Israelitas xi ami óídakagi. Ka maiti gin ïïgidi aapimï amïka xako busanïi sudagi Maribïrï. Kaxkïdï ka mai baakia agai go Aaron— itïtïdai Gïr Nukadakami.

Mataibo 22:32

Go Abraamkaru ïmadï Isaakaru dai Jakobokaru kïïga gin buaboitudai Diuxigadïkatai aanï? ikaiti Diuxi ojadïrï. —Daiñi, gobai itïiya ïrhidi sai kia óídaga iibhïadï ïgai. Ïma dukai ¿Dukatai buaboitudaiña ïgai Diuxi? Dai óídakatai iibhïadï ïgai kïïga maatiga maaxi sai gia oidaga duduakaragai koidadï bïïtarï— itïtïdai Suxi go Saduseos.

Hechos 13:36

Go ojai gobai mai aagadankaiti go Dabidkaru. Ïmai aagadankaiti gobai bhaiyoma. Daiñi, go Dabid muu ka naato dunakai go aaduindagai ix makïdï Diuxi gatïjai dai bhodïrï aaduñdï yaasa ïgai. Ami tudu duba tukugadï ïgai. Kaxkïdï maatiga maaxi xi ïmai aagadankaiti go ojai.

Jue 2:10

Dai tïbïpikïdï koi go gaa bhaitï gukakami ïpï ix makïdï ïpïan ïxi ïr kïkïrhiodami ïmadï Josue. Dai abhiadïrï bhaitiakoga go Israelitas ka dagitoimi Gïr Nukadakami. Go utu iimïdami mai maatïkana ix tuiga Gïr Nukadakami dai tomarhi mai maatï ïgai ix maaxi idui ïgai soiñi abhana go Israelitas.