Genesis 13:5 - Northern Tepehuan Bible

⁵ Dai go Lot, go akitadï Abram, oiditadai go Abram dai miadïrï gï urhiñaiña. Gïï bipidakami ïgai bïï gokatai. Arhiï muidu sosoigadï kañiñiru ïmadï baakaxi dai pipioñigadï muidu ïpï ix makïdï ïmadï iimïi.

Genesis 13:5 Iomraidhean Croise

Genesis 12:4

Abram ka biakatadai baikobhai dan bhaibuxtama dan taama umigi. Dai ïïgida kaï ïgai Gïr Nukadakami dai ka dagito go kii xako oidakatadai ïgai. Dai bhïiyi boi mïkaxi xako gïï kaatï oidigi Kanaan tïgidukïdï. Abram oñigadï Saraí tïgidu dai Abram baidaja go Saraí ïmadï ïmo kïïrhi Lot tïgidukïdï. Go Lot ïr akitadï Abram. Bïïxi kusubaka ïgai buxtuidadï abhiadïrï Haranañdïrï xako óídagatadai ïmadï pipioñigadï ïpï ix makïdï ami biatu ïgai. Dai iji ïgai Haranañdïrï dai mui tasai mos iimïi ïgai boiyamu dai bhodïrï ka ayi mïï Kanaanïrï.

Genesis 13:6

Ka mai tïtïgaiña ïgai xako tïigiagi mos ïï mui buxtaki. Dai ka mai bhaigakana ïgai ix xioma oidakagi ïmapi.

Genesis 25:27

Aidïxi ka kïkïïrhitu ïgai Esau kïï ojoidi ix oidigana aimïrdagi dai arhiïxi gamumuabukïiña ïgai. Dïï go Jakobo mai xii ojoidi paxarhigai podukai. Xioma tïgito ïgai gï aaduindaga kiiyana.

Genesis 4:20

Go Ada marai go kïïrhi Jabal tïgidukami. Go Jabal ïr pipiixaradï go ix makïdï ikuxi bhabhakiïrï oidaga nukadatai buxtaki.