Galatas 6:9 - Northern Tepehuan Bible

⁹ Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Tepehuan Northern: Diuusi ñiooquidʌ utuducami oodamicʌdʌ

⁹ Cascʌdʌ maitʌaagai isoojoadagi ivuaadatai istumaasi ipʌlidi Diuusi Ibʌadʌ. Poduucai Diuusi ʌmo imidagai gʌrmaaquimu mui naana maasi istumaasi cʌcʌʌgaducami tʌvaagiʌrʌ isapiaivuaadagi istumaasi ipʌlidi Diuusi.

Galatas 6:9 Iomraidhean Croise

Mataibo 10:22

Bïïxi óídakami gïn kïïdada agai gin urabakatai aapimï tudu. Dïï gia aanï agai sai xorai gï kabakadagi go soi ïrhiaragai buidïrï dai kïïga gin buaboitudadagi asta xïxkadï ukami oidakagi ïgai tami oidigi daama, ïgai gia kïïgakïrï bubuaki agai— itïtïdai Suxi.

Mataibo 24:13

Dïï gia ix makïdï mïï kugatïrï ukami mo ïxi gin buaboitudagi, ïgai gia kïïgakïrï bubuaki agai—.

Mataibo 25:17

Dai ix makïdï goka mirhi bhïitadai podui ïpï dai ïpï goka mirhi daamioma gamaitï.

Mataibo 9:19

Dai otoma oi Suxi ïmadï mamaatïrdamigadï gamo kiidïrï go kïïrhi.

Markos 3:3

Daidi Suxi potïtïdai go kïïrhi ix makïdï gakixapi ïkadï, —Gimi dai kïkiba tami xako gï nïijadagi go gaa— itïtïdai.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Romanos 2:7

Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

2 Korintios 4:1

Xigian kaiti go utudui sïïrhikami tudu dai Diuxi kïï tuiga dai gïr maa oigaragai ix gatïtïïgiadagi aatïmï gobai aipakoga. Kaxkïdï mai ojodatai gatïtïïgidi aatïmï ñoki

2 Korintios 4:16

Sïïrhikïdï kïï tuiga Diuxi gïn bïïtarï tudu daidi ibuayi naana maaxi gïn bïïtarï ipïrhiditai ix oijadagi aapimï ixtumaxi ïr buaboi. Kaxkïdï apia gatïtïïgidimi aatïmï go bhai ïrhiaragai aatagi tomaxi soimaaxi taatamai aatïmï dai maiti gïr daadagitoi xi gïr maitiagi go soi ïrhiaragai toma xïïxi kabami soimaaxi taatamai aatïmï. Apia gatïtïïgidi aatïmï go bhai ïrhiaragai aatagi aipakoga tomaxi bïïx tasai bamioma ugitimi gïr tukuga tudu dïï gia bïïxkïrï bïïx tasai bamioma utudutuimi gïr iibhïdaga.

2 Korintios 9:6

Kïïga bhai gïn ïrhiarakïdï dai bhai gïïpi abïr gamaakada tudu. Daiñi, xïxkadï gamaakadagi aapimï soiñi jaa gobai ïpïan buayi xïïxkadï ïmo odami gaïsadagi. Ix mosïkaxi lïïchi ïsadagi ïgai aidï gia mosïkaxi lïïchi yoobaiña ïpï. Dïï gia xi bhai gïïpi ïsadagi ïgai aidï gia bhai gïïpi yoobaiña ïgai ïpï.

Efesios 3:13

Kaxkïdï tudu gïn daanïi aanï xi maiti gïn dagitoagi aapimï ix soi gïn ïrhiadagi gin maixatudakai aanï tanai. Daiñi, gï agai xi kïïga xadutuadan taadakagi aapimï bhaiyoma xi gïn soikïitai gin maixatu aanï.

2 Tesalonicenses 3:13

Dai aapimï ix makïdï gia kïïga aatabuayi abïr mai ojodada gïn aaduindagai dai bhaiyoma abïr apia oijada dai ibuada ixtumaxi ïr soiñi.

Hebreos 12:3

Gin aaduñi, kïï maatï aapimï sai go Suxi kabami soimaaxi taata. Go óídakami soimaaxi ibuadami kabami kïïdaiña dai kabami soimaaxi buididiña tudu. Gïn tïgitobïrai gobai sai podukai mai ojodatai oijada aapimï gïn buaboidaraga dai sai mai ugitïna gïn gubukarhiga xïïxkadï soi gïn buidadagi óídakami ïpïan dukai xi duñi ïgai Suxi.

Hebreos 12:5

Gin aaduñi, maiti abïr gajiadïrï bia go ojai xako ikaiti sai Diuxi mamaakai ñoki bïïxi maamaradï. Adukai ikaiti Gïr Nukadakami ami ojadïrï tudu, Gin maara, ikaiti. Kïïga gin ïgiada xïxkadï soimaaxi gï taatamiturhiadagi aanï. Po buayi aanï ipïrhiditai sai kïïga gï tïgitoagi aapi ïpamu xïxkadï mai kïïga ibuadagi aapi. Maiti dagito gï buaboidaraga gokïdï tudu.

Hebreos 3:14

Gï agai xi gïr mamaakadagi aatïmï ñoki aipakoga dai xi gïr abïnakiadagi ix apia buaboitudada aatïmï tudu. Kaxkïdï tudu kïïga maatï aatïmï sai gï agai xi apia kïïga buaboitudada aatïmï asta xïïxkadï ukami óídakagi aatïmï. Gï agai xi mo ïxi buaboitudada aatïmï ix duu buaboitu aatïmï tukamïrï tudu sai podukai kïïga biakana aatïmï ïmo urabaragai Suxi Kristo ïmadï.

Santiago 5:7

Gin aaduñi, oidaga odami ix makïdï soi buidada agai go buaboitudadami. Dai kaxkïdï gï agai sai gïn kabakadagi aapimï go soi ïrhiaragai buidïrï dai mai ojodatai nïnïrakagi ix dibiagi Gïr Nukadakami ïpamu. Gïn tïgitobïrai ix dukatai ibuayi ïmo ïsadami. Tïbïraga ïgai nïnïraradï tudu. Ga ïsaiña ïgai dai bhodïrï kïïga mai ojodatai nïnïrakana ïgai ix aiyagi duki. Dai bhodïrï bhai tïbïpi nïnïrakana ïgai ix aiyagi gobai ix makïdï bamioma namïga ïgai bïïtarï. Nïnïrakana ïgai go yoobaragai tudu.

1 Pedro 2:15

Gin aaduñi, Diuxi ipïrhidi sai kïïga xadutudaitai óídakagi aapimï. Ipïrhidi ïgai sai go óídakami ix makïdï ïr buidïrï bïïtïkamigadï Diuxi ka mai biakagi ixtukïdï ñokadagi tudu. Podukai dodorhituda ïrhidi ïgai go ix makïdï gïn ñokidiña aagaitai naana maaxi buirudagai.

1 Pedro 3:17

Daiñi, xioma ïr kïïga ix soimaaxi taatamadagi aapimï ibuadatai ixtumaxi ïr sïïrhi, ix podukai gï tïgitoagi Diuxi dai gïn dagitoagi ix soimaaxi taatamadagi aapimï tudu. Dïï gia maiti gï agai ix soimaaxi taatamadagi aapimï soimaaxi ibuadatai. Gobai gia mai kïïgadu.

1 Pedro 4:19

Gin aaduñi, Diuxi gïr idui dai bïïxkïrï ibuayi ïgai ixtumaxi aagadagi ïgai dai mai yaatagïi. Kaxkïdï gï agai sai apia buaboitudada aatïmï sai ïgai kïïga gïr nukadamu tomaxi soimaaxi taatamadagi aatïmï ibuadatai ixtumaxi Diuxi ipïrhidi.

Apokalipsis 2:17

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.

Apokalipsis 2:3

Maatï aanï sai apia buaboitudai aapimï tomaxi soimaaxi taatamaiña aapimï dai sai mai ojodatai aatabuayi aapimï gin bïïtarï.

Apokalipsis 2:7

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Ïgai ikaiti, Daiñi, maakimu aanï oigaragai xorai gamaitiagi soimaaxkami bui sai ugana ibhiadï go uxi ixtukïdï kïïgakïrï oidakana odami bïïxkïrï bïïtarï dai ix makïdï Diuxi ïxikamigadïana kïïka tïbagiana. Po tudu ikaiti Diuxi Ibhïadï—.