Galatas 6:2 - Northern Tepehuan Bible

² Xïïxkadï bïïtïkan taadakagi ix tumaxi ïmadutai gïn aaduñi bïïtarï abïr soikïda. Podukai kïïgakïrï ibuadamu aapimï ixtumaxi gïr tïjai Suxi Kristo.

Tepehuan Northern: Diuusi ñiooquidʌ utuducami oodamicʌdʌ

² Poduucaiavʌr gʌnsoicʌda aapimʌ aipacoga siʌʌscadʌ soimaasi taatamada aapimʌ dai poduucai ivuaadamu aapimʌ istumaasi aagai Suusi Cristo mamaatʌtuldaragadʌrʌ.

Galatas 6:2 Iomraidhean Croise

Mataibo 8:17

Po dui ïgai ixtumaxi oja go Isaiaskaru ïïki. Go Isaias ïr ïmo ñokituldiadamigadï Diuxi dai oja ïgai ïmo ojai aagaitai Diuxi Otosadï, aagaitai go Tïanïdami tudu. Dai ikaiti ami go ojiïrï sai, —Diuxi otosadï maigobai dáí go kokodagai ïmadï bïïxi ixtuma soi taatamaiña aatïmï— po tudu oja go Isaiaskaru ïïki. Kaxkïdï duduadi Suxi go kokokoñiadï ïmadï ix makïdï biakatadai tïtïañikarudï go diabora ibuadatai ïgai ixdukatai oja go Isaiaskaru ïïki.

Lukas 11:46

—Ïjï— itïtïdai Suxi. —Aapimï ïpï kabami soimaaxi taatamu gïn aïkai gïgïbidaragai ïpï. Daiñi, tïanïiña aapimï odami sai ïïgiada ïgai naana maaxi sïïrhikami xijiakami. Ïmo bïïtïkami kusubi duu taatakana odami ixtumaxi tïanïiña aapimï. Mai nanakogai ïgai tudu dai aapimï toma lïïchi mai soikïi sai mai bïïtïkana ïgai bïïtarï— itïtïdai.

VUAANA 13:34

Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.

VUAANA 15:12

Dai Suxi oi aatagidï go mamaatïrdamigadï ïmadï daidi itïtïdai, —Aanï gïn tïanïi sai gïn oigïada aapimï aipakoga ïpïandukai ix aanï gïn oigïdai— itïtïdai.

Romanos 15:1

Aatïmï ix makïdï kapaka gïr buaboidaraga gï agai xi soikïdagi go gaa ix makïdï mai kapaka buaboidaradï. Maiti gï agai xi ibuadagi aatïmï ïïgi ixtumaxi bhai ïrhiada aatïmï tudu.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

1Tesalonicenses 5:14

Gïr susukurhi, ix makïdï gïn urapïkïi dai paparïga abïr maakada ñoki. Daidi ix makïdï duduadikui abïr abïnakidada. Dai ix makïdï mai gupuka buaboidaradï abïr soikïda. Ïgai bïïxkatai gï agai xi mai dagitokai soiñagi aapimï dai mai ojodadagi.

Santiago 1:25

Daiñi, Diuxi ñokidï sïïrhikïdï kïïgadu. Ami Diuxi ñokidïrï mai biïga ixtumaxi tudu. Dai kïïga soikïi gobai odami sai ka maiti ïr pioñigadïkagi ïgai go soimaaxkami, sai ka mai biakana ïgai xi ïïgiadagi go soimaaxkami dai taatagi mukigami tudu. Dïï gia gï agai odami xi kïïga gïn tïgito kaïkagi ix kaiti gobai daidi ïïgiadagi. Ix pobuadagi ïgai aidï gia kïïga bhai gïn ïrhiadamu ïgai.

Santiago 2:12

Gin aaduñi, kïïga abïr gïn tïgitoka ix tïdagi aapimï jaa dai ix tumaxi ibuadagi ïpï. Kïï maatï aapimï sai Diuxi aagada agai ix bhai kïï dui aapimï, ix bhai kïïga ïïgidi aapimï go utudui sïïrhikami tudu. Dai go utudui sïïrhikami ïgai daidi gïr soikïi sai ka mai biakagi aatïmï ix ïïgiadagi go soimaaxkami dai taatagi mukigami.

Santiago 2:8

Daiñi, sïïrhikïdï kïïgadu ix kïïga ïïgiada aapimï go sïïrhikamigadï Diuxi ix makïdï ikaiti sai, Gï agai sai oigïada aapimï jaa ïpïan ïxi ix xïïxi gïn oigïdai ïïgi aapimï. Ix ïïgiadagi aapimï go sïïrhikami gobai aidï gia kïïga ibuayi aapimï tudu.

1 Pedro 2:24

Aatïmï gïr ajïakatadai gïgïbidaragai soimaaxi ibuadamikatai aatïmï tudu dïï gia Suxi taata go gïgïbidaragai gïr bïïtarï mukukai kuruxiana. Po dui ïgai saidi ka maiti gïr tïanïdagi go soimaaxkami. Ïpïan dukami gïr bia ïgai ïmo mukiadï ix makïdï ka mai bhaiga xi ïïgiadagi go soimaaxkami tudu. Ka mai bia aatïmï xi ïïgiadagi go soimaaxkami tudu ka koidadï dukai biïkai aatïmï go soimaaxkami bïïtarï. Po dui ïgai sai ka ïma dukai óídakagi aatïmï ibuadatai ixtumaxi ipïrhidi Diuxi. Gï muragitu ïgai saidi kïïgakïrï bubuakïna aatïmï tudu.

2 Pedro 2:21

Ka máí ïgai ix dukatai bhaiga odami xi buañixikami dukai óídakagi tudu dai gokiïrï ka mai ïïgidi ïgai go ñokidï Diuxi xako gïr tïjai ïgai sai ïgai bïïtarï óídakana aatïmï ïkobai darakatai aatïmï go soimaaxkamiañdïrï tudu. Xioma ïr kïïgaikamudai ïgai bïïtarï ix mai kia maatïkamudai ixdukatai buañixikami óídakagi tudu.

2 Pedro 3:2

Kaxkïdï abïr gïn tïgitoka ixtumaxi gïr aagidiña go ñiñokituldiadamigadï Diuxi ïïki abhiadïrï ïkobubaidadïkatai ïgai Diuxi. Dai gïn tïgitobïrai ïpï ixtumaxi gïr tïjai Suxi Kristo Gïr Nukadakami ix makïdï ïr gïr kïïgakïrï bubiadamiga. Gïn tïgitobïrai ixtumaxi gïn aagidi aatïmï ojotosadï Suxi ïpï, aatïmï ix makïdï gïn tïtïïgidi ixtumaxi gïr tïjai ïgai tudu.

1 Juan 4:21

Diuxi gïr maa ïmo sïïrhikami tudu ix makïdï ikaiti sai, —Odami ix makïdï oigïdai Diuxi gï agai ix oigïdada aaduñdï Diuxi amadïrï ïpï— ikaiti go sïïrhikami.