Galatas 6:16 - Northern Tepehuan Bible

¹⁶ Go aaduindagai ix makïdï idui Suxi Kristo gïr utudutuldakai ïgai gobai ïgai dai namïga. Dai ipïrhidi aanï sai kïï tuigakana Diuxi bïïxi go buaboitudadami bïïtarï ix makïdï buaboitudai sai gobai ïgai dai namïga. Dai ipïrhidi aanï sai gïn ibhïxtakan taadakagi ïgai iibhïadïrï. Go buaboitudadami tudu kïïgakïrï ïr aaduñdï Diuxi.

Tepehuan Northern: Diuusi ñiooquidʌ utuducami oodamicʌdʌ

¹⁶ Aanʌ ipʌlidi sai Diuusi iibʌstudacan tadacana vʌʌsi ismaacʌdʌ vaavoitudai Suusi Cristo dai camaivaavoitudai Moseesacaru sʌʌlicamigadʌ. Dai aanʌ ipʌlidi ʌʌpʌ sai Diuusi soigʌʌlidiña ʌgaicʌdʌ.

Galatas 6:16 Iomraidhean Croise

VUAANA 1:47

Dai mai kia ayi Natanael xako dajatadai go Suxi sai go Suxi ka tïï daidi itïi, —Bhodïrï imïi ïmo kïïrhi ix makïdï buaboikïdï ïr ïmo Israelita kïï tuigakatai gobai. Gobai gia mai buirumadai odami— itïi Suxi tïïgakai go Natanael.

VUAANA 14:27

Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Romanos 4:12

Dai ogadï dukai bii Abraam odami bïïtarï ix makïdï gïn circuncido ïpï dïï mosïkaxi ix makïdï bia go baaxi buaboidaragai ix makïdï biakatadai go Abraamkaru aidï abhiadïrï xi mai kia circuncidadugatadai ïgai.

Galatas 1:3

Gin aaduñi, ipïrhidi aanï sai taatana aapimï xïï kïï tuiga Diuxi gïr Oga ïmadï Suxi Kristo dai sai gïn maakana ïgai ibhïxtaragai gïn ibhïdagïrï.

Galatas 3:29

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Galatas 5:16

Gin aaduñi, bïïxi óídakami bia tïgibudagai ix makïdï ïïgi ibhïadïañdïrï imïi dai ix makïdï mai ïïgiada ïrhidi Diuxi. Kaxkïdï gïr ajïi tïgibudagai xi ibuada aatïmï naana maaxi soimaaxi. Dïï gia abïr oijada Diuxi Ibhïadï dai aidï gia ka maiti ibuadamu aapimï ixtumaxi ibuada ïrhidiña ïïgi gïn tïgibudagakïdï.

Galatas 5:25

Diuxi Ibhïadï gubukarhigadïkïdï óídaga aatïmï tudu xi kaxkïdï tï bhaiyoma oijada ïgai bïïxi aïkatïrï.

Efesios 6:23

Xibi gin susukurhi Diuxiïrï, ipïrhidi aanï xi kïïga buaboitudada aapimï bai kïïga gïn urabakan taadakana aapimï aipakoga. Sai Diuxi Gïr Oga ïmadï Suxi Kristo Gïr Nukadakami gïn soiñana bai kïïgakïrï gïn oigïadagi aapimï aipakoga.

Filipenses 3:16

Dïï gia gï agai xi apia maiti gïr dagitokai ibuadaiña aatïmï bïïxi ixtumaxi ix makïdï gïr tïtïgidi Diuxi.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Filipenses 4:7

Baidi ïgai gïn maakimu ïmo ibhïxtaragai gïn ibhïdagïrï dai gïn tïgibudagïrï buaboitudaitai aapimï Suxi Kristo. Dai gïr tïgibudaga mai ajïi ix maatïkagi xïï kïïgadu go ibhïxtaragai ix makïdï gïr maakai Diuxi.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.

Udaxi 1:2

Gin aaduñi, ipïrhidi aanï sai kïïga maatï taatana aapimï xïï kïï tuiga Diuxi gïn bïïtarï soi gïlda gïn nïiditai ïgai. Dai ipïrhidi aanï ïpï sai kïïga ibhïxtakan taadakagi aapimï gïn ibhïdagïrï dai sai kïïga gïn oigïdada aapimï aipakoga maatïkatai xïï kïïga gin oigïdai Diuxi.