Galatas 4:21 - Northern Tepehuan Bible

²¹ Gin kaïkabïrai aapimï ix makïdï ïïgiada ïrhidi go sïïrhikami po gïn ïrhiditai sai podukai kïïgakïrï gïn nïijadamu Diuxi. ¿Kïïga mïx maatï ix kaiti go sïïrhikami dai kaxkïdï ïïgiada ïrhidi?

Tepehuan Northern: Diuusi ñiooquidʌ utuducami oodamicʌdʌ

²¹ Aapimʌ ismaacʌdʌ ivuaada ʌlidi istumaasi aagai Moseesacaru sʌʌlicamigadʌrʌ poʌliditai sai poduucai istutuidi iscʌʌgacʌrʌ vuvaquiagi gʌaagai iscʌʌga maatʌcagi aapimʌ istumaasi gʌaagai sʌʌlicamirʌ.

Galatas 4:21 Iomraidhean Croise

Markos 10:3

Baidi go Suxi potïtïdai, —¿Kaiti aidï Moises ojadï sïïrhikami? ¿Tumaxi gïn tïjai ïgai?— itïtïdai.

Lukas 16:29

Dïï gia go Abraamkaru potïtïdai, —Ka bia ïgai ojadï go Moiseskaru ïmadï go ñiñokituldiadamigadï Diuxi. Kïï bhaiga ïgai xi kaïkagi gobai dai ïïgiadagi ix ipïrhiadagi— itïtïdai.

VUAANA 10:34

Daidi Suxi itïtïdai, —¿Maiti ix tudu ojixi gïn sïïrhikamiïrï sai ñokidi Diuxi ïïmadutai gïn aaduñi ïïki dai potïtïdai, Aanï ïr Diuxi dai aanï pokaiti sai aapimï ïr didiuxi gïn ïpïan dukami? itïtïdai Diuxi. ¿Mai ix poduu aagidi Diuxi gïn aaduñi ïïki?— itïtïdai Suxi.

VUAANA 12:34

Daidi go odami itïtïdai aidï, —Aidï gia maiti ïr Diuxi otosadï aapi ¿aba? Ka pokaiti aapi sai muki agai dai kïïga maatï aatïmï sai go ojaïrï ix makïdï gïr biturhi Diuxi ami aagai sai bïïxkïrï bïïtarï oidaka agai go Ga Tïanïdami ix makïdï kïïgakïrï odami busi agai. Kaxkïdï xadïrï ïr ïgaikana aapi. ¿Tuixidï pokaiti aapi sai aapi ïr ïgai, muki agaitai aapi? ¿Xorai gï aagai ïïgi aapi tudu?— itïtïdai go odami.

VUAANA 15:25

Dai gin kïïdai ïgai sai po duna ixdukatai ojixi Diuxi ñokidïrï. Ami ikaiti sai, Mos ïgikïdï gin kïïdada agai óídakami, ikaiti go ojai. Ïïgi ïr duñidï odami tudu ix maiti gin ïïgidi ïgai— itïtïdai Suxi.

Romanos 3:19

Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.

Romanos 6:14

Podukai go soimaaxkami ka mai biakamu ix dukatai gïn tïanïdagi. Xibi ka mai bia aapimï sïïrhikami xi ïïgiadagi go sïïrhikami. Xibi bhaiyoma ïïgida ïrhidi aapimï Diuxi mos ïï kïï tuigakatai ïgai gïn bïïtarï.

Galatas 3:10

Dïï gia xorai po gï ïrhiadagi sai go Moises sïïrhikamigadï ïgai dai soiñamu sai kïïga biïna Diuxi ïmadï ïgai bhaiyoma ka ïko daraja Diuxiañdïrï. Mai bhaiga ïgai xi bïï sudakami ïïgiada ïgai go sïïrhikami kaxkïdï. Daiñi, Diuxi ojadï ikaiti sai, Bïïxi odami ix makïdï mai kïïga ibuadagi bïïxi ixtumaxi ojixi go sïïrhikamiïrï bia xi taatagi gïgïbidaragai bïïxkïrï bïïtarï ïko darakatai Diuxiañdïrï, ikaiti go ojai.

Galatas 4:9

Dïï xibi gia kïïga maatï aapimï Diuxi, xiïpï bamioma kïïgadu ix tïiyagi aanï sai Diuxi ïgai dai kïïga gïn maatï bhaiyoma. Kaxkïdï ¿ix tuixidï ïpamu buaboituda ïrhidi aapimï sai bamioma kïïga gïn nïijadamu Diuxi ïïgiditai aapimï naana maaxi sïïrhikami dai ïïgiditai naana maaxi tïgibudagai ïkidadï ix makïdï maiti ïr soiñi?