Galatas 4:16 - Northern Tepehuan Bible

¹⁶ Aidï bhai gïn ïrhidiña aapimï ¿dai xibi ix tuixi ïmo gïn buidïrï kaatïkami dukai gin nïidi aapimï gïn aagiditai aanï ixtumaxi ïr buaboi?

Tepehuan Northern: Diuusi ñiooquidʌ utuducami oodamicʌdʌ

¹⁶ Dʌmos sivi gʌnsaayu duucai giñnʌidi aapimʌ gʌnaagidacai aanʌ istumaasi ʌrvaavoi.

Galatas 4:16 Iomraidhean Croise

VUAANA 7:7

—Mai tipu tudu ixtukïdï gïn kïïdadagi odami dïï aanï gia gin kïïdai ïgai. Maaxi aagaiña aanï xïïxi ïr soimaaxi ibuadami ïgai dai kaxkïdï gin kïïdai— itïtïdai Suxi.

VUAANA 8:45

—Kaxkïdï aidïxi gïn aagidi aanï ixtumaxi ïr buaboi aapimï maiti gin buaboitudai.

Galatas 2:14

Dïï gia aidïxi nïidi aanï sai mai kïïga ibuayi ïgai ixdukatai aagai go bhai ïrhiaragai aatagi antai bui kïkiba go Piduru dai kabami bhagaidi. Ñokidi aanï ïgai bïïxkatai go gaa buitapi tudu. Potïtïdai aanï, —¿Ix tuixi pomaaxi ibuayi aapi Piduru?— antïtïdai aanï. —¿Mai ix ïmo mai judiu duu ibuadana aapi gakuadatai ïmadï ix makïdï maiti ïr judidiu? ¿Dai xibi ix tuixi gubuakïdï aagidimi aapi go ix makïdï maiti ïr judidiu sai ïïgidiña ïgai go Moises sïïrhikamigadï? Gobai ka maiti ïr go bhai ïrhiaragai aatagi di. Aagidimi aapi go odami sai judidiu dukai ibuadagi ïgai tudu. Dai xibi baasïki ïïgi aapi mai ïmo judiu dukai ibuadatadai gakuadatai aapi ïmadï ix makïdï maiti ïr judidiu. ¿Dai xibi ipïrhidi pïxi xi go ix makïdï maiti ïr judidiu xi judidiu dukai ibuadagi gubuakïdï biakatai xi ïïgiadagi go sïïrhikami? Gobai ka maiti ïr go bhai ïrhiaragai aatagi— antïtïdai aanï.

Galatas 2:5

Dïï mai ïïgidi aatïmï toma lachi. Ix ïïgiadamudai aatïmï aidï gia ka saagida aagamudai aatïmï ïma maaxi aatagi dai ka maiti ïr go bhai ïrhiaragai aatagikamudai kïïga. Dai aatïmï ipïrhidi xi apia buaboitudada aapimï ix makïdï kïïgakïrï ïr go bhai ïrhiaragai aatagi. Kaxkïdï mai ïïgidi aatïmï ix makïdï pokaiti sai gï agai buaboitudadami ix gïn circuncidandoagi.

Galatas 4:15

Aidï kïïga bhai gïn ïrhidiña aapimï kaïkatai go bhai ïrhiaragai aatagi. Aanï po in ïrhidi sai gin maaki antaadatadai aapimï asta gïn bupuji gin soiña ïrhiditai aidï. ¿Dai xibi xïdui go bhai ïrhiaragai ix makïdï biakatadai aapimï aidïxi tukamïrï kaï aapimï go bhai ïrhiaragai aatagi?

Galatas 4:17

Daiñi, kïï maatï aanï sai oidaga jaa ix makïdï ipïrhidi sai ïmo gïn buidïrï kaatïkami dukai gin nïijadagi aapimï. Ïgai gïn aagidiña naana maaxi aatagi ix makïdï maiti ïr buaboi. Ïgai kabami gaagadan buayi ixtumaxi ïr soiñi aapimï gïn bïïtarï dai maiti ïr buaboi. Mos ipïrhidi ïgai xi urabagi aapimï kaxkïdï pobuayi ïgai. Gïn oigïdadan buayi ïgai tudu dïï maiti ïr buaboi. Bhaiyoma pobuayi ïgai ipïrhiditai sai ka maiti gin urabagi aapimï. Ipïrhidi ïgai xi mosïkaxi ïgai urabagi aapimï tudu. Ipïrhidi ïgai xi ïkobai gïn biagi aatïmïañdïrï ix makïdï aagai ixtumaxi ïr buaboi. Kaxkïdï gïn oigïdadan buayi ïgai.

Galatas 5:7

Gin aaduñi, gia kïïga ibuadana aapimï baasïkioma. Kïï oidiña aapimï go kïïgadukïdï buaboidaragai tudu. Dïï gia xibi ¿xorai ïgai dai gïn tïtïgidi ïma maaxi tïgibudagai dai gïn tïanïi sai ïïgiada aapimï go sïïrhikami sai kïïgakïrï gïn nïijadana Diuxi? Gïn sobhidimi ïgai xi ka mai ïïgiadagi aapimï gobai ix makïdï ïr buaboi.