Galatas 3:17 - Northern Tepehuan Bible

¹⁷ Dai gokiïrï 430 umigi abhiadïrï xi bhai duitadai Diuxi go ñoki go Abraamkaru ïmadï aidï bhai dui ïgai ïmo ñoki go Moiseskaru ïmadï ïpï maakakai go sïïrhikami. Dïï mai xu xi ka mai namïakami bii go ñoki ix makïdï bhai duitadai ïgai go Abraamkaru ïmadï tukamïrï. Bïï goka ñoki namïakatadai tudu. Diuxi mai gajiadïrï biayi ñokidï kaxkïdï. Bïïxkïrï ibuayi ïgai bïïxi ixtumaxi aagadagi.

Tepehuan Northern: Diuusi ñiooquidʌ utuducami oodamicʌdʌ

¹⁷ Cadaivunucai maaco siento dan ʌmo coobai dan baivʌstama uumigi aidʌsi abiaadʌrʌ aagidi Diuusi gomaasi Avraañicaru Diuusi maa gʌsʌʌlicamiga Moseesacaru. Dʌmos vʌʌscʌrʌ maigajiaadʌrʌ viaa ʌgai istumaasi aagidi Avraañicaru caaagidacai issʌʌlicʌdʌ iduñia agai istumaasi aagidi.

Galatas 3:17 Iomraidhean Croise

Genesis 15:13

Dai Gïr Nukadakami gï maaxitu ïgai buitapi daidi itïtïdai, —Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai.

Genesis 17:19

—Cho Abraam— itïtïdai Diuxi. —Kaxi an gï aagidi sai go Sara ïgai dai buapa agai ïmo arhi gïrhi dai Isaak tïïtïmu aapi. Ïgai bïïtarï ka agai go ñoki ix makïdï bhai dui aanï gï ïmadï. Dai ïgai maamaradï bïïtarïka agai ïpï bïïxkïrï bïïtarï. Bïïxkïrï bïïtarï kïïgadu ka agai go ñoki tudu— itïtïdai.

VUAANA 1:17

Daiñi go Moiseskarukïdï gïr maatïturhi Diuxi ïmo ixtumaxi kïïgadukami. Gïr maatïturhi go sïïrhikami ojixikami. Dïï gia Suxi go Ga Tïanïdamikïdï gïr maatïturhi Diuxi ixtumaxi gïïpi bamioma kïïgadukami. Ïgaikïdï gïr maatïturhi Diuxi xïï kïï tuiga ïgai dai xïï kïï sïïrhi ñokai.

Hechos 7:6

Dai Diuxi potïtïdai go Abraam, Ïpï chïki umigikïdï gï piipixara iimimu tabhiadïrï dai no xibhï óídaka agai ïmai oidigïrï. Mïïkaxdïrï óídakami dukai óídakamu ïgai ami. Dai ami óídakami sosoigadï dukai nïijadamu gï piipixara dai aaduintuldamu. Soi dukai óídakamu ïgai maako ciento umigi, itïtïdai.

Romanos 3:25

Mukukai Suxi Kristo kuruxiana Diuxi gïr tïtïgidi ixtuma gïgïbidaragai gïr ajïakatadai soimaaxi buadatai aatïmï. Ami kuruxiana Suxi aaxi ïradï bai oigïrhixikami biïna bïïxi buaboitudadami. Dai Diuxi gïr tïtïïgidi xïï sïïrhi aatabuadana ïgai ïïki abhiadïrï ïpï dai mai otoma bhamukuitai ïgai nïiditai soimaaxkami ix makïdï ibuadana óídakami ïkioma dai mai otoma gïgïbituldatai ïpï.

Romanos 3:3

Tomaxi ïïmo judidiu mai ïïgidi Diuxi, Diuxi bïïxkïrï iduñimu ix dukatai ïgai aagidi.

1 Korintios 1:12

Ïïmoko aapimï as pokaitiña sai aanï gin urabaka dai jaa saidi as urabaka go Apolos, dai jaa go Piduru dai sai jaa Kristo amakoga urabakan kaiti ïpï.

1 Korintios 1:17

Suxi Kristo gin otoi ansai aagidiña odami go bhai ïrhiaragai aatagi tudu dai mai xu sai bapakonana aanï óídakami. Dai mai aagaiña aanï ñoki ix makïdï saitudakami dukai kaïkagi odami ïpï dai bhaiyoma aagaiña mosïkaxi ixtumaxi idui Suxi Kristo kuruxiana. Kaxkïdï tudu ipïrhidi aanï xi kïïga gïn tïgito nïijadagi odami xïï kïïgadu ixtumaxi idui Suxi Kristo kuruxiana dai mai xu ix mosïkaxi gïn tïgito nïijadagi ix bhai kïïga ñokai aanï. Kaxkïdï mai aagaiña aanï ñoki ix makïdï odami saitudakami ñoki dukai kaïkagi.

1 Korintios 10:19

Dai podukai ïpï odami ix makïdï kuadana daxdaradï ïmo ubixi xadutuadan buayi go ubixi ïpï. Dïï gia tomaxi odami daxdagi kuadagai go uubixi gobai mai itïiya ïrhidi sai bia gubukarhigai go ubixi. Dai mai itïiya ïrhidi sai go daxdaragai ïr soiñi odami bïïtarï ïpï.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

2 Korintios 1:20

Daiñi, Suxi Kristo bïïxi sudakami idui ixtumaxi gïr aagidi Diuxi saidi iduña agai gïr bïïtarï. Kïïga ïr gobai buaboi tudu. Kaxkïdï gïn aagidiña aatïmï sai Diuxi ka buaboikïdï idui bïïxi ixtumaxi gïr aagidi. Dai kaxkïdï kïïga ñokaiña aatïmï Diuxi bïïtarï ïpï.

2 Korintios 9:6

Kïïga bhai gïn ïrhiarakïdï dai bhai gïïpi abïr gamaakada tudu. Daiñi, xïxkadï gamaakadagi aapimï soiñi jaa gobai ïpïan buayi xïïxkadï ïmo odami gaïsadagi. Ix mosïkaxi lïïchi ïsadagi ïgai aidï gia mosïkaxi lïïchi yoobaiña ïpï. Dïï gia xi bhai gïïpi ïsadagi ïgai aidï gia bhai gïïpi yoobaiña ïgai ïpï.

Galatas 3:15

Gin aaduñi Diuxi amadïrï, gïn aagidamu aanï ïmo maaxidaragai aagaitai ixdukatai ibuayi odami xïïxkadï bhai buadagi ñoki sai podukai maatïkana aapimï sai Diuxi bïïxkïrï ibuayi ixtumaxi aagadagi ïgai. Daiñi, xïxkadï odami bhai buadagi ñoki ka mai bhaiga ïgai xi gajiadïrï biagi tomarhi xi gokiïrï pokaitadagi sai ka ïma dukai iduña agai.

Galatas 3:21

Daiñi, Diuxi kïïgakïrï nïidi odami buaboitudakai ïgai Suxi Kristo dai mamaakai ïgai gubukarhigai sai kïïgakïrï óídakana bïïxkïrï bïïtarï. Gobai ïr go bhai ïrhiaragai ix makïdï agaitadai Diuxi ïïki aidïxi aagidi ïgai go ñoki go Abraamkaru. Dïï gia go sïïrhikami tomarhi ïmo imidagai mai maa gubukarhigai odami sai kïïgakïrï óídakagi. Xi go sïïrhikami soiñamudai odami xi kïïgakïrï óídakagi aidï gia kïïgakïrï nïijadamudai Diuxi odami ïïgiditai odami go sïïrhikami. Dïï maiti ïr podukai. ¿Gobai ix tïiya ïrhidi sai gïn bupui bïïtïkan duu go sïïrhikami ïmadï go ñoki ix makïdï aagidi Diuxi go Abraamkaru aagaitai ïmo bhai ïrhiaragai? Cho. Xadïrï. Bhaiyoma go sïïrhikami ïgai dai maatïturhi bïïxi oidigi daama óídakami sai ïr soimaaxi ibuadami. Go sïïrhikamikïdï mamaatïrïi odami saidi ïr gïpiïrï bïïtïkami. Ïgaikïdï mamaatïrïi odami sai tïgito ïmo kïïgakïrï bubiadami tudu. Soikïi gobai odami sai buaboitudaiña Suxi Kristo tudu. Podukai go sïïrhikami ïmadï aatabuayi go ñoki ix makïdï aagidi Diuxi go Abraam ïïki aagaitai go bhai ïrhiaragai.

Galatas 5:16

Gin aaduñi, bïïxi óídakami bia tïgibudagai ix makïdï ïïgi ibhïadïañdïrï imïi dai ix makïdï mai ïïgiada ïrhidi Diuxi. Kaxkïdï gïr ajïi tïgibudagai xi ibuada aatïmï naana maaxi soimaaxi. Dïï gia abïr oijada Diuxi Ibhïadï dai aidï gia ka maiti ibuadamu aapimï ixtumaxi ibuada ïrhidiña ïïgi gïn tïgibudagakïdï.

Galatas 5:4

Dai ix poïrhiada ïmoko sai kïï bimu Diuxi ïmadï ïïgiditai go sïïrhikami gobai itïiya ïrhidi sai ka gajiadïrï bipiayi ïgai Suxi Kristo mai buaboitudaitai ïgai. Diuxi kïï tuiga ïgai bïïtarï tudu dïï mos ïgai mai dagito xi Diuxi soiñagi.

Efesios 2:12

Tïgitobïrai ïpï sai aidï maiti gïn ajïakatadai xi gïn soikïdagi Suxi Kristo dai mai biakatadai aapimï urabaragai ïmadï go Israelitas. Diuxi bhai dui ñoki go Israelitas ïmadï dai aagidi saidi iduñagai naana maaxi ixtumaxi ïgai bïïtarï dïï aapimï maiti ïr gïn bïïtarïkatadai gobai. Aapimï mai biakatadai soiñi aidï dai mos óídakaiña mai maatïkatai Diuxi.

Efesios 4:17

Aanï Pabora ñokai xibi gubukadagaikïdï ix makïdï gin maa Gïr Nukadakami. Dai aanï aagai sai mai ïpïan dukai óídakagi aapimï go ix makïdï mai buaboitudai Diuxi.

Kolosenses 2:4

Dïï gia gïn tïgitobïrai sai oidaga jaa ix makïdï sastudaga aatagidï dai ipïrhiadamu ix gïn bupuirumadagi. Kaxkïdï gïn ojidi aanï podukai aagaitai Suxi Kristo.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Hebreos 7:18

Podukai dasakai Diuxi go Suxi saidi ïr dadaxdadamikana ka maigobai dáí ïgai go ïïkidadï sïïrhikami. Maigobai dáí ïgai go Moises sïïrhikamigadï tudu. Go ïïkidadï sïïrhikami mai biakatadai gubukarhigai ix soikïdagi óídakami kaxkïdï.

1 Pedro 1:20

Ka ïki abhiadïrï ka podukai gï tïgitokatadai Diuxi sai Suxi Kristo ïgaika agai dai kïïgakïrï gïn bubaida agai. Ka podukai dáítadai ïgai mai kia idunakai oidigi tudu. Dïï gia asta utudami xibiapioma dibia go Suxi karhioga ugiti agaitai oidigi. Dibia ïgai kïïgakïrï gïn bubaida agaitai tudu.