Filipenses 4:6 - Northern Tepehuan Bible

⁶ Maiti abïr buamï gïn ïrhiada tomax tuma daibuñagi dai bhaiyoma abïr bïïxkïrï daanïda Diuxi sai gïn soiñana. Dai bïïxkïrï xïïxkadï aatagada aapimï Diuxi ïmadï dai gadaanïdagi abïr bïïxkïrï bhai gï ïrhiada Diuxikïdï ïpï.

Tepehuan Northern: Diuusi ñiooquidʌ utuducami oodamicʌdʌ

⁶ Maitavʌr vuamʌ ʌnʌliada tomali ʌmo istumaasicʌdʌ. Baiyoma gʌaagai mʌsvʌʌscʌrʌ apiamamadadagi dai taanʌdagi Diuusi vʌʌsi mʌstumaasi tʌgito. Baigavʌrʌnʌliada Diuusicʌdʌ.

Filipenses 4:6 Iomraidhean Croise

Mataibo 10:19

—Dïï gia xïxkadï baan gïn tutusagi óídakami ami go tïtïanïdami buitapi maiti abïr buamï gïn ïrhiada ix tïdagi aapimï. Go Ibhïadï Diuxi gïr Oga gïn maakimu tïgibudagai ixdukatai itïdagi ïgai aidï— itïtïdai Suxi go mamaatïrdamigadï.

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Mataibo 6:34

—Maiti abïr buamï gïn ïrhiada ixtumaxi daibuña agai bhaitïkioma ïpï. Maiti abïr buamï gïn ïrhiada ix bhai mai xijiakamu gïn oidakaraga gokiïrioma tudu. Ka bia aapimï xijiakami ixtumaxi buamï gïn ïrhiadagi gïn oidakaragai xibi bïïtarï. Dai kaxkïdï maiti gï agai xi buamï gïn ïrhiadagi xoroko bïïtarï ïpï— itïtïdai Suxi.

Mataibo 6:8

Maiti gï agai sai muiyoko dai tïbïpi aagada aapimï ïgalbaaxi ñoki podukai gin aaduñi. Diuxi ïkiaxdïrï ka kïïga maatï ixtuma tïgito aapimï mai kia aagidakai aapimï tudu— itïtïdai.

Lukas 10:41

Daidi Suxi potïtïdai, —Aapi Maruta, kïïga gï oigïdai aanï dïï mos aapi arhiï buamï ïrhidi naana maaxikïdï ix makïdï mai xii kabami gï agai.

Lukas 12:22

Daidi bhodïrï Suxi potïtïdai mamaatïrdamigadï, —Gin aaduñi— itïtïdai. —Maiti gï agai xi ïpïan tutiakagi aapimï ïgai ix makïdï ïïgi gï buirutu mukiñdadï tuigakatai. Kaxkïdï gïn aagidi aanï mïsai mai buamï gïn ïrhiadagi ix biakagi ixtukïdï oidakagi. Maiti abïr buamï gïn ïrhiada ixtumaxi ugiagi ïmadï gïn yukuxikïdï ixtumaxi gïn aadagi tudu— itïtïdai.

Lukas 12:29

—Maiti abïr buamï gïn ïrhiada ixtuma ugiagi dai ixtuma iiyagi tudu.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Lukas 18:7

Dai Diuxi mai ïpïan tuiga go dunukami. Kaxkïdï gï maatï sai bamioma kïïga soiñamu ïgai odami ix makïdï ïr ïko bubaidadï. Iduñimu ïgai ixtumaxi ïr sïïrhi ïgai bïïtarï tudu dudatai dai mai dagitokatai daanïitai ïgai. ¿Mai ix ïr buaboi gobai? Dai ïgai gia mai tïbïpidamu ix dukai idui go dunukami ¿aba?

1 Korintios 7:21

Dukami ix ïr ïmo pioñikatadai aapi soigaxikami dukai maiti gï agai ix buamï ïrhiada gokïdï. Dïï gia ix oidakagi ix dukatai busiagi abhiadïrï sai ka maiti ïr pioñikagi podukai kïïgadu gobai.

1 Korintios 7:32

Ipïrhidi aanï ix aapimï buaboitudadami mai buamï gïn ïrhiadagi tomarhi ïmo ixtumaxikïdï ix makïdï oidaga tami idi oidigi daama. Kaxkïdï gïn aagidi ix bamioma ïr kïïga ix ïjïgi biyagi aapimï ix makïdï mai kia gaïmadï bii. Kaxkïdï tudu kïïrhi ix makïdï mai oñiga bhaiga ix tïgito aimïradagi Diuxi dai ibuadagi ixtumaxi bhai ïrhidi ïgai.

2 Korintios 1:11

Dai aapimï gïr soiñamu ïpï gïr daanturhiditai aapimï. Dai podukai mui óídakami nïijadamu xïï kïïga gïr soi Diuxi gïr daanturhiditai aapimï dai bhai gïn ïrhiadamu ïgai Diuxi bïïtarï nïiditai gobai.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Kolosenses 3:15

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.

1 Tomoteo 2:1

Xibi bia aanï ïmo ñoki namïakami gï bïïtarï aapi Timoteo. Daiñi, aanï aagai sai sïïrhikïdï gï agai xi aapi ïmadï bïïxi buaboitudadami daanïdagi Diuxi bïïxi ixtumaxi biïgakagi bïïtarï. Dai sai daanturhiña aapimï bïïxi óídakami bïïtarï ïpï sai Diuxi soi gïlda nïidana. Daidi abïr maakada ïmo Diuxi aatanamïidaragai Diuxi daanïitai ïpï.

1 Tomoteo 5:5

Daiñi, bipiudu ix makïdï mai bia xorai soikïdagi dai ix makïdï daanïi Diuxi bïïx tasai nïnïrakatai sai Diuxi soiñana ïgai gia kïïgakïrï ïr bipiudu. Ïgai gï agai xi soikïdagi aapimï.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

1 Pedro 5:7

Diuxi gïn nukadai tudu dai buamï ïrhidi gïn bïïtarï, kaxkïdï maiti abïr buamï gïn ïrhiada tomarhi ïmo ixtumaxikïdï. Dagitobïrai bhaiyoma sai Diuxi bhai buadagi ixtumaxi buamï ïrhidi aapimï.