Filipenses 2:9 - Northern Tepehuan Bible

⁹ Ïïgi gï dumaltu Suxi Kristo tudu xi kaxkïdï Diuxi kïïga tïkabi dáí sai bïïxi adaama xadutudaiña bïïxkatai óídakami. Maa ïgai go adaama namïakïdï tïtiaragai tudu maakakai go sïïrhikami sai bïïxi adaama gatïanïda ïgai.

Tepehuan Northern: Diuusi ñiooquidʌ utuducami oodamicʌdʌ

⁹ Cascʌdʌ Diuusi maa Suusi Cristo vaamioma gʌducʌdʌ daasicami istomali ʌmo ʌmai,

Filipenses 2:9 Iomraidhean Croise

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Isa 53:12

Kaxkïdï Gïr Nukadakami maakimu gubukadagai. Dasamu ïgai xi ïr gïï bhaitï kïakamigadï ka agai mui aaduñdï. Maatïmu ïgai buidïrï ix makïdï bui bïïtï. Dai bhodïrï gïïpi bhai ïrhiarakïdï takobida agai maitïkidï aaduñdï ïmadï. Ïïgi gï tïïgitu ïgai mïtai mua. Odami ïmo soimaaxi ibhïdagami dukai nïidi. Dïï ïgai muu kusu imïitai mui odami soi maaxkamigadï ix makïdï mai ïïgidi Diuxi. Podukai gï báí ïgai bïïtarï ix makïdï mai ïïgiditadai Diuxi.

Isa 9:7

Bhïimu ïgai gubukadadï ix makïdï biakana go Rey Dabid ïïki. Tomax tuigako mos bïïx tasai bamioma gubukan kïïkiadamu ïgai gubukadadï ixtukïdï tïanïi ïgai dai mos kïïgioma oidaka agai ibhïxtaragai tipukatai kokodi ami xako tïanïda agai ïgai. Kïï sïïrhi aataduñimu ïgai dai aagadamu ixtumaxi ïr sïïrhikami. Kïï kaban kïkibamu gubukadadï ix dukatai tïanïda agai ïgai tomax tuigako. Gïr Nukadakami kïïgakïrï oigïdai aaduñdï kaxkïdï bïïxi gubukadadïkïdï gï aagamu ïgai dai kabakami kïïsamu gubukadadï gobai ix makïdï gïr otoxi ïgai.

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Lukas 10:22

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïgai dai kïïgakïrï maatï Diuxi dai jaa gia cho— itïtïdai.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 17:11

—Gin oga, xibi otoma ka mai oidaka iñagai tanai oidigi daama. Kaxi ïr imïdami aanï amïka xako daja aapi kaxkïdï. Dïï gia gin mamaatïrdamiga ix makïdï aapi gin maa tanaxi bimu go gaa óídakami saagida ix makïdï ïr gï buidïrï bïïtïkami. Aapi gin Oga bïïxi adaama ïr xadutudikïdï kaxkïdï gï daanïi aanï pïsai nukadakana gin mamaatïrdamiga gï gubukarhigakïdï, go baaxi gubukarhigaikïdï tudu ix makïdï gin maa aapi. Soiñañi gin mamaatïrdamiga dai maaka ïmo kïïgadukami urabaragai saidi mos ïmo odami dukaikagi ïgai ïpïan dukai ix aanï ïmadï aapi mos ïr ïmo odami— itïtïdai.

VUAANA 17:12

—Xibi ukami ïmadï dakana aanï gin mamaatïrdamiga ix makïdï gin maa aapi dai gï gubukarhigakïdï kïïga nukadakana aanï sai tomarhi ïmadutai ïgai mai kuga jii. Mos arhi ïmoko ix makïdï ka ojixitadai ïïki sai biakatadai ix mukiagi dai podukai taatagi gïgïbidaradï, ïgai gia kuga jii dïï go gaa gia cho— itïtïdai.

VUAANA 17:5

Xibi gin Oga, gin maaka ï galbaaxi sïïrhikami namïakami ix makïdï biakatadai aanï ïïki aidïxi gï ïmadï dakatadai aanï mai kia kïkibakai oidigi— itïtïdai Suxi.

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Efesios 1:10

Dai Diuxi ka dáí ïmo tasai ixtuigako Suxi Kristo ïmapida agai bïïxi aïkatai ixtumaxi oidaga. Dai aïkai ïgai tasai Suxi Kristo kïïga ïmapida agai bïïxi gobai ix makïdï oidaga tïbagiïrï dai tami oidigi daama ïpï. Aidïpïrï bïïxi aïkatai ixtumaxi oidaga nïijadamu sai Suxi Kristo bïïxi adama ïr Tïanïdami.

Kolosenses 1:18

Aatïmï buaboitudadami ïr tukugadï duki Suxi Kristo dai ïgai ïr gïr moo. Ïgaiñdïrï tudu bhïjïi aatïmï gubukarhigai ixtukïdï óídaga aatïmï. Kaxkïdï tudu ïgai ïr Maradï Diuxi dai ïr ïpïgadï ix makïdï gï duakatu gokiïrï xi muu dai ka mai mukia agai ïpamu tomarhi ïmo imidagai. Ïgai tudu bïïxi adaama gatïanïda agai.

Hebreos 1:4

Dai podukai ka daibakai Diuxi Maradï sïïrhixapadïrï Ogadï bhïiyi ïgai ïmo gubukarhigai tïkabioma xi go tïtïañikarudï Diuxi. Gïdukamioma bhïiyi ïgai sïïrhikami tudu.

Hebreos 1:9

Dai Diuxi potïtïdai ïpï sai, Aapi gin Maara sïïrhikïdï ojoidi ixtumaxi ïr sïïrhi dai mai ojoidi aapi ixtumaxi maiti ïr sïïrhi. Kaxkïdï gï maakimu aanï ïmo gïdukami sïïrhikami sai kïïga gï xadutudaiña jaa. Bamioma gï maakai aanï xadutudaragai dai bhai ïrhiaragai xi bhai bïïxi gï aaduñi ix makïdï gï urabaka tudu. Aanï ïr gï Diuxiga dai ka podukai aagai aanï, itïtïdai.

Hebreos 12:2

Gin aaduñi, ix dukai ïmo mïradami bia xi kïïga gï tïgito nïidagi xako mïmïrai ïgai dai bia xi sïïrhi bhaitiakoga nïijadagi. Podukai ïpï aatïmï ïpï apia kïïga oijada ïrhiada aatïmï gïr buaboidaraga gï agai xi tïgito ajiopada aatïmï Suxi Kristo ixdukatai idui ïgai dai podukai ibuadagi aatïmï ïpï. Gïn tïgitobïrai tudu sai ïgai kïïga buaboitudaiña sai Diuxi maaki agai ïmo gïdukami bhai ïrhiaragai dai kaxkïdï gï kabakatu ïgai kuruxiana nagiïkatai. Kïïga maatïkatadai ïgai sai go kuruxi ïr ïmo gïgïbidaragai soimaaxi ibuadami bïïtarï tudu. Dïï bïïxkïrï mai buamï ïrhidi ïgai tomaxi xaïraraga xi óídakami podukai ïmo soimaaxi buadami dukai gïgïbituldagi xixakai kuruxiana. Dai xibi ka bhïiyi ïgai ïmo gïdukami xadutudaragai sïïrhixapadïrï daibakai ïgai Diuxi amïka xakoga dakatai gatïanïi Diuxi. Podukai go bïïxi adama gatïanïdami bii Suxi tudu.

Hebreos 2:9

Dïï gia Suxi gia ka bhïiyi sïïrhikami dai kaxi gatïanïi ix dukai aagai go ojai. Baasïkioma chïki tasai dumarhioma bii ïgai xi go tïtïañikarudï Diuxi aidïxi ïmo kïïrhi busai ïgai. Dai taata ïgai go mukigami bïïxi óídakami bïïtarï. Po dui ïgai mos ïï kïï tuigakatai Diuxi gïr bïïtarï. Dïï gia xibi ka bhïiyi Suxi gïdukami xadutudaragai ïmo gïï gatïanïdamikatai xibi ix dukai aagai go ojai.

1 Pedro 3:22

Dai xibi Suxi Kristo bia ïmo gïdukami sïïrhikami sïïrhixapadïrï dakatai ïgai Diuxi amïka tïbagiana. Dai ami gatïanïi ïgai bïïxi go tïtïañikarudï Diuxi dai bïïxi go gubukadagai bipiakami ix makïdï ami tïbagiana daraka.

2 Pedro 1:17

Nïidi aatïmï gubukadadï aidïxi go tubidaki daama darakatadai aatïmï ix makïdï ïr ïko busaidadï Diuxi go tubidaki tudu. Dai ami darakatadai aatïmï dai nïidi ix Diuxi gïr Oga kïïga ño Suxi bïïtarï dai nïidi aatïmï xïï kabami xigiamaaxi totoarïi Suxi Diuxikatai ïgai. Kaï aatïmï ix Diuxi gïr Oga ño tïbagiañdïrï aidï daidi ikaiti sai, —Go Suxi ïr gin Maara ix makïdï oigïdai aanï. Gobai ïr gin bhai ïrhiaraga— ikaiti Diuxi.

3 Juan 1:7

Suxi Gïr Nukadakami bïïtarï aatabuayi ïgai boiyïrï iimïitai kaxkïdï. Daiñi, aipako gatïtïïgidi ïgai ñoki go óídakami ix makïdï mai buaboitudai dai maiti ipïrhidi ïgai ix budagi soiñi ixtukïdï óídakagi abhiadïrï go óídakamiañdïrï ix makïdï mai buaboitudai.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Apokalipsis 11:15

Dai bhodïrï tïïtïkiïrï dukai tïï aanï xi iba go kugatïrï tïañikarudï Diuxi trompetagadï. Taidi gïgïrï ñiño ixtumaxi tïbagiana daidi ikaiti, —Xibi gia ka ayi xi tami oidigi daama gatïanïdagi Diuxi Gïr Nukadakami ïmadï Kristo ix makïdï ïr Diuxi dasadï rey. Xibi ka bhïiyi ïgai sïïrhikami xi tïanïdagi bïïxkïrï bïïtarï— ikaiti.

Apokalipsis 19:16

Dai ïgai ix makïdï Diuxi Ñokidï tïgidu bia ïpï ïmai tïtiaradï ix makïdï ojixi yukuxi kajidïrï. —Reygadï bïïxi rey dai Tïanïdamigadï bïïxi tïtïanïdami— podukai ojixi tïtiaradï tudu.

Apokalipsis 3:21

Dai Diuxi gin Oga gin maa oigaragai xi abhana daibana aanï ïgai daikarudïana xakoga dakatai gatïanïi ïgai sai gatïanïna aanï ïgai ïmadï. Maitï aanï go soimaaxi buidïrï tudu kaxkïdï gin maa oigaragai xi daibana aanï ami. Dai aanï podukai maakimu oigaragai ïpï xorai maitiagi soimaaxi buidïrï sai daibana ïgai gin ïmadï gin daikarugana xakoga gatïanïi aanï reykatai aanï.

Apokalipsis 5:12

xi gïgïrï ñokai ïgai daidi ikaitimi, —Idi ïr go Arhi Kañiru ix makïdï gï muatu dai gï agai xi bïïxi odami xadutuadagi dai aagagi sai, Ïgai bia sïïrhikami xi bïïxi adaama gatïanïdagi Dai sai ïgai tuidadï bïïxi aïkatai Dai sai ïgai bïïxi adaama gubuka Dai sai ïgai bia bïïxi go tïgibudagai ix makïdï ïr soiñi Dai sai ajïga ïgai xi odami xadutuadagi dai aagagi xïïxi ïr gïdukami— po kaititadai go tïtïañikaru aagaitai go Arhi Kañiru tïgidukïdï.