Filipenses 2:5 - Northern Tepehuan Bible

⁵ Bhïibïrai tïgibudadï Suxi Kristo tudu ix dukatai idui ïgai.

Tepehuan Northern: Diuusi ñiooquidʌ utuducami oodamicʌdʌ

⁵ Aapimʌ gʌaagai isʌpan duucai tʌtʌgitodagi Suusi Cristo.

Filipenses 2:5 Iomraidhean Croise

Mataibo 11:29

—Bhïibïrai go tïgibudagai ix makïdï gïn tïtïïgidamu aanï saidi podukai ïr gin mamaatïrdamigakagi aapimï. Aanï mai gïdukïdï gin ïrhidi buidïrï jaa dai kïï tuiga aanï tudu.

Lukas 22:27

—Gï agai xi gin ïpïan dukai ibuadagi aapimï tudu. Daiñi, aapimï mesa buidïrï daraja dai aanï ïgai dai gabiajai. Gin aagidabïrai tudu ¿Ix makïdï ïgai dai bamioma gatïanïdan buayi, ix makïdï mesa buidïrï daraja dai nïnïraka sai ïmai bhidana? ¿Ix makïdï gabhibhidi go mesa buidïrï darakïdï xio? ¿Mai ix go mesa buidïrï darakïdï bamioma gatïanïdan buayi? Dïï gia aanï mos gïn bhibhidimi gïn pioñi dukaikatai aanï. Podukai abïr gïn buidada aapimï aipakoga ïpï ix dukai ibuayi aanï— itïtïdai.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 20:35

Podukai gatïtïïgidi aanï sai gï agai xi kabami gaatabuadagi ïmoko dai podukai biakagi ixtukïdï soikïdagi go ix makïdï tïgitokagi. Gï agai xi gïn tïgito ajiopada aapimï go ñoki ix makïdï gïr aagidi Suxi. Ïgai gïr tïtïdai sai, —Xioma ïr bhai ïrhiaragai ix gamaakiagi ïmoko soiñi xi bhai ix mos buiyagi— gïr tïtïdai Suxi.

Romanos 14:15

Dai xi ugiagi aapi ïmo kuadagai ix makïdï daidarxikami aagai go gaa aidï gia mai oigïdadan buayi aapi ïgai. Soi gïn ïlda antaada ïgai poïrhiditai sai soimaaxi ibuayi aapi gakuadatai aapi gobai ix makïdï ïgai daidarxikami aagaiña . Dai Suxi Kristo muu ïgai bïïtarï ïpï. Kaxkïdï maiti gï agai xi soi ïrhiatuda aapi kuadatai ïïgi ix tumaxi bhai ïrhiada aapi tomaxi ïmai daidarxikami aagai gobai.

Romanos 15:3

Daiñi, tomarhi Suxi Kristo maiti idui ïïgi ixtumaxi bhai ïrhidi ïgai. Diuxi ñokidïrï ojixi saidi Suxi Kristo aatagidi Diuxi daidi itïtïdai, Diuxi gin oga, bïïxi odami ix makïdï gï bui ñokai gï kïïdaitai, gin kïïdai ïpï dai gïn bui ñokai, itïtïdai Suxi Kristo.

Romanos 15:5

Diuxi ïgai dai gïr maakai gubukarhigai tudu sai maiti gïr daadagitoagi aatïmï xi gïr maitagi soi ïrhiaragai dai sai bhai ïrhiarakïdï nïnïrakagi aatïmï. Dai aanï daanïi Diuxi gïn bïïtarï sai kïïga gïn abïnakiadan taadakagi aapimï bïïxkatai oiditai Suxi Kristo dai biakatai mos ïmo tïgibudagai bïïxkatai.

1 Korintios 10:33

Buadabïrai ixtumaxi aanï ibuayi tudu. Aanï ibuayi ixtumaxi ix makïdï kïkïïgadukami aagai jaa. Maiti ibuayi aanï mosïkaxi ixtumaxi ïr soiñikagi ïïgi aanï gin bïïtarï tudu. Dai bhaiyoma ibuayi aanï ixtumaxi ïr soiñikagi jaa bïïtarï sa bhai soiñana sai kïïgakïrï bubuakïna.

Efesios 5:2

Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.

Filipenses 1:1

Bhaiga aapimï buaboitudadami Filipoïrï óídakami. Aanï ïr Pabora ïmadï Timoteo ix makïdï gïn otoxdi idi ojai pipioñigadïkatai aatïmï Diuxi. Idi ojai ïr bïïxkatai aapimï gïn bïïtarï ix makïdï ïr buaboitudadami dai bïïtarï go nunukadami buaboitudadami ami ïpï ïmadï soikïdadami buaboitudadami ïpï. Idi ojai ïr bïïxkatai aapimï gïn bïïtarï tudu ix makïdï bïïnaka Suxi Kristo dai ïr ïko bubaidadï Diuxi.

1 Pedro 2:21

Kïïgakïrï gïn bubaitu Diuxi mïsai kïïga ibuada aapimï tudu. Dai ïgai ipïrhidi sai apia kïïga ibuada aapimï tomaxi soimaaxi gïn taataturhiadagi jaa kïïga ibuadatai aapimï. Suxi Kristo soimaaxi taata kïïga ibuadatai ïgai tudu dai gï agai sai kïïga gïn tïgito nïidagi ixdukatai ibuadana ïgai dai podukai ibuadagi aapimï ïpï.

1 Pedro 4:1

Daiñi, Suxi Kristo soimaaxi taata dai muu aidïxi tami oidigi daama dakatadai ïgai. Dai kaxkïdï aapimï gï agai sai gïn kabakadagi dai ïpïan dukai tïtïgitoagi aapimï ïgai. Gï agai sai bhai gïn dukagi ix soimaaxi taatamadagi ïpïan dukai ïgai tudu. Ix soimaaxi taatamadagi aapimï ïpïandukai Suxi Kristo oiditai aapimï ïgai gobai itïiya ïrhidi sai ka dagito aapimï go soimaaxkami ix makïdï oidiña aapimï ïkioma.

1 Juan 2:6

Ix pokaitadagi ïmoko sai urabaka Diuxi aidï gia gï agai sai ïpïandukai oidakagi ïgai Suxi Kristo ïma dukai yaatagïi ïgai tudu.