Filipenses 2:10 - Northern Tepehuan Bible

¹⁰ Podui Diuxi sai bïïxi óídakami xadutudaiña go Suxi. Mai xudu xi ïr oidigi daama óídakamikagi ïgai xi ïr tïbagiïrï óídakami ïpï xi dïbïrai uta darakagi ïpï. Bïïxkatai ïgai gïn totonakïdï gukadamu Suxi buitapi dai xadutuadamu

Tepehuan Northern: Diuusi ñiooquidʌ utuducami oodamicʌdʌ

¹⁰ sai vaamioma siaa duutudaiña vʌʌscatai tʌvaagiʌrʌ dai oidigi daama dai dʌvʌʌrai uta istomali ʌmo ʌmai.

Filipenses 2:10 Iomraidhean Croise

Genesis 41:43

Dai go Rey gatïjai sai tïsadïna Jose karogadïrï go sonoïrï kïakamigadï go Rey ix makïdï gï bapainxïkïi kaapayukïdï. Dai xudu karoïrï imïdana Jose sai bhaitï imïiña odami dai iiñokidiña go gaa odami daidi ikaitiña, —Kuikiburai aapimï odami— ikaitiña ïgai. Podukai gabhaitïkïakami kïkiba Jose ami Ejipituana.

Mataibo 12:40

Daiñi, kïïga maatï aapimï xoraitadai go Jonaskaru. Ïmo ñokituldiadamigadїkatadai ïgai Diuxi tudu. Dai kïï maatï aapimï ïpï saidi go Jonas baika tasai dai goka tukagi bii ïmo gïï batopa ïrana dai sai gokiïrï busai ïpamu abhiadïrï. Dai gobai ïr ïmo maaxidaragaikatadai go óídakami bïïtarï Ninibeïrï sai maatïkana ïgai sai go Jonas ïr otosadï Diuxi. Dai xibi aanï aagai sai iduñimu Diuxi ïmo maaxidaragai pomaaxkami aanïkïdï ïpï. Baika tasai dai baika tukagi bimu aanï dïbïrai uta dai bhodïrï ïpamu busaimu aanï sai gokïdï gin buaboitudana aapimï sai aanï ïr go otosadï Diuxi ix makïdï ïmo kïïrhi busai. Gobai ïr go maaxidaragaika agai aapimï gïn bïïtarï tudu dai mai tipukamu ïmai— itïtïdai.

Mataibo 27:29

Daidi iduñi ïmo korona uparai dai kïïxi. Dai maa ïgai ïmo arhi uxi saidi dagïkana ïgai ïkadïrï uxiaradï dukai, ïmo dunukami dukai. Podukai idui ïgai bïïxi gobai sai ïpïamaaxkana ïgai ïmo Rey. Dai bhodïrï kuikïskaiña ïgai buidïrï daidi ikaitiña, —Xïïxi ïr gïdukami aapi Reygadï go judidiu— ikaitiña. Xadutuadan dukai kaitiña ïgai dïï mos ïr ïmo parunaragai ïgai bïïtarï bhaiyoma.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Romanos 11:4

Dai Diuxi itïtïdai aidï, Kia oidaga kubarakami mirhi judidiu ix makïdï mai xadutudai go Baal agaikïdï ix makïdï mui odami diuxigadï dukai nïidi. itïtïdai.

Efesios 1:10

Dai Diuxi ka dáí ïmo tasai ixtuigako Suxi Kristo ïmapida agai bïïxi aïkatai ixtumaxi oidaga. Dai aïkai ïgai tasai Suxi Kristo kïïga ïmapida agai bïïxi gobai ix makïdï oidaga tïbagiïrï dai tami oidigi daama ïpï. Aidïpïrï bïïxi aïkatai ixtumaxi oidaga nïijadamu sai Suxi Kristo bïïxi adama ïr Tïanïdami.

Efesios 3:14

Xudu mos tïgitokagi aanï xïïxi ïr gïdukami Diuxi tïgibudadï gin totonakïdï kïkibana aanï Suxi Kristo Ogadï buitapi.

Efesios 4:9

Go ojai pokaiti sai tïsai ïgai maigo daana kaxkïdï gï maatï sai Suxi Kristo ka tïbaitadai xako ukami dumarhioma kaatï oidigi.

Hebreos 1:6

Ïgai tudu ïr Ïpïgadï Maradï Diuxi. Dai aidïxi Diuxi otoi Maradï tami oidigi daama sai potïtïdai ïgai tïtïañikarudï sai, Gï agai aapimï bïïxkatai gin tïtïañikaruga xi xadutuada gin Maara dai aagada xïïxi ïr gïdukami gobai, itïtïdai.

Apokalipsis 4:10

Daidi go ïmokobhai dan maakoba bhaitï gukakami tootonakïdï gukaiña buidïrï ïgai ix makïdï tomaxtuigako oidaga. Dai ami buidïrï darasaiña bïïxkatai ïgai kororonadï xadutudaitai daidi ikaitiña,

Apokalipsis 5:3

Dai mai tipukatadai xorai biakagi sïïrhikami xi kupiokagi go libro dai nïñiadagi ix kaiti ïrana. Mai tipukatadai xorai tudu, tomarhi tïbagiana tomarhi oidigi daama tomarhi xako daraja koidadï.