Filipenses 1:4 - Northern Tepehuan Bible

⁴ Dai bhai ïrhiarakïdï gïn daanturhiña aanï bïïxkïrï xïxkadï gaatagada aanï Diuxi ïmadï.

Tepehuan Northern: Diuusi ñiooquidʌ utuducami oodamicʌdʌ

⁴ Dai siuu duucu gamamadada aanʌ aapimʌ gʌnvʌʌtarʌ vʌʌscʌrʌ aliʌ baigiñʌlidiña aanʌ.

Filipenses 1:4 Iomraidhean Croise

Markos 5:5

Dai kamposantoana dai oidigana xako gigidaga aimïraiña ïgai dai iñakaiña modukai tasïrï dai tukarï. Dai ïïgi saasasaiña ïgai tukugadï ojodaikïdï.

Lukas 15:10

—Daiñi— itïtïdai. —Aanï aagai sai pomaaxi xako daraka Diuxi tïtïañikarudï ïpï. Gïïpi oidaga bhai ïrhiaragai amïka xïxkadï ïma dukai gï tïgitoagi ïmo soimaaxi ibuadami— itïtïdai.

Lukas 15:7

Dai aanï aagai sai podukai ïpï kabami bhai gïn ïrhidiña tïbagiana óídakami xïxkadï ïma dukai gï tïgitokagi tomaxi mos arhi ïmo soimaaxi ibuadami. Dïï gia mai pokaxi kabami bhai gïn ïrhidiña ïgai go gaa ïmadï ix makïdï ka buañixi gïn ïrhidi iibhïadï dai po ïrhidi sai mai bia xi ïma dukai gïn tïtïgitoagi podukai— itïtïdai Suxi go fariseos ïmadï go tïtïgiadami sïïrhikami.

Romanos 1:9

Aanï bïïxi gin bhai ïrhiarakïdï ibuayi Diuxi aaduindadï aagaitai go bhai ïrhiaragai aatagi aagaitai Suxi Kristo Diuxi maradï. Dai Diuxi ïr nïijadami xi aanï mai dagitokai daanïi Diuxi gïn bïïtarï.

Filipenses 2:2

Ïmo tïgibudagai abïr bhïiyi bïïxkatai aapimï dai bïïxkatai aipakoga abïr gïn oigïdada ïmo xïgïmï dukai. Ïmo odami dukai abïr mosïkaxi ïmo ixtumaxikïdï buamï gïn ïrhiada dai mai xu xi ïjïkobai gïn tïtïgitoda aapimï. Mosïkaxi ïmo ixtumaxi abïr oijada bïïxkatai aapimï tudu. Ix pobuadagi aapimï aidï gia kïïgakïrï bhai gin ïrhiatudamu aapimï.

Filipenses 3:18

Daiñi, dudatai gïn aagidiña aanï sai oidaga mui odami ix makïdï ïr buidïrï bïtïkami ixtumaxi idui Suxi Kristo kuruxiana. Dai xibi asta suakaiña aanï soi gin ïrhiarakïdï gïn aagiditai ïpamu.

Filipenses 4:1

Kaxkïdï maiti abïr gïn daadagitoda aapimï gin aaduñi Diuxi amadïrï xi gïn maitiagi soimaaxi. Kaxi bïïna daraka aapimï Gïr Nukadakami tudu, kaxkïdï maiti abïr gïn dagitoda. Aapimï tudu ïr gin aaduñi dai kïïgakïrï gïn oigïdai aanï dai gïn tïtïitoi aanï gïn nïida iñïrhiditai. Aapimï tudu ïr gin bhai ïrhiaraga. Aanï in bïïtarï aapimï ïr ïmo bhai ïrhiaragai maitïki duu tudu ix makïdï bhïiyi aanï gin aaduindaga bïïtarï gïn tïïgidakai aanï go bhai ïrhiaragai aatagi.

Kolosenses 2:5

Daiñi, tomaxi maiti gïn ïmadï daja aanï bïïxkïrï gïn tïtïitoi aanï. Dai bhai gin ïrhidi maatïkatai sai kïï buañixikami dukai óídaga aapimï dai sai kïï gubuakami kïïka gïn buaboidaraga buaboitudaitai aapimï Suxi Kristo.

1Tesalonicenses 1:2

Gïr susukurhi, dudatai gïn daanturhiña aatïmï dai aagidiña aatïmï Diuxi gïr Oga xïï bhai gïr ïrhidi aatïmï aapimïkïdï. Dai bïïxkïrï gïn tïgito ajiopaiña aatïmï gïr tïgitokatai xïï kabami aatabuayi aapimï soikïitai jaa. Kïïga oigïdai aapimï jaa tudu. Dai kïïga buaboidaitai nïnïraka aapimï xi dibiagi Suxi Kristo ïpamu. Kaxkïdï maiti gïn daadagitoi aapimï ïpï ix gïn maitiagi go soi ïrhiaragai tomaxi soi gïn buidadagi jaa.

Filemon 1:7

Aapi gin aduñi Diuxi amadïrï, kïïga ïr ïmo gïdukami bhai ïrhiaragai in bïïtarï dai ïmo abïnakidaragai in bïïtarï ïpï maatïkatai xïï kïïga oigïdai aapi jaa. Kïïga gupurtudai aapi iibhïadï jaa tudu oigïdaitai aapi. Dai gobai ïr ïmo gïdukami bhai ïrhiaragai in bïïtarï.

2 Juan 1:4

Gin aaduñi, máí aanï sai ïïmadutai aapimï kïïga oijadai ixtumaxi ïr buaboi. Kïïga ïïgidi ïgai ixtumaxi gïr tïjai Diuxi gïr Oga tudu dai gokïdï kïïga bhai gin ïrhidi aanï.