Filipenses 1:3 - Northern Tepehuan Bible

³ Gin aaduñi Diuxi amadïrï, sïïrhikïdï bhai gin ïrhidiña aanï Diuxikïdï gïn tïtïitoitai.

Tepehuan Northern: Diuusi ñiooquidʌ utuducami oodamicʌdʌ

³ Aliʌ baigiñʌlidiña aanʌ giñDiuusigacʌdʌ siʌʌscadʌ gʌntʌtʌgitodagi.

Filipenses 1:3 Iomraidhean Croise

Romanos 6:17

Ïkioma aapimï ïr pipioñigadïkana go soimaaxkami. Dïï xibi aanï aagai ansai bhai gin ïrhidi Diuxikïdï. Xibi aapimï bïïxi gïn bhai ïrhiarakïdï ïïgidi go ñoki ix makïdï gïn maatïturhi aanï kaxkïdï.

1 Korintios 1:4

Gin aaduñi, sïïrhikïdï kïï tuiga Diuxi gïn bïïtarï gïn maakaitai naana maaxi gubukarhigai gïn ibhïdaga bïïtarï bïïnakatai aapimï Suxi Kristo. Xibi ka bïïna daraja aapimï Suxi Kristo tudu ix kaxkïdï bia aapimï bïïxi aïkatai ixtumaxi ïr soiñi gïn ibhïdaga bïïtarï. Naana maaxi soiñi gïn maa ïgai tudu dukami xibi bïïna darakatai aapimï ïgai bhaiga aapimï ix kïïga maakiagi ñoki dai ix kïïga maatiagi ix tumaxi ïr buaboi ïpï. Kaxkïdï dudatai aagidiña aanï Diuxi xïï bhai gin ïrhidi ïgaikïdï.

1Tesalonicenses 3:9

Mai tïtïgai aatïmï ixdukatai aagidagi Diuxi xïï bhai gïr ïrhidi aapimïkïdï tudu xïïxkadï aatagiadagi aatïmï ïgai ïmadï.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

2 Timoteo 1:3

Kïïga maatï aanï sai xadutudaitai aanï Diuxi ix dukai ibuadana gin piipixara ïïki dai kaxkïdï kïïga buañixikan taadaga gin ibhïdaga. Dai dudatai aagidiña aanï ïmo Diuxi atanamïidana Diuxi gï tïgitokatai aapi Timoteo.