Filemon 1:4 - Northern Tepehuan Bible

^4-5 Gin aduñi Filemon, dudatai kajiomakana aanï xïï kïïga oigïdai aapi bïïxi go buaboitudadami dai xïï kïïga buaboitudai aapi Suxi Gïr Nukadakami ïpï. Kaxkïdï bïïxkïrï xïxkadï gï daanturhiadagi aanï aagidiña aanï ïmo Diuxiatanamїidaragai Diuxi aapikïdï.

Tepehuan Northern: Diuusi ñiooquidʌ utuducami oodamicʌdʌ

^4-5 Maí aanʌ isaliʌ cʌʌga vaavoitudai aapi dai oigʌdai Suusi Cristo dai oigʌdai aapi vʌʌsi ʌvaavoitudadami ʌʌpʌ cascʌdʌ aliʌ baigiñʌlidi aanʌ Diuusicʌdʌ daanʌitai sai gʌsoicʌiña.

Filemon 1:4 Iomraidhean Croise

Romanos 1:8

Ïpïgioma gïn aagida in ïrhidi ansai kïïga bhai gin ïrhidi Diuxi ïmadï kaïkatai ix óídakami aipako aagai xïï kïïga buaboitudai aapimï Suxi Kristo. Dai aagidimi aanï Diuxi ansai bhai gin ïrhidi ïpï. Suxi Kristo ïgai dai bhai dui gin bïïtarï xi bhaigakagi aanï xi podukai aatagidagi Diuxi.

Efesios 1:16

aidï abhiadïrï mos aagidiña aanï Diuxi sai kïï bhai gin ïrhidi aapimïkïdï dai mai dagitokai gïn daanturhiña aanï.

Filipenses 1:3

Gin aaduñi Diuxi amadïrï, sïïrhikïdï bhai gin ïrhidiña aanï Diuxikïdï gïn tïtïitoitai.

Kolosenses 1:3

Gïr aaduñi, mai dagitokai gïn daanturhiña aatïmï dai aagidiña aatïmï Diuxi xïï bhai gïr ïrhidi ïgaikïdï gïn tïgitokatai. Aagidiña aatïmï Ogadï Suxi Kristo Gïr Nukadakami sai bhai gïr ïrhidi ïgaikïdï tudu.

1Tesalonicenses 1:2

Gïr susukurhi, dudatai gïn daanturhiña aatïmï dai aagidiña aatïmï Diuxi gïr Oga xïï bhai gïr ïrhidi aatïmï aapimïkïdï. Dai bïïxkïrï gïn tïgito ajiopaiña aatïmï gïr tïgitokatai xïï kabami aatabuayi aapimï soikïitai jaa. Kïïga oigïdai aapimï jaa tudu. Dai kïïga buaboidaitai nïnïraka aapimï xi dibiagi Suxi Kristo ïpamu. Kaxkïdï maiti gïn daadagitoi aapimï ïpï ix gïn maitiagi go soi ïrhiaragai tomaxi soi gïn buidadagi jaa.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

2 Timoteo 1:3

Kïïga maatï aanï sai xadutudaitai aanï Diuxi ix dukai ibuadana gin piipixara ïïki dai kaxkïdï kïïga buañixikan taadaga gin ibhïdaga. Dai dudatai aagidiña aanï ïmo Diuxi atanamïidana Diuxi gï tïgitokatai aapi Timoteo.