Exodo 8:22 - Northern Tepehuan Bible

^22-23 Xoroko Gïr Nukadakami otosa agai gobai. Dïï gia bhobai Gosenïrï xako óídaga aaduñdï Gïr Nukadakami ami gia mai tipukamu tomarhi ïmo imabugai xoroko. Mai tipukamu gïgïbidaradï ïgai ix dukai bia aapimï gïgïbidaragai aapimï Ejipituana óídakami. Podukai gia maatïkamu aapi sai Gïr Nukadakami ïgai dai tïanïi oidigi dama— podukai tïdamu aapi go Rey tudu— itïtïdai Diuxi go Moises.

Exodo 8:22 Iomraidhean Croise

Exodo 10:23

Baika tasai maiti gïn tïï oidakami dai mai oiñi daraka ïgai ami. Mosïkaxi go Israelitas kiikidïrï gia kudidikana.

Exodo 19:5

—Aanï bhaiduñimu ñoki gïn ïmadï dai gï aagadamu xi kïïgakïrï ïïgida kaïkagi aapimï gin ñoki dai mai gajiadïrï biagi toma lïïchi aidï gia gïn bhïimu aanï ïïgi gin bïïtarï. Dai aidï gia aapimï ïr gin aaduñikamu ix makïdï bamioma oigïdamu aanï. Bamioma gïn oigïdamu aanï aapimï xi bhai go gaa oidigi dama óídakami tudu.

Exodo 20:11

Aidïxi kïi Gïr Nukadakami oidigi naadami tasai aatadui ïgai dai bïïxi naato idui ïgai tïbagi ïmadï oidigi dai sudagi ïmadï bïïxi ixtumaxi oidaga. Dai xadiko ka mai aatadui ïgai ka natokai aaduindadï. Kaxkïdï Gïr Nukadakami kïïgadukami aagai go ibhïxtaragai tasai dai xadutudikami dáí.

Exodo 7:5

—Gin gubukadakïdï bubaidamu aanï go Israelitas. Aidï gia maatïkamu go Ejipituana óídakami xorai aanï dai xïïxi ïr gubuakami aanï dai maatïkamu aidï ïpï xi aanï ïr Nukadakami— itïtïdai Diuxi go Moises. Bhodïrï Diuxi aagidi Moises ïmadï Aaron ix dukatai iduñagi Rey buidïrï amïï aïkai ïgai.

Exodo 8:21

Xi mai dagitoagi aapi, aidï gia gïn kiikiïrï otosamu ïgai mui imabugai. Modukai gï sonïrï gukakami kiikidïrï ïmadï bïïxi go Ejiptuïrï óídakami kiikidïrï. Dïbïrapi mos komaikamu go imabugai.

Exodo 9:26

Dïï gia Gosenïrï xako óídaga go Israelitas bhobai gia mai gïi tomarhi ïmo tïayi.

Exodo 9:6

Xadiko koi go Ejiptuïrï óídakami sosoigadï. Dïï go Israelitas sosoigadï gia mai koi tomarhi ïmoko.