Exodo 6:8 - Northern Tepehuan Bible

⁸ Aanï baidakamu go Israelitas gamo Kanaanamu xako aagidi aanï ïïki go Abraam ïmadï Isaak dai Jakobo. Gamo baidakamu aanï xi amïï biakamu ïgai gïn dïbïraga. Aanï ïr Nukadakami dai ka poduñimu aanï. Podukai aagidamu aapi go Israelitas tudu— itïtïdai Diuxi Moises.

Exodo 6:8 Iomraidhean Croise

Genesis 28:13

Dai tïsadikaru abhana kïakatadai Gïr Nukadakami daidi potïtïdai ïgai go Jakobo, —Aanï ïr Diuxi gï Nukadakami dai aanï soikïiña gï boxika Abraam ïmadï gï oga Isaak. Daiñi. Bïïxi idi dïbïrai xako dama kaatï aapi aanï gï maakimu gï piipixara bïïtarï— itïtïdai.

Exodo 32:13

—Gï tïgitoñi gï ñoki ix makïdï ïki aagidi aapi gï soikïdami Abraam ïmadï Isaak dai go Israel. Aidïpïrï gï báí aapi sai ix xïïxi oidaga xixabugai po kakiduka as agai piipixaradï ïgai. Bïïxi gï gubukadakïdï namïatudai aapi gï ñoki ix makïdï aagidi aapi go Abraam ïmadï Isaak dai Israel. Aagidi aapi ïpï sai ix makïdï maa aapi oidagadï piipixaradï ïr tuidadï ka agai tomaxi tuigako. Dai idi Israelitas xibi ïr go piipixaradï ix makïdï agaitadai aapi ïïki. Kaxkïdï gï daanïi aanï pïxi oigïdagi dai mai kodagi ïgai— itïtïdai Moises Gïr Nukadakami.

Exodo 6:2

—Aanï ïr Nukadakami— itïtïdai Diuxi Moises.

Exodo 6:4

—Bhai dui aatïmï atagi aanï ïmadï Abraam dai Isaak dai Jakobo. Gin baasaka aanï ïgaikïdï sai maakia iñagai dïbïrai xako Kanaan tïgidu oidigi xako xïbhïadïrï óídakami dukai óídakaiña ïgai. Aagidi aanï sai ami Kanaanïrï óídaka agai piipixaradï ïgai.

Exodo 6:6

—Mïïka aagida aapi go Israelitas xi aanï ïr Nukadakami dai tïïgidamu aanï xïï gubuka aanï. Kaxi ïr sïïrhi xi go Ejipituana Rey aaduñdï biakagi gïgïbidaragai mos ïï soimaaxi ibuadatai ïgai. Kaxkïdï gïïpi daitudamu aanï gïïgïbidaragai abhana xibi dai podukai kïïgakïrï bubaidamu aanï go Israelitas xi ka mai soi buidadamu go Ejipituana óídakami. Aagidañi go Israelitas sai aanï Nukadakami ïgai dai poduña iñagai sai ka maiti gatïanïna go Ejipituana óídakami ix dukai gatïanïi ïgai xibi— itïtïdai Gïr Nukadakami.

Numeros 14:30

Tomarhi ïmadutai aapimï mai bapakimu ami xako agaitadai aanï xi gïn maaki in agaitadai. Mosïkaxi go Kaleb ïmadï Josue gia bapaki agai ami.