Exodo 4:31 - Northern Tepehuan Bible

³¹ Daidi go Israelitas kïïga buaboida kaï ñokidï Aaron ïmadï Moises. Kïïga maatï kaï ïgai xi Gïr Nukadakami tïgito nïiditadai go Ejipituana óídakami xïï kabami soi duiñturhimi ïgai go Israelitas. Dai maatï kaï ïgai ïpï sai Gïr Nukadakami soiña agai. Xi kaxkïdï kuiki ïgai dai xaduturhi ïgai Diuxi kïïga buaboitudaitai.

Exodo 4:31 Iomraidhean Croise

Genesis 17:3

Dai go Abram koidamu kuiki dai xadutugi Diuxi kaïkatai ñokidï.

Exodo 12:27

Dai aapimï tïdamu aidï —Tïïtïitoi aatïmï Gïr Nukadakami ix dukatai kïïgakïrï gïr dïgabuiñtu aidïxi kodaitadai ïgai Ejiptuïrï óídakami dai aatïmï gïr kiikiïrï mai ayi ïgai. Kaxkïdï xadutudai aatïmï xibi go Kïïgakïrï Bubaidaragai Bagimi dai kodai aatïmï kañiru xiïpï xibato ïmo buaboidaragai bïïtarï Gïr Nukadakami— tïdamu aapimï gïn maamara aidï— itïtïdai Moises. Dai go Israelitas kuiki dai oigïda ño buidïrï Diuxi kaïkatai xi Diuxi kïïgakïrï bubaida agai.

Exodo 14:31

Dai go Israelitas mos tïïtïitoi Diuxi xïïxi ïr gïdukami ïgai kïïgakïrï gïn bubaidakai ïgai Ejiptuañdïrï. Daidi kaiti ïgai, —Gïr Nukadakami gia ïr gïdukami— ikaiti. Kïïga buaboitu ïgai Gïr Nukadakami tudu daidi kaitimi, —Gia ïr Diuxi otosadï go Moises. Gï agai tïxi ïïgida kaïkagi gobai— ikaitimi go Israelitas.

Exodo 19:8

Dai go Israelitas bïïxkatai bhai aa ix dukai aagai Diuxi daidi potïtïdai ïgai go Moises sai, —Iduñimu aatïmï bïïxi aïkatai ixtumaxi gïr tanïdagi Gïr Nukadakami— ikaiti go Israelitas. Dai Moises mïï aagidi Gïr Nukadakami xi kaiti ïgai.

Exodo 19:9

Dai bhodïrï Gïr Nukadakami potïtïdai go Moises, —Daiñi, ipïrhidi aanï sai gï buaboida kaïkana go odami. Kaxkïdï xibi ïmo ikomai kobokami saagida kïkibamu aanï aapi gï buitapi bai kaïkagi go odami atagaitai aanï aapi gï ïmadï. Podukai gia gï buaboituda kaïkamu go odami— itïtïdai Gïr Nukadakami Moises. Dai bhodïrï Moises ïpamu aagidi Gïr Nukadakami ix kaititadai go Israelitas.

Exodo 3:16

Daidi Diuxi Gïr Nukadakami kia aatagaimi ïmadï Moises daidi itïtïdai, —Ïmpaidamu aapi go Israelitas bhaitï gukakamigadï aïkai aapi Ejipituana daidi aagidamu aapi xi gï buidïrï maaxitu aanï ix makïdï gïn piipixara buaboitudaiña ïïki. Ix makïdï Abraam dai Isaak dai Jakobo buaboitudaiña tudu. Aagidamu aapi xi gï buidïrï gin maaxitu aanï dai xi aanï gï aagidi xi nïidi aanï xïï soi dukai gïn aaduintuldimi go Ejiptuïrï óídakami— tïdamu aapi go Israelitas bhaitï gukamigadï.

Exodo 3:18

—Go bhaitï gukakamigadï Israelitas gï ïïgida kaimu. Dai bhodïrï oidamu aapi go bhaitï gukakami daidi mïï Ejiptuïrï Rey buidïrï kïkibamu aapi dai atagidamu. Daidi tïdamu aapi go Rey sai, —Diuxi Gïr Nukadakami ix makïdï aatïmï Israelitas buaboitudai ïgai daidi gïr buidïrï gï maaxitu dai gïr aagidi sai mïï oidigana daaxida aatïmï buxtaki. Ïgai gin otoi naidi gï tanïna aanï oigaragai xi dagitoagi aapi gin aaduñi xi baidakagi aanï baika tasai imidagai oidigamu. Mïï koditulda ïragai aatïmï buxtaki Diuxi Gïr Nukadakami. Potïdamu aapi go Rey— itïtïdai Diuxi go Moises.

Exodo 3:7

Daidi Gïr Nukadakami apia ñokidimi daidi itïtïdai, —Kïï maatï nïidi aanï xïïxi soi dukai óídaga gin aaduñi Ejiptuïrï. Kaïkana aanï xïïxi aijiïgïiña ïgai xudu soi buadagi tïtïanïdamigadï. Daidi kïï maatï aanï xïïxi bia ïgai soi ïrhiaragai abhana— ikaiti.

Exodo 4:5

—Daiñi— itïtïdai Diuxi. —Pïx xudu aiyagi Ejipituana gï agadamu xi podukai dïbïrapi daituda aapi gï uxiaraga ïpamu bai kooyi gï naatomu gobai ïpamu. Aidï gia gï buaboitudamu go Israelitas xi gï buitapi gin maaxitu aanï ix makïdï Abraam dai Isaak dai Jakobo buaboitudaiña— itïtïdai Gïr Nukadakami.

Lukas 1:68

—Agia gï agai aatïmï Israelitas xi aagadagi bïïxkatai aatïmï xïïxi ïr gïdukami gïr Diuxiga. Kaxi gïr dibiji ïgai tudu dai bhai dui kïïgakïrï bubaidaragai gïr bïïtarï aaduñdïkatai aatïmï ïgai— ikaiti.

Lukas 8:13

Dai ix makïdï ojodai saagida surhi ïpïan dukami odami ix makïdï bhai ïrhiarakïdï kaïkana Diuxi ñokidï dïï mai xii gubuakami kïïkiba buaboidaradï. Mosïka lachi buaboitudai ïgai dai gokiïrï xïïxkadï daibuñagi ïmo soi ïrhiaragai amaxi ukami kabakana buaboidaradï.

Rut 1:6

Dai kajioma go Noemi sai kïïgai soikïitadai gïr Nukadakami go oidakami Judaïrï ix makïdï Israelïrï bipiïyi. Kajioma ïgai sai kïïga yoba ïgai kuadagai tudu.