Exodo 4:23 - Northern Tepehuan Bible

²³ —Tomaxi aanï aagidagi go Rey xi dagitona ïgai gin aaduñi xi iimiagi bïïxkïrï ïgai maiti ipïldamu. Kaxkïdï aapi Moises adukai tïdamu go Rey, —Aapi Rey ka mai dagito aapi maradï Gïr Nukadakami sai imiagi dai mïï koditudagi buxtaki dai daxdagi. Kaxkïdï Gïr Nukadakami mua agai aapi gï maara gïdukïdioma tïdamu aapi. Podukai aituldamu aapi gin ñoki go Rey buidïrï— itïtïdai Gïr Nukadakami go Moises. Potïtïdai Diuxi go Moises Ejiptuamajako imïdamikatai ïgai tudu.

Exodo 4:23 Iomraidhean Croise

Exodo 11:5

Dai koda agai ïgai kïkïïrhi bïïxi kiikiïrï ix makïdï ïr tukamidïrï maamaradï óídakami. Mos ïpïan ïxi daitudamu ïgai mukigami abhana bïïxi kïkïïrhi ix makïdï ïr gaxixïgi. Ayimu gobai gï maara aapi Rey ïpï ix makïdï ïr gaxïgi dai ix makïdï bhïiyi agai gï sïïrhikamiga. Dai mos podukai ayimu gobai soititigami maamaradï ïpï ix makïdï ïr gaxixïgi, tomaxi ïr maradïkagi ïgai go bamioma soitigami oki ix makïdï ïr kuxñirugadïkagi ïmai. Bïïxkïrï ayimu go mukigami ïmadï modukai go tukamidïrï maamaradï buxtaki.

Exodo 12:29

Bhodïrï ïran tukarï ka bïïxi ïpï dui ix dukatai aa Moises. Gïr Nukadakami Ejipituana daibusai dai bïïxi kiikiïrï ayi dai kodaimi maamaradï óídakami ix makïdï ïr kïkïïrhi daidi ïr gaxixïgi. Mua ïgai maradï gïdukïdioma go Rey ix makïdï tïanïi Ejiptuïrï ïmadï modukai ïpï maamaradï bïïxi go gaa óídakami dai asta go ix makïdï maixakaruana daraja bïïxi kodai maamaradï. Dai go buxtaki kodai ïpï kïkïïrhiadï ix makïdï ïr gaxixïgikagi.

Exodo 3:18

—Go bhaitï gukakamigadï Israelitas gï ïïgida kaimu. Dai bhodïrï oidamu aapi go bhaitï gukakami daidi mïï Ejiptuïrï Rey buidïrï kïkibamu aapi dai atagidamu. Daidi tïdamu aapi go Rey sai, —Diuxi Gïr Nukadakami ix makïdï aatïmï Israelitas buaboitudai ïgai daidi gïr buidïrï gï maaxitu dai gïr aagidi sai mïï oidigana daaxida aatïmï buxtaki. Ïgai gin otoi naidi gï tanïna aanï oigaragai xi dagitoagi aapi gin aaduñi xi baidakagi aanï baika tasai imidagai oidigamu. Mïï koditulda ïragai aatïmï buxtaki Diuxi Gïr Nukadakami. Potïdamu aapi go Rey— itïtïdai Diuxi go Moises.

Exodo 5:1

Bhodïrï go Moises ïmadï Aaron amïï dibiji Rey Ejipituana daidi itïtïdai, —Kaïkañi ix kaiti Diuxi Gïr Nukadakami ix makïdï aatïmï Israelitas buaboitudai. Ïgai ikaiti sai dagitona aapi gin aadundï bai iimïna ïgai oidigamu dai amïïka bagimitudagi ïgai dai xadutuadagi,— ikaiti Gïr Nukadakami itïtïdai Moises ïmadï Aaron go Rey.

Exodo 8:16

Dai bhodïrï potïtïdai Diuxi go Moises, —Aagidañi go Aaron sai gïgïna dïbïrai kubhiadï uxiaradïkïdï xi go dïbïrai kubhiadï aarhi nunubarhi gï naatona dai sudana Ejipituana— itïtïdai.

Exodo 8:17

Podui ïgai. Go Aaron gïïgï dïbïrai kubhiadï uxiaradïkïdï tai todian dukai oidatu aarhi nunubarhi tomaxako Ejipituana. Tai kabami kïkïi ïgai óídakami ïmadï sosoigadï.

Exodo 8:20

Bhodïrï Gïr Nukadakami itïtïdai go Moises, —Baañiñi xoroko ïïki dai mïï nïida go Ejiptuïrï Rey. Mïï gïï akiana tïïgimu aapi gï baïtïbïitai ïgai. Dai ka tïïgakai aagidañi sai, —Pokaiti Gïr Nukadakami, dagitona pïsa aaduñdï saidi oidigana kodagi buxtaki dai daxdagi daxdakaruïrï.

Os 11:1

—Aidïxi utudan muidimitadai go Israelitas aanï kïï oigïdaitadai go Israel dai gin maara agaiña aanï— ikaiti Diuxi. —Dai Ejiptuañdïrï báí aanï gin maara— ikaiti ïgai.