Exodo 4:12 - Northern Tepehuan Bible

¹² —Mïradañi tudu naidi aanï gï maakana tïgibudagai dai ñoki ïpï paidi atagada— itïtïdai Gïr Nukadakami.

Exodo 4:12 Iomraidhean Croise

Exodo 3:12

Daidi Diuxi itïtïdai, —Gï ïmadï daakamu aanï. Daiñi, ayimu ixtuigako gin xadutuadamu aapi tami idi tubidakïrï ïmadï gï aaduñi ka bubuakïkai aapimï Ejiptuañdïrï. Aidï gia maatïkamu aapi xi aanï ïgai daidi gï otoi— itïtïdai.

Exodo 4:13

Dïï mos go Moises apia maiti ipïrhidi. —Gin oigïdañi Gïr Nukadakami, otosañi ïmai— itïtïdai.

Exodo 4:15

—Aagidamu aapi go Aaron bïïxi ix dukatai gï aagidamu aanï. Dai podukai atagamu ïgai amïï Ejiptuïrï naidi aanï gïn ïmadï dakamu dai gïn soiñamu. Aanï gïn aagidamu xi ixtumaxi atagadagi aapimï— itïtïdai.

Exodo 4:16

—Ipïrhidi aanï xi go Aaron ïgai dai atagiada go óídakami. Aanï gin bïïtarï ñokadamu aapi dai aagidamu go Aron ix kaiti aanï bai ïgai utioma aatagamu go óídakami— itïtïdai Gïr Nukadakami.

Markos 13:11

Dai mïx xïïxkadï baan gïn tutusagi buidïrï dudunukami abïr mai buamï ïrhiada mïx tïiyagi. Diuxi gïn soikïdamu aidï. Bïrai mos aagada ïïgi ix makïdï gïn ajiagi tïgibudagai. Mai xu ïïgi aapimï ñokadamu aidï, Diuxi Ibhïadï aba ïgai dai gïn ñokituldiadamu— itïtïdai Suxi.

Lukas 11:1

Ïmo imidagai sai no xibhïkai dakatadai Suxi dai gaatagataidai Diuxi ïmadï. Daidi naato aatagakai ïgai bai ïmadutai go mamaatïrdamigadï potïtïdai, —Aapi gïr mamaatïtuldiadamiga, go Juan maatïturhi mamaatïrdamigadï ix dukatai daanïdagi ïgai Diuxi dai aatïmï maatia rïrhidi ïpï. Gïr maatïtuldañi tudu ix dukatai daanïdagi aatïmï— itïtïdai.

VUAANA 14:26

Dïï gokiïrioma ka maiti gïn maakimu aanï ñoki podukai. Bhaiyoma Diuxi gin Oga otosamu Ibhïgadï sai gïn soiñana gin bïïtarï ka imïkai aanï. Dai ïgai gïn maatïtuldamu bïïxi aïkatai ix tumaxi gï aagai ix maatïkagi aapimï dai gïn tïgitotuldamu bïïxi ixtumaxi gïn aagidiña aanï— itïtïdai Suxi.

Efesios 6:19

Dai aanï gin bïïtarï abïr daanïda ïpï xi kïïga maatïtai aagada aanï Diuxi tïgibudadï ix makïdï ïxtokikana ïkioma. Bai mai duadimudakïdï aagada aanï sai Diuxi podukai gï tïgito xi go bhai ïrhiaragai aatagi ïr bïïtarïkana go ix makïdï maiti ïr judidiu ïpï.