Exodo 4:10 - Northern Tepehuan Bible

¹⁰ Dïï Moises itïtïdai, —Gin oigïdañi Gïr Nukadakami, mai imiadan taadaga aanï— itïtïdai Moises. —Sasaimïrhiga aanï dai mai maatï aanï aatagi. Pomaaxi aanï arhidukatai abhiadïrï di— itïtïdai.

Exodo 4:10 Iomraidhean Croise

Exodo 3:11

Daidi Moises itïtïdai aidï, —Tuma sïïrhikami biakami aanï xi mïï buidïrï kïïkadagi dai atagiada go gïï Rey Ejiptuïrï daidi bubiadagi gin aaduñi abhiadïrï— itïtïdai Moises.

Exodo 4:1

Diuxi aagidi go Moises sai bubaidana ïgai go Israelitas Ejiptuañdïrï. Dïï mos go Moises itïtïdai Diuxi, —Xadïrï gin buaboitudaiña go Israelitas. Maiti gin ïïgiadamu ïgai ïrhi aanï. Bhaiyoma potïimu ïgai xi maiti ïr buaboi xi gin buidïrï gï maaxitu aapi Gïr Nukadakami— itïtïdai Moises.

Hechos 7:22

Bai podukai gïrakai go Moises bïïxi máítadai ïgai aaduindadï go Ejipituana óídakami. Dai kïï saitudagakana ñokaragai bïïtarï dai aaduindagai bïïtarï ïpï.

2 Korintios 10:10

Kïï maatï aanï tudu sai pokaitiña ïïmoko sai xïïxkadï ojidagi aanï buaboitudadami sai kabami bhagaididan kaitiña gin oja. Dai pokaitiña ïgai ïpï sai xïïxkadï gïn ïmadï dakagi aanï sai aidï gia duadimukan dukai ñokaiña aanï dai pokaitiña ïgai sai mai maatïkatai gamamaakai aanï ñoki. Po tudu ikaitiña ïïmoko.

2 Korintios 11:6

Tomaxi mai xii saitudaga aanï gatïtïïgiditai ñoki ïmpaiñdaragiana dïï gia kïïga maatï aanï go aatagi ix makïdï gïr biturhi Diuxi. Kïïga maatï aapimï saidi ïr buaboi gobai. Kïïga máí aapimï sai gia maatï aanï ixtumaxi ïr buaboi tudu nïiditai aapimï gin aaduindagai dai kaïkatai gin aatagi ïpï.