Exodo 32:19 - Northern Tepehuan Bible

¹⁹ Dai tïï Moises go baka maara ïmadï go bagimadami miadïrï aïkai xako gïn urhiñatadai go Israelitas. Dai bhamu ïgai dai surhi go ojodai kaakaparakïdï ami tubidaki uta dai taatapai.

Exodo 32:19 Iomraidhean Croise

Exodo 32:11

Dïï gia go Moises apia dukai daañimi Diuxi Gïr Nukadakami go Israelitas bïïtarï daidi potïtïdai, —Cho gin Nukadakami— itïtïdai. —Ïïgi gï gubukadakïdï pïtai bubaitu aapi go Israelitas Ejiptuañdïrï dai xibi dukatai bhamuka ïrhidi aapi buidïrï— itïtïdai.

Exodo 32:18

—Cho— itïtïdai Moises. —Mai iñakigadï maa kaiti gobai ix makïdï bhai gïn ïrhiadagi kokodiïrï xudu gamaitiagi. Tomarhi maiti ïr suanïdami gobai ix makïdï kokodiïrï gamaitikïdan kaitadagi jaa. Ïma maaxi ïrhi aanï gobai— itïtïdai Moises.

Exodo 34:1

Dai Gïr Nukadakami aataga ïmadï Moises dai itïtïdai, —Duñiñi goka ojodai kaakaparakami ix maaxkatadai ix makïdï taatapai aapi. Nai ami ojagi aanï ïpamu go baa ñoki ix makïdï ojixikatadai tukamïrï ojodai kaakaparakamiïrï— itïtïdai.

Mataibo 5:22

Potïtïdai Diuxi go óídakami ïïki tudu. Dïï gia aanï aagai xibi sai tomaxi mosïkaxi bhamukagi ïmo odami buidïrï ïmai kaxi ïr gïpiïrï kaatïkami ïpï dai go dudunukami maaki agai gïgïbidaragai. Dai xi ïmo odami pokaitadagi sai ïmai odami maiti ïr soiñi gokïdï kaxi gïpiïrï kaatïkami bipiïyi ïgai ïpï dai biakamu xi baan kïkibagi dudunukamiana sai aagana ïgai ix tuma gïgïbidaragai biaka agai ïgai. Dai xi ïmo odami buirugami aagagi ïmai odami kaxi ïr ajïakami xi taatagi ïgai gïgïbidaragai go gïï taiyïrï— itïtïdai Suxi.

Markos 10:14

Tai Suxi bhaamu mamaatïrdamigadï bui tïïgakai xi daidimi ïgai aarhi daidi potïtïdai aidï, —Dagitobïrai go aarhi xi dadana dai maiti abïr daidada. Mos ïr ïï aarhi maa tutuigakami go ix makïdï óídaga xako tïanïi Diuxi di.

Markos 3:5

Baidi go Suxi kabami nïnïidi bhaamudakïdï dai soi gï ïrhi nïiditai xïï ïr kaapakami iibïadï ïgai. Dai potïtïdai ïgai go kokoadï aidï, —Sïïrhiñañi gï ïka— itïtïdai. Tai ïgai sïïrhi dai ka duadixikami bii.

1 Korintios 10:7

Dai sai mai buaboitudaiña aatïmï go uubixi ïpï ix dukai ibuadana muidutai ïgai. Ibuadana ïgai ix dukatai oja go Moiseskaru ïïki tudu. Ami ojadïrï ikaiti sai, Go odami gauu daidi gaii gabagimadatai dai bhodïrï go kïkïïrhi ïmadï go oki gïn aaga idui buirudagai gatutudakïitai, ikaiti go ojai.

Efesios 4:26

Daidi abïr mai soimaaxi ibuada dagitokai xi gïn maitiagi bhaamudagai. Maiti abïr gïn dagito xi apia bhakoikagi aapimï ka dupikai tasai.