Exodo 32:11 - Northern Tepehuan Bible

¹¹ Dïï gia go Moises apia dukai daañimi Diuxi Gïr Nukadakami go Israelitas bïïtarï daidi potïtïdai, —Cho gin Nukadakami— itïtïdai. —Ïïgi gï gubukadakïdï pïtai bubaitu aapi go Israelitas Ejiptuañdïrï dai xibi dukatai bhamuka ïrhidi aapi buidïrï— itïtïdai.

Exodo 32:11 Iomraidhean Croise

Exodo 32:7

Dai Gïr Nukadakami itïtïdai go Moises, —Mïïka nïida gï aaduñi mïï taana ix makïdï Ejiptuañdïrï bubaitu aapi. Kaxiata gïpiïrï gïn surhi ïgai ïïgi— itïtïdai.

Exodo 6:6

—Mïïka aagida aapi go Israelitas xi aanï ïr Nukadakami dai tïïgidamu aanï xïï gubuka aanï. Kaxi ïr sïïrhi xi go Ejipituana Rey aaduñdï biakagi gïgïbidaragai mos ïï soimaaxi ibuadatai ïgai. Kaxkïdï gïïpi daitudamu aanï gïïgïbidaragai abhana xibi dai podukai kïïgakïrï bubaidamu aanï go Israelitas xi ka mai soi buidadamu go Ejipituana óídakami. Aagidañi go Israelitas sai aanï Nukadakami ïgai dai poduña iñagai sai ka maiti gatïanïna go Ejipituana óídakami ix dukai gatïanïi ïgai xibi— itïtïdai Gïr Nukadakami.

Numeros 21:7

Kaxkïdï go Israelitas mïï aagidi Moises, —Kaxi aatï gïïpi soi maaxi idui aatïmï aidïxi bui ñiñokai aatïmï Gïr Nukadakami dai aapi ïpï. Daañiñi Gïr Nukadakami xi maigobai imitudagi ïgai go kookoyi— ikaiti go Israelitas. Dai go Moises daanïi Gïr Nukadakami xi oigïldana go Israelitas soimaaxkamigadï.