Exodo 31:18 - Northern Tepehuan Bible

¹⁸ Gïr Nukadakami ïïgi ïkadïkïdï oja go sïïrhikami goka ojodai kaakaparakamiana dai tïïgi ïgai go Moises. Dai gokïdï ka kugaitu atagidï ami Sinaí tubidakïrï ix dukai aagidi ïgai go Moises.

Exodo 31:18 Iomraidhean Croise

Exodo 24:12

Bhodïrï Gïr Nukadakami aataga ïmadï Moises daidi itïtïdai, —Tïsaidañi bhaigobakoga tubidakiamu xako daja aanï. Bhaigobioma miadïrïioma kïkiba tami tubidakïrï daidi gin nïnïraka naidi aanï gï maakana ojodai kaakaparakami xako oja aanï maatïtuldaragai ïmadï sïïrhikami. Gokïdï maakimu aapi ñoki go odami— itïtïdai Gïr Nukadakami Moises.

Exodo 24:18

Dai Moises tïsai kubhuxi saagida sïïrhi dai ayi tubidaki kugïrï. Ami bii ïgai gokobhai tasai dai gokobhai tukagi.

Mataibo 12:28

—Daiñi, kïïga gï maatï sai Diuxi gubukarhigadïkïdï bubaidiña aanï tïtïañikarudï go diabora tami gïn saagida tudu. Dai gobai itïiya ïrhidi sai kaxi ayi ixtuigako gatïanïda agai Diuxi tami gïn saagida— itïtïdai.

Lukas 11:20

Daiñi, kïïga gï maatï sai Diuxi gubukarhigadïkïdï bubaidiña aanï tïtïañikarudï go diabora tami gïn saagida. Dai gobaikïdï kïïga gï maatï ïpï sai Diuxi kaxi gatïanïi tanai gïn saagida ïpï— itïtïdai.

2 Korintios 3:3

Daiñi, Suxi Kristo ipïrhidi sai bïïxi óídakami maatïkagi sai go aaduindagai ix makïdï idui aatïmï gïn saagida kïïga idui soiñi aapimï gïn bïïtarï. Mai aagai aatïmï ïmo paperhi xiïpï ïmo odai kaparakami xako ojixikagi lapixikïdï sai namïga gïr aaduindagai tudu. Dai bhaiyoma xibi Diuxi Ibhïadï gïn soi gïn iibhïdagïrï sai ïma dukai óídakana aapimï dai gobai ïgai dai maaxitudai sai namïga gïr aaduindaga. Diuxi Ibhïadï idui ïmo aaduindagai gïn iibhïdagïrï gïn nukadakatai aatïmï dai gïn tïtïgiditai aatïmï ñoki tudu. Ka ïma dukai óídatu aapimï dai kaxkïdï kïïga maatiga maaxi sai Suxi Kristo idui ïmo kïïgadukami aaduindagai aapimïrï kaïkatai aapimï gïr ñoki. Dai gobai ïr ïmo maaxidaragai saidi ïr ojotosadï aatïmï Suxi Kristo dai sai namïga gïr aaduindagai.

Hebreos 9:4

Ami go tukabiïrï ix makïdï bïïxi adaama xadutudikïdï tïgidu ami dakatadai go daxdakarui kubhimadarhi dai go kajoñi ix makïdï sïïrhikami kiidï tïgidu. Go kajoñi bïï sudakami gï tïkimagi oro. Dai ïrana dakatadai ïmo ayi orokïdï duñixikami dai biakatadai maná. Dai ami kajoñiïrï kaatïkatadai uxiaradï go Aaron ïpï ix makïdï iipoi ïïki. Dai ami bïïtïkatadai go ojodai kaakaparakami ix makïdï ami ojixikatadai go sïïrhikamigadï go Moises ïpï.