Exodo 25:20 - Northern Tepehuan Bible

²⁰ Gï agai xi bupuidïrï gukakagi go Diuxi tïtïañikarudï kajoñi iñaparadïamako dai koidamu gukakan dukagi momodï. Dai go ajanadï gï agai xi tïkabi gï komarakan dukai iñakagi dama go iñaparagai.

Exodo 25:20 Iomraidhean Croise

Genesis 28:12

Dai tïïtïkimi ïgai ïmo tïsadikaru ix makïdï ajïga dïbïrapiañdïrï mïï daana tïbagiïrï ukami. Dai ami tïsadikaruana sïïrhi ajiopai Diuxi tïtïañikaru. Jaa tïtïidimi dai jaa tïapañimi.

Exodo 25:18

Bïï goka padïrï go iñaparagai gï agai xi tutusagi goka Diuxi tïtïañikaru maaxkami ix makïdï ajana. Martiokïdï sosona go oro dai bhobai baaxi iñaparana iduñi go tïtïañikaru xi mos ïmo aaduindagaikagi ïgai ïmadï go iñaparagai.

Mataibo 24:31

Dai amaxi gï kaidatumu ïmo trompeta ix makïdï kabami ibada agai dai aidï otosamu aanï gin tïtïañikaruga bai ïgai ïmpaida agai bïïxi go odami ix makïdï ïkobai bubaitu Diuxi. Ïmpaida agai ix makïdï ïkobai bubaitu ïgai bïïxi oidigi daamaiñdïrï tudu— itïtïdai Suxi.

VUAANA 1:51

Dukami, nïijadamu aapi ix kupiokomu go tïbagi dai tïtïsadamu dai tïapañimu Diuxi tïtïañikarudï aanïkïdï dai podukai ayimu xako dakamu aanï. Aanï ïr ix makïdï kïïga odami busai dai aanï poduñimu ix duu aagai aanï ix aapi nïijadamu— itïtïdai Suxi.

1 Korintios 11:10

Daiñi, asta Diuxi tïtïañikarudï tïgito nïnïidiña ix bhai oki ïïgidimi kunadï. Kaxkïdï go oki gï agai ix maaxitudagi ix ïïgidi dai iñagi momodï.

1 Korintios 4:9

Ga tïanïdan buayi aapimï tudu dïï aatïmï ix makïdï ïr ojotosadï Suxi mai namïakami dukai gïr nïidi jaa. Po in ïrhidi aanï sai podukai gïr darai Diuxi sai jaa mos gïr nïidiña ïpïan dukai xi ïr maamaixapikïdï aatïmï ix makïdï gïn kodituda agai gïr nïiditai bïïxi óídakami. Dai mai xu ix mosïkaxi odami gïr nïidi ïpï. Diuxi tïtïañikarudï gïr nïnïidi ïpï sa gïr duna.

Efesios 3:10

Dïï gia xibi ipïrhidi Diuxi xi tïtïañikarudï maatïkana xïï saitudaga Diuxi tïgibudadï. Sai tïtïañikarudï ix makïdï ïr gupudagai bipiakami dukai tïbagiana maatïkana tudu. Kaxkïdï xibi aatïmï buaboitudadamikïdï aatabuayi Diuxi dai aatïmïkïdï gatïtïïgidimi ïgai xïï kabami saitudaga tïgibudadï.

Hebreos 1:14

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

Hebreos 9:5

Dai ami go kajoñi daama gukatadai goka uubixi ix makïdï ïpïamaaxi tïtïañikarudï Diuxi. Ïmo maaxidaragai dukai bïïtarï ïgai xako daja Diuxi. Dai ajana ïgai. Dai ami go kajoñi iñaparadï daama tarañdi ïgai ajaanadï. Ami go kajoñi iñaparadï daama tudu ïr xako bhai gï buadana soimaaxkamigadï óídakami Diuxi ïmadï. Ami ukami gïn aagidamu aanï xibi bïïtarï ix maaxkatadai gobai.

1 Pedro 1:12

Go ñiñokituldiadamigadï Diuxi kïïga máí sai mai kia bhai duña agaitadai Diuxi go kïïgakïrï bubaidaragai aidïxi kia oidakatadai ïgai. Diuxi podukai maatïturhi ïgai kaxkïdï. Dai kaxkïdï maatïkatadai ïgai saidi go ñoki ix makïdï gatïtïïgitadai ïgai ïïki ïr aapimï gïn bïïtarï ix makïdï gokiïrioma dada. Dai xibi Diuxi ka otoi Ibhïadï tïbagiañdïrï. Dai gïn otoxdi Diuxi tïtïïgiadami ñoki xorai gïn aiturhiadagi go bhai ïrhiaragai aatagi ïpï. Diuxi Ibhïadï gubukarhigadïkïdï gïn aiturhi ïgai go aatagi aagaitai go kïïgakïrï bubaidaragai tudu. Agia xigiamaaxi aatabuayi Diuxi. Asta go tïtïañikarudï Diuxi kïïga gïn tïgito nïnïidi ka daibuskïitai bïïxi ixtumaxi aagaiña go ñiñokituldiadamigadï Diuxi ïïki abhiadïrï tudu.

1 Pedro 3:22

Dai xibi Suxi Kristo bia ïmo gïdukami sïïrhikami sïïrhixapadïrï dakatai ïgai Diuxi amïka tïbagiana. Dai ami gatïanïi ïgai bïïxi go tïtïañikarudï Diuxi dai bïïxi go gubukadagai bipiakami ix makïdï ami tïbagiana daraka.