Exodo 20:3 - Northern Tepehuan Bible

³ Maiti abïr Diuxi dukai buaboidada ïmai dai xadutuada. Mosïkaxi aanï Diuxi abïr gin xadutuada gin buaboitudaitai dai mai xu ïmai.

Exodo 20:3 Iomraidhean Croise

Exodo 32:8

—Otoma dagito ïgai gin ñoki ix dukatai tïjai aanï. Kaxi aagitu ïgai oro dai ïgaikïdï idui ïmo baka maara maaxkami ubixi dai xibi ka oigïda ñokai ïgai buidïrï. Dai ka daraxi daxdaragai bïïxi— itïtïdai. —Dai go Israelitas aagai sai gobai ïr Diuxi ix makïdï bubaitu Ejiptuañdïrï bïïxi— itïtïdai Gïr Nukadakami.

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

1 Korintios 8:4

Xibi aagamu aanï go kuadagai ix makïdï gï dadaxdi uubixi. Daiñi, kïïga maatï aatïmï sai go uubixi mai gupuka. Dai kïï maatï aatïmï ïpï sai mos arhi ïmaduga Diuxi. Mai tipu ïmai.

1 Korintios 8:6

Dïï aatïmï kïï maatï sai mos arhi ïmaduga Diuxi gïr Oga ix makïdï idui bïïxi aïkatai. Ïgai bïïtarï tudu óídaga aatïmï. Dai mos arhi ïmaduga Gïr Nukadakami ïpï dai ïgai ïr Suxi Kristo. Ïgaikïdï idui Diuxi go oidigi dai ïgai gubukarhigadïkïdï óídaga aatïmï.

Efesios 5:5

Ïïmo óídakami ïmadï boona jaa ix makïdï maiti ïr kunadï tomarhi oñigadï dai ïgamutïrïga ïgai ïpï. Ix makïdï pomaaxi ibuayi bamioma namïga ïrhidi ixtumaxi biaka ïrhiada ïgai dai Diuxi gia mai namïga ïrhidi ïgai. Ix makïdï pomaaxi ibuayi xadïrï gïn aïna xi gïn tïanïdagi Diuxi dai Suxi Kristo. ¡Mai ïmadï darakamu ïgai tomarhi ïmo imidagai di! Gobai kïïga maatiga maaxi.

Filipenses 3:19

Ïgai taata agai gïgïbidaragai bïïxkïrï bïïtarï tudu. Ïïgidiña ïgai mosïkaxi ixtumaxi tanïdagi tukugadï dai podukai ïïgi tukugadï ïmo diuxi dukai nïidiña. Ojoidi ïgai xi aagadagi go soimaaxkami ix makïdï ibuayi ïgai dai gï agaitadai bhaiyoma xi xia ïïradagi ïgai gokïdï. Dai buamï gïn ïrhidi ïgai mosïkaxi ixtumaxi tami oidigi daama oidaga.

Kolosenses 2:18

Gin aaduñi oidaga tïtïgiadami ñoki ix makïdï gïgïrdukami gïn ïrhidi aagaitai ixtumaxi tïïtïkiïrï dukai tïï ïgai dai adaimïitai ïïgi tïgibudadï. Gïgïrdukïdï gïn ïrhidi ïgai dai maiti ïr gïgïrdukïdï. Dai pokaitiña ïgai sai gï agai odami xi Diuxi dukai xadutuadagi Diuxi tïtïañikarudï dai sai gï agai xi ïïgi soimaaxi gï taatamituldagi ïmoko tukugadï sai Diuxi kïïgakïrï nïidiña. Maiti abïr ïïgiada ïgai tadu gïn popoki ïgai gïn bhai ïrhiaraga.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Apokalipsis 22:9

Dïï gia pobai in tïtïdai ïgai, —Cho— in tïtïdai. —Maiti pobuada. Aanï ïr gï ïpïan dukai di. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ñokituldiadamigadï Diuxi. Ïpïan ïï namïakami bïïxkatai ix makïdï ïïgida kaïkana idi libro tudu. Gï agai xi mosïkaxi Diuxi xadutuada aapi podukai bhaiyoma— in tïtïdai.