Exodo 20:14 - Northern Tepehuan Bible

¹⁴ Aapimï kïkïïrhi abïr mai abhana bopoda oñigadï ïmai. Dai aapimï oki abïr mai abhana bopoda kïïrhi ix makïdï maiti ïr gïn kuna.

Exodo 20:14 Iomraidhean Croise

Genesis 39:9

Bïïxi gin tïïgi gin amu buxtuidadï. Dai gin maa gubukadagai ix tïanïda aanï go gaa pipioñigadï ïpï. Mosïka aapi gia mai bia aanï sïïrhikami ix podukai daibuskïdagi gï ïmadï gï xadutudaitai. Kaxi ïr oñigadï aapi di. Xadïrï galnaaxi ibuadana aanï podukai buidïrï Diuxi— itïtïdai.

Mataibo 19:18

Dai go kïïrhi potïtïdai, —¿Ix makïdï go mui sïïrhikamigadï Moises gï agai xi ïïgiada aanï tudu?— itïtïdai. Daidi Suxi potïtïdai, —Gobai ix makïdï pokaiti sai, maiti gï agai xi ïmadï bopodagi aapi ix makïdï maiti ïr gï oñiga dai sai maiti gakodada dai sai maiti gaïxiada dai sai mai gïpiïrï bupaiña ïmai yaatagikïdï

Romanos 13:9

Ix makïdï gaoigïadadagi xadïrï gaabhana bona ïmai aduñdï tomarhi maiti ïr gamuakamikana tudu. Mai ïxibuga ïgai ïpï dai mai biaka ïrhidi buxtuidadï jaa. Ix dukai gï oigïdai ïïgi aapi podukai oigïdada jaa tudu. Ix makïdï podukai oigïdadagi jaa ïgai gia ka bïïxi aïkatai ibuadana ix makïdï gïr tanïi go sïïrhikami tudu.

Hebreos 13:4

Aapimï ix makïdï ka gaïmadï bii abïr xadutuada gïn aduñi dai kïïga abïr gïn tïtïgitoka dai mai ïmadï boopodagi ïmai. Kaxkïdï tudu Diuxi gïgïbitulda agai xorai ïmadï boopodagi ix makïdï maiti ïr aduñdï. Dai go ix makïdï mai kia gaïmadï bii, ïgai maiti gï agai ix gaïmadï boopodagi ïpï.

Santiago 2:11

Daiñi, Diuxi sïïrhikamigadïrï ikaiti sai maiti gï agai ïmoko xi ïmadï boiyagi ïmai ix makïdï maiti ïr aduñdï Dai pokaiti ïgai ïpï sai maiti gï agai ix gakodadagi ïpï. Kaxkïdï xi ïmo odami kïïga ïïgiadagi go sïïrhikami ix makïdï ikaiti sai mai ïmadï boiyagi ïgai ix makïdï maiti ïr aduñdï dïï gia gamuagi ïgai, gobai itïiya ïrhidi sai ka mai ïïgidi ïgai go sïïrhikami.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.