Exodo 2:20 - Northern Tepehuan Bible

²⁰ Daidi Reuél itïtïdai go aarhi oki, —Bako daja ix makïdï gïn soi. Maiti agai xi mos bia aapimï ïgai. Miadïi abïr daasa dai bhida— itïtïdai.

Exodo 2:20 Iomraidhean Croise

Genesis 43:25

Bhodïrï go xixïgi bubaitu óídaradï Jose ix makïdï buatadai ïgai dai ami kiiyïrï nïnïraimi xi ajiagi go Jose ugida bïïtarï daanduko. Kaxi maatïkatadai ïgai xi abhai kiiyïrï ugia agaitadai ïgai bïïxkatai. Dai ka ugakai ïgai sai go Jose aataga ïmadï xixïgidï.

Exodo 2:19

—Kïïga gïr soi ïmo kïïrhi Ejiptuañdïrï oidakami— itïtïdai aarhi oki. —Sobhi ïgai go gaa paxtuturu daidi oi ïgai sudagi gïr sosoiga— itïtïdai aarhi oki.

Exodo 2:21

Daidi aagidi ïgai go Moises saidi ami gï urhiñana dai go Moises bhai aa daidi ami gï urhi. Daidi go Reuél maa ïmoko maradï ix makïdï Sefora tïgidu dai go Moises ka ïma bii.

1 Tomoteo 5:10

Gï agai xi jaa kïïgakïrï nïijadagi ïpï nïiditai ixtumaxi ibuayi ixtumaxi ïr kïïga. Gï agai xi tïgito nïida aapi ix bhai kïïga gïïrhidi maamaradï dai ix bhai kïïga miadïgidiña ïgai go buaboitudadami xibhïadïrï óídakami. Gï agai ïpï ix mai tiodiantuigakagi soikïitai go buaboitudadami tomax tuma aaduindagïrï. Gï tïgito nïida ïpï sa bhai gamaakaiña ïgai soiñi xorai soimaaxi taatamaiña. Ix makïdï gïn ojagi ami gï agai xi ïr bipiudukagi ix makïdï kaxi ibuadana naana maaxi aaduindagai kïïgadukami tudu. Ix pomaaxkagi ïgai aidï gia bhaiga ïgai xi gïn ojagi ami paperhiïrï xako ojixi budami soiñi.

Hebreos 13:2

Gï agai tudu xi bhai dukai miadïgiadagi gïn dadidakamiga tomaxi mai maatïkagi aapimï. Maiti gï maatï xi bhai maiti ïr tïtïañikarudï ïgai Diuxi kaxkïdï. Ïïmo óídakami ka miadïgidiña tïtïañikarudï Diuxi podukai, mai maatïkatai tudu.