Exodo 12:3 - Northern Tepehuan Bible

³ Aagidabïrai go Israelitas bïïxkatai xi bhaibuxtamïrï idi masadai gï agadamu xi buada aapimï ïmo bagimi. Bïïxi kiikiïrï óídakami gï aagadamu xi gagaagi ïmo kañiru kïrhiadï ïïmoko xiïpï ïmo xibato kïrhiadï ïpï. Bïïxi kiikiïrï ïïmoko.

Exodo 12:3 Iomraidhean Croise

Genesis 22:8

—Gin maara. Diuxi ïgai dai ïïgi daasamu kañiru ixtuma mïitulda aatïmï— itïtïdai Abraam. Dai bhodïrï apia imïi ïgai ïmo boiyamu.

Genesis 4:4

Dai Abel buapi ïpï ix makïdï mïida agai Gïr Nukadakami. Bua ïgai ïmoko soigadï kañiñiru maradï ix makïdï bïïxi ïr gaxïgi kañiru dai ix makïdï kïïgadukïdioma. Dai Gïr Nukadakami bhai ïldan tïï go Abel ïmadï go ix makïdï buatadai ïgai mïida bïïtarï.

Exodo 12:2

Daidi itïtïdai, —Xibi bhaitiakoga ka mai ïkaldamu aapimï umigi ix dukai ïkarhi go Ejipituana óídakami. Xibi idi masadaikïdï baaki agai go utudui umigi aapimï gïn bïïtarï.

Exodo 12:21

Bhodïrï Moises abïnaki bïïxi go Israelitas bhaitï gukakamigadï daidi itïtïdai —Gï agai mïxi bïïxi kiikiïrï kodagi ïïmo kañiru xiïpï ïïmo xixibato kïkïïrhiadï dai ïgaikïdï xadutuadagi go bagimi ix makïdï Kïïgakïrï Bubaidaragai Bagimi tïgidu. Gïr nukadami ïgai dai gatïjai xi pomaaxi ibuadagi aapimï dai xibi gï aagai mïxi ïïgida kaïkagi.

Exodo 12:4

Daidi ix chïkidukagi óídakami ïmo kiiyïrï dai maiti ixtuidiadan taadakagi xi naato ugiagi soigadï aidï gia go ix makïdï tïanïi kiiyïrï bapaidamu ix makïdï miadïrïioma óídaga bai soiña ugana. Bhodïrï takoidamu ïgai soigadï bhaabhiadï xïïxi ugiadan taadaga ix makïdï ami daraka.

Exodo 12:6

Idi masadai bhaibuxtama dan maakobïrï tasïrï ukami nukadamu aapimï mïx ix makïdï ugi agai dai aidï tasïrï urunoko kodamu aapimï.

Exodo 14:15

Daidi Gïr Nukadakami aataga ïmadï Moises daidi itïtïdai, —Tui pïxi mos dakatai gin tanïi soiñi. Obaidañi tudu dai abïnakidida gï aaduñi dai oijada gïn imidagai— itïtïdai.

Exodo 4:30

Daidi Aaron aagidi go bhaitï gukakami ix tïtïdai Diuxi go Moises. Daidi Moises óídakami buitapi idui ïpï go ix makïdï tïjai Diuxi. Dïbïrapi daitu ïgai uxiaradï xi kooyi gï nato gobai. Dai bhodïrï taagiïrï báí ïkadï xi kokotu gobai dai mos podukai idui ïgai bïïxi ixtuma tïjai Diuxi.

Exodo 6:6

—Mïïka aagida aapi go Israelitas xi aanï ïr Nukadakami dai tïïgidamu aanï xïï gubuka aanï. Kaxi ïr sïïrhi xi go Ejipituana Rey aaduñdï biakagi gïgïbidaragai mos ïï soimaaxi ibuadatai ïgai. Kaxkïdï gïïpi daitudamu aanï gïïgïbidaragai abhana xibi dai podukai kïïgakïrï bubaidamu aanï go Israelitas xi ka mai soi buidadamu go Ejipituana óídakami. Aagidañi go Israelitas sai aanï Nukadakami ïgai dai poduña iñagai sai ka maiti gatïanïna go Ejipituana óídakami ix dukai gatïanïi ïgai xibi— itïtïdai Gïr Nukadakami.

Lebitiko 1:2

—Aagidañi go Israelitas sai, xudu gin daaxda agadagi ïgai ïmo buxtaki gï agai xi turukagi xiïpï baakaxi, xiïpï kañiru, xiïpï ïmo xibato ix makïdï gin daaxda agadagi ïgai- itïtïdai.

VUAANA 1:29

Xadiko go Juan tïï go Suxi ix no imïitadai daidi itïi tïïgakai, —Daiñi bhodïrï imïi ix makïdï ïr Diuxi otosadï kañiru gï dukami. Ïgai oigïrhi biamu soimaaxkamigadï oidigi daama óídakami— itïi go Juan.

VUAANA 1:36

dai tïï ïgai go Suxi ix no imïitadai daidi itïtïdai ïgai go gaa, —Daiñi bhodïrï imïi Diuxi Otosadï Kañiru— itïtïdai.

VUAANA 12:1

Kia biïgatadai naadami tasai ix ïpïduñagi go bagimi ix makïdï Daibuñigïrï tïgidu dai Suxi ayi Betaniïrï xako oidakatadai go Lasaro. Idi ïr ïgai baaxi Lasaro ix makïdï duakarhitadai go Suxi.

VUAANA 12:12

Xadiko mui odami ix makïdï dadatadai Jerusalenana go Kïïgakïrï Bubaidaragai Bagimi bïïtarï kajiomatadai sai ami dibia agaitadai go Suxi ïpï.

1 Korintios 5:7

Gin susukurhi, aanï ïr ïmo judiu dai aatïmï judidiu bia ïmo bituldaragai ix makïdï ïr ïmo maaxidaragai gïr bïïtarï aagaitai go kopodakarui ïmadï go soimaaxkami. Xïxkadï ibuadagi aatïmï go Kïïgakïrï Bubaidaragai Bagimi maigobai dadasaiña aatïmï go kopodakarui gïr kiikiañdïrï bai podukai go utudui pan ix makïdï ibuayi aatïmï go bagimi bïïtarï mai biakagi toma lïïchi kopodakarui. Dai podukai ïpï aatïmï ix makïdï ïr buaboitudadami gï aagai tïxi maigobai dasagi bïïxi go soimaaxkami gïr saagidañdïrï sai podukai nïidiña odami sai ïr ïko bubaidadï aatïmï Diuxi. Dai podukai ix dukai koi go judidiu kañiñiru Daibuñigïrï sai mai aïna gïgïbidaragai ami Ejipituana podukai ïpï Suxi muu gïr bïïtarï sai maiti gïr aïna gïgïbidaragai ïpï. Kaxkïdï xibi gï aagai ix bïïxi maigobai dasagi aatïmï ix tumaxi ïr soimaaxkami ïpïan dukai ix go judidiu maigobai dasaiña go kopodakarui gïn kiikiañdïrï go Kïïgakïrï Bubaidaragai Bagimi bïïtarï.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.