Exodo 12:29 - Northern Tepehuan Bible

²⁹ Bhodïrï ïran tukarï ka bïïxi ïpï dui ix dukatai aa Moises. Gïr Nukadakami Ejipituana daibusai dai bïïxi kiikiïrï ayi dai kodaimi maamaradï óídakami ix makïdï ïr kïkïïrhi daidi ïr gaxixïgi. Mua ïgai maradï gïdukïdioma go Rey ix makïdï tïanïi Ejiptuïrï ïmadï modukai ïpï maamaradï bïïxi go gaa óídakami dai asta go ix makïdï maixakaruana daraja bïïxi kodai maamaradï. Dai go buxtaki kodai ïpï kïkïïrhiadï ix makïdï ïr gaxixïgikagi.

Exodo 12:29 Iomraidhean Croise

Genesis 15:14

—Dïï aanï gïgïbituldamu go odami ïgai ix makïdï soimaaxi taatamitulda agai gï piipixara. Dai bubuakimu gï piipixara abhiadïrï xako soimaaxi taatamu ïgai darajatai dai abhiadïrï gïï kusu iimimu ïgai buxtuidagadï.

Exodo 11:1

Bhodïrï Gïr Nukadakami itïtïdai Moises, —Xibi gia mos arhi ïmo gïgïbituldaragai biïga xi daituldagi aanï abhana go Ejipituana Rey ïmadï aaduñdï. Idikïdï gia gïn dagitomu ïgai xi iimiagi aapimï. Ka maiti ipïldamu ïgai mïxi darakagi tanai dai gïn adaimu ïgai bhaiyoma tabhiadïrï.

Exodo 12:28

Aidïxi ka bïïxi aa Moises ïmadï Aaron ix tumaxi ïpï duña agaitadai bai go Israelitas idui bïïxi ix makïdï gatïjaitadai Gïr Nukadakami saidi ibuada ïgai kañirukïdï.

Exodo 4:23

—Tomaxi aanï aagidagi go Rey xi dagitona ïgai gin aaduñi xi iimiagi bïïxkïrï ïgai maiti ipïldamu. Kaxkïdï aapi Moises adukai tïdamu go Rey, —Aapi Rey ka mai dagito aapi maradï Gïr Nukadakami sai imiagi dai mïï koditudagi buxtaki dai daxdagi. Kaxkïdï Gïr Nukadakami mua agai aapi gï maara gïdukïdioma tïdamu aapi. Podukai aituldamu aapi gin ñoki go Rey buidïrï— itïtïdai Gïr Nukadakami go Moises. Potïtïdai Diuxi go Moises Ejiptuamajako imïdamikatai ïgai tudu.

Exodo 9:6

Xadiko koi go Ejiptuïrï óídakami sosoigadï. Dïï go Israelitas sosoigadï gia mai koi tomarhi ïmoko.

Hebreos 11:28

Go Moises kïïga buaboitu Diuxi tudu. Kïïga buaboitudai ïgai sai ïïgiditai ixtumaxi aagiditadai Diuxi sai podukai kïïgakïrï bubuaki agai go Israelitas abhiadïrï Ejiptuañdïrï. Dai kaxkïdï tïjai ïgai go Israelitas saidi ibuadana bïïxi ixtumaxi gï agaitadai go tukamidïrï Kïïgakïrï Bubaidaragai Bagimi bïïtarï. Aagidi ïgai sai ïramadana kukuparadï bïïxi kiikidïrï tudu sai mai bakïna Diuxi tïañikarudï sai mai kodana ïgai maamaradï gïgïrdukïdioma ix makïdï ïr kïkïïrhikatadai. Podukai aagiditadai Diuxi tudu.

Hebreos 12:23

Gin aaduñi, ka urabaka aapimï bïïxi go buaboitudadami. Ka bipiatu aapimï ïmo sïïrhikami dai ïmo bhai ïrhiaragai Diuxi amadïrï tudu ïpïan dukai bïïxi buaboitudadami. Daiñi, bïïxi odami ix makïdï ïr gaxixïgi bhïiyi sïïrhikamigadï ogadï. Dai bïïxi buaboitudadami ïr gaxixïgi duu, maamaradïkatai ïgai Diuxi. Bipiatu aapimï ïmo gïdukami bhai ïrhiaragai sïïrhikami tudu aidïxi Diuxi podukai aagai sai aapimï ïr maamaradï. Saidi aapimï ïr gaxixïgi duu tudu. Gin aaduñi, ka urabaka aapimï go buaboitudadami ix makïdï ka ojixi tïbagiana. Xibi ka buaboitudakai aapimï bapakïi aapimï Diuxi buitapi gïn iibhïdagakïdï. Dai ïgai ïr ix makïdï aagada agai xorai kïï dui dai xorai mai kïï dui. Ami Diuxi buitapi xako ajïi aapimï ami daraka go odami ix makïdï kïï buañixi iibhïadï daidi ka koi. Ka urabaka aapimï go buaboitudadami ix makïdï ka kïïgakïrï bubuaka. Ïgai ïr ix makïdï ka bhai duñixi iibhïadï Diuxi bïïtarï tudu.