Exodo 12:28 - Northern Tepehuan Bible

²⁸ Aidïxi ka bïïxi aa Moises ïmadï Aaron ix tumaxi ïpï duña agaitadai bai go Israelitas idui bïïxi ix makïdï gatïjaitadai Gïr Nukadakami saidi ibuada ïgai kañirukïdï.

Exodo 12:28 Iomraidhean Croise

Exodo 12:27

Dai aapimï tïdamu aidï —Tïïtïitoi aatïmï Gïr Nukadakami ix dukatai kïïgakïrï gïr dïgabuiñtu aidïxi kodaitadai ïgai Ejiptuïrï óídakami dai aatïmï gïr kiikiïrï mai ayi ïgai. Kaxkïdï xadutudai aatïmï xibi go Kïïgakïrï Bubaidaragai Bagimi dai kodai aatïmï kañiru xiïpï xibato ïmo buaboidaragai bïïtarï Gïr Nukadakami— tïdamu aapimï gïn maamara aidï— itïtïdai Moises. Dai go Israelitas kuiki dai oigïda ño buidïrï Diuxi kaïkatai xi Diuxi kïïgakïrï bubaida agai.

Exodo 12:29

Bhodïrï ïran tukarï ka bïïxi ïpï dui ix dukatai aa Moises. Gïr Nukadakami Ejipituana daibusai dai bïïxi kiikiïrï ayi dai kodaimi maamaradï óídakami ix makïdï ïr kïkïïrhi daidi ïr gaxixïgi. Mua ïgai maradï gïdukïdioma go Rey ix makïdï tïanïi Ejiptuïrï ïmadï modukai ïpï maamaradï bïïxi go gaa óídakami dai asta go ix makïdï maixakaruana daraja bïïxi kodai maamaradï. Dai go buxtaki kodai ïpï kïkïïrhiadï ix makïdï ïr gaxixïgikagi.

Exodo 12:35

Daidi idui ïgai ix dukatai tïjïi Moises dai gatáí yukuxi dai naana maaxi oro dai plata duñixikami maaxi go Ejipituana óídakami.

Exodo 14:4

Dai Aanï ïpamu mai ïïgidaratudamu go Ejipituana Rey xi ïgai gïn tïgitomu dai gïn gokiïrï gïn aadaimu. Dai bhodïrï aanï bui kïkibamu go Rey ïmadï sandadarugadï dai gokiïrï go Ejipituana oidakami nïijadamu xïï gubuka aanï. Dai nïijadamu xi aanï ïr Nukadakami— itïtïdai. Dai aa surhi go Israelitas daidi idui ix dukatai agaitadai Diuxi.

Exodo 39:42

Dai ka ayi ix tuigako ka naato idui go Israelitas ix makïdï gïn tïañitu ïgai. Ïïgi ix dukai tïjai Gïr Nukadakami podukai idui ïgai. Idui ïgai go ikuxi baaki ix makïdï Gïr Nukadakami tïjai go Moises.

Exodo 39:43

Dai go Moises nïidi xi ka naato ïgai bïïxi go aa aaduindagai dai bhodïrï aagai ïgai ïmo bhai ïrhiaragai go Israelitas bïïtarï.

Deu 34:9

Dai ïmo maradï Nun, Josue tïgidukïdï, Israelitas bhaitï kïakamigadï bii xibi. Aidïxi kia dajatadai Moises, go Moises darai noonobidï Josue dama dai podukai daibuna kïï sïïrhiñikami tïgibudagai. Kaxkïdï go Israelitas ïïgida kaï go Josue dai ïïgidi go sïïrhikami ïpï ix makïdï Gïr Nukadakami ka maatadai go Moises ïkioma.

Hebreos 11:28

Go Moises kïïga buaboitu Diuxi tudu. Kïïga buaboitudai ïgai sai ïïgiditai ixtumaxi aagiditadai Diuxi sai podukai kïïgakïrï bubuaki agai go Israelitas abhiadïrï Ejiptuañdïrï. Dai kaxkïdï tïjai ïgai go Israelitas saidi ibuadana bïïxi ixtumaxi gï agaitadai go tukamidïrï Kïïgakïrï Bubaidaragai Bagimi bïïtarï. Aagidi ïgai sai ïramadana kukuparadï bïïxi kiikidïrï tudu sai mai bakïna Diuxi tïañikarudï sai mai kodana ïgai maamaradï gïgïrdukïdioma ix makïdï ïr kïkïïrhikatadai. Podukai aagiditadai Diuxi tudu.