Efesios 6:9 - Northern Tepehuan Bible

⁹ Dai aapimï ix makïdï ïr ga amu ïpï, kïï sïïrhi dukai abïr ibuada gïn pipioñi bïïtarï. Maiti abïr gubudakïdï aaduintulda gïn pipioñiga aagiditai sai gïgïbitulda antaada aapimï. Tïgitobïrai aapimï aidï saidi aapimï ïmadï gïn pipioñiga bia ïpï ïmai gïn Amu ix makïdï tïbagiana daja dai ïgai mos ïmadugan dukai nïidi bïïxi óídakami.

Tepehuan Northern: Diuusi ñiooquidʌ utuducami oodamicʌdʌ

⁹ Dai aapimʌ gaaamu cʌʌgavʌr nuucadaca gʌnpipiooñiga dai maisoimaasi taatamituldiada. Gʌntʌtʌgitovurai sai Suusi Cristo tʌvaagiana daja dai ʌgai gʌntʌaanʌi vʌʌscatai. Dai ʌgai ʌʌmadugan duucai nʌidi vʌʌscatai.

Efesios 6:9 Iomraidhean Croise

Mataibo 22:10

Dai go pipioñigadï iji aipako kayana dai bïïxi ïmpagi ïgai odami xïïki tïï ïgai, kïï tutiakami dai modukai mai kïï tutiakami ïpï. Dai podukai gia kïï suda go gïï tukabi ami xako pogïdui go kunataragai.

Mataibo 22:8

Daidi bhodïrï potïtïdai go Rey go pipioñigadï, —Ka bhai gï duu bïïxi ixtumaxi go kunataragai bïïtarï dïï ïgai ix makïdï bapaidi aanï mai kïï idui dai ka mai bia oigaragai xi gïr urabagi— itïtïdai.

Mataibo 24:48

—Dïï gia go pioñi ix makïdï nukadakami bii ami kiiyïrï kïï bhaiga xi galtuigakagi ïpï. Xi pomaaxkagi ïgai aidï gia gïgïbi antaada ïgai go gaa pipioñi ïmadï kuxñiñirui po gï ïrhiditai ïgai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai mos gakuadagi dai gayïdagi ïmadï jaa nabaakoidadï,

Mataibo 24:51

Dibiamu ïgai dai kabami gïikarsamu ïgai dai maigobai otosamu xako darakana ix makïdï ïïgiadami dukai gïn dadasai dai mai ïïgidaraga. Ami susuanïda agai bïïxkatai kabami soimaaxi taatamaitai maigobai ïkobai darakatai. Asta kïrïndamu ïgai taatamudï tudu mos ïï kabami soimaaxi taatamaitai ami tudu— itïtïdai Suxi go odami.

Mataibo 7:12

Daidi potïtïdai Suxi go odami ïpï sai, —Mïx tumaxi ipïrhiadagi aapimï saidi gïn buidadagi jaa, podukai abïr buidada aadïrï ïgai. Podukai gïr maatïturhi go sïïrhikamigadï Moises ïmadï go ojadï go ñiñokituldiadamigadï Diuxi tudu— itïtïdai Suxi go odami.

Lukas 6:31

Dai Suxi potïtïdai ïgai ïpï sai, —Ix dukai aapimï ipïrhidi xi gïn buidadagi óídakami podukai abïr buidada aapimï— itïtïdai.

VUAANA 13:13

—Gïn aagidamu aanï. Daiñi, aapimï gïn Mamaatïtuldiadamiga gin aagai dai gïn Tïanïdamiga dai kïï aagai aapimï.

Hechos 10:34

Dai go Piduru maa ñoki aidï daidi itïtïdai, —Xibi ka maatï nïidi aanï ix Diuxi mo ïxi oigïdai odami tomaxi maiti ïr judidiu ïgai. Ïmadugan dukai nïidi ïgai bïïxkatai.

Romanos 2:11

Diuxi ïmadugan dukai nïidi bïïxi odami tudu.

1 Korintios 1:2

Idi ojai ïr gïn bïitarï aapimï buaboitudadami Korintoïrï óídakami. Aapimï gïn bïïtarï tudu ix makïdï ka ïkobai gïn darai Diuxi bïïna darakatai aapimï Suxi Kristo. Ïko darasadï aapimï Diuxi gïn bapaidakai ïgai ïmadï bïïxi go gaa buaboitudadami ïpï ix makïdï bïïxi aipakoga daanïiña Suxi Kristo. Suxi Kristo tudu ïgai daidi ïr Tïanïdamigadï bïïxkatai aatïmï buaboitudadami.

1 Korintios 7:22

Pomaaxi buaboitudadami ibhïgadïkïdï ïpï. Daiñi, ix makïdï ïr pipioñikatadai dai buaboitu gïr Bhaitï Kïakamiga ka kïïgakïrï bubuakïi sai ka mai tïanïna go diabora. Dai podukai ïpï ix makïdï maiti ïr pipioñikatadai dai buaboitu gïr Bhaitï Kïakamiga ka pipioñigadï bii Suxi Kristo dai Suxi Kristo bia sïïrhikami ix tïanïdagi xibi.

Kolosenses 3:25

Dai xorai mai kïïga ibuadagi bhïimu ixtumaxi ajïakagi ïpï mai kïïga ibuadatai ïgai. Diuxi maakimu bïïxi odami ixtumaxi ajïakagi tudu. Mai xudu xoraikagi ïgai.

Kolosenses 4:1

Dai aapimï ix makïdï ïr ga amu abïr kïï sïïrhi buidada gïn pipioñiga ïpï maatïkatai sai aapimï bia gïn Amu tïbagiana ïpï.

Santiago 2:13

Diuxi aagada agai ix bhai kïïga idui aatïmï tudu. Dai gïn maakimu ïgai gïgïbidaragai ix mai soi ïlda nïijadagi aapimï jaa dai mai oigïldagi aapimï. Dïï gia ix soi ïlda nïijadagi aapimï jaa dai oigïldagi aapimï aidï gia mai biakamu aapimï ixtukïdï duduadikudagi xïïxkadï aagagi Diuxi ix bhai kïïga dui aapimï. Soi ïlda gïn nïijadamu ïgai aapimï ïpï tudu dai gïn oigïldamu.

Santiago 2:8

Daiñi, sïïrhikïdï kïïgadu ix kïïga ïïgiada aapimï go sïïrhikamigadï Diuxi ix makïdï ikaiti sai, Gï agai sai oigïada aapimï jaa ïpïan ïxi ix xïïxi gïn oigïdai ïïgi aapimï. Ix ïïgiadagi aapimï go sïïrhikami gobai aidï gia kïïga ibuayi aapimï tudu.

Santiago 5:4

Daiñi, mai aa namïki aapimï gïn pipioñiga ix makïdï yoobaiña gïn ïxi. Gaïxi aapimï maitïkidï bhaiyoma dai gobai ïr ïmo maaxidaragai ix mai kïïga ibuayi aapimï. Daiñi, Diuxi bïïxi adaama gubuka dai ïr Tïanïdami mui sandadaru dai kïïga kaïkana ïgai gïn pipioñiga ix gïgïr aajagïiña. Dai kïï bhaiga Diuxi xi gïn bui gïxiagi gatïanïitai ïgai bïïxi sandadarugadï amïka tïbagiana tudu.