Efesios 5:29 - Northern Tepehuan Bible

²⁹ ¡Xadïrï kïïdaiña ïmoko ïïgi tukugadï di! ¡Cho! Daiñi, bhaiyoma bhibhidiña aatïmï gïr tukuga dai kïïga nunukadai. Podukai tudu Suxi Kristo nunukadai ix makïdï ïr buaboitudadami. Ïïgi tukugadï dukai nunukadai ïgai.

Tepehuan Northern: Diuusi ñiooquidʌ utuducami oodamicʌdʌ

²⁹ Tiipu sioorʌ ʌʌgi gʌcʌʌdadagi baiyoma gʌnuucada siʌʌscadʌ biuugimuca ʌgai gacuaadana dai siʌʌscadʌ ʌvamuca ʌgai gʌuucadaiña poduucai isduucai Cristo nuucada ʌvaavoitudadami.

Efesios 5:29 Iomraidhean Croise

Genesis 2:23

Daidi itïi go kïïrhi tïïgakai go oki, —Idi gia ïr aanï gin aduñi. Kaxi ïr ïïgi gin oañdïrï dai gin tukugañdïrï duñixi di— itïi ïgai. —Kïïrhiañdïrï duñixi gobai kaxkïdï oki aagamu aanï— itïi go kïïrhi. (Go Hebreo ñokidïkïdï bhaiton ïpïan tïtïïgidu oki ïmadï kïïrhi tudu.)

Mataibo 23:37

—Sogigi aapimï Jerusalenïrï óídakami. Gïn otoxdiña aanï mui gin ñiñokituldiadamiga dai mos kodaiña aapimï. Ïïmoko maixaiña aapimï dai kodaiña dai jaa ïma dukai kodaiña aapimï. Gï agai sai maatïkana aapimï sai muiyoko gïn bapaida ïrhidiña aanï saidi gin ïmadï darakagi aapimï gin abhana. Gïn nukada in ïrhidiña aanï ïpïan dukai ïmo takuku ix makïdï nukadakana maamaradï aanadï uta. Dïï gia aapimï maiti ipïrhi.

Mataibo 6:26

—Gïn tïgito abïr nïida go ujurugi tudu. Ïgai maiti gaïsai dai maiti gayobai dai tomarhi mai ïmpaidi kuadagai trojïrï. Diuxi gïr Oga ix makïdï tïbagiana daja ïgai dai bhibhidi kaxkïdï. ¿Dai mai ix bamioma namïga aapimï xi bhai go ujurugi? Ïjï tudu. Dai kaxkïdï kïïga gï maatï sai mai bia aapimï ix tuixi buamï gïn ïrhiadagi ixtumaxikïdï— itïtïdai.

Romanos 1:31

Maiti ipïrhidiña ïgai xi bhïiyagi tïgibudagai kïïgadukami dai maiti ibuayi ix dukatai aagaiña. Ïgai mai oigïdaiña jaa dai tomarhi mai soi gïn ïrhidiña nïiditai jaa ix makïdï soi taadakagi.

Efesios 5:28

Podukai aapimï kïkïïrhi abïr oigïada gïn oñiga ïpï. Oigïadabïrai gïn oñiga ïpïan ïxi xïïxi oigïdai aapimï ïïgi gïn tukuga. Daiñi, xïxkadï ïmo kïïrhi oigïadagi oñigadï mos ïïgi gï oigïdaiña pobuadatai.

Efesios 5:30

Aatïmï tudu ïr tukugadï Suxi Kristo.

Efesios 5:31

Kaxkïdï Diuxi ñokidïrï ikaiti sai, Kïkïirhi daadagitoi dïïdï dai ïmadï bipiïyi oki dai aidï abhiadïrï ïmo odami dukamikana ïgai, ikaiti Diuxi ñokidï.