Efesios 5:25 - Northern Tepehuan Bible

²⁵ Dai aapimï kïkïïrhi abïr oigïada gïn oñiga ïpïan dukai xi Suxi Kristo gïr oigïdai aatïmï ix makïdï ïr buaboitudadami. Ïïgi gï dagito ïgai xi gï muatudagi gïr bïïtarï gïr oigïdaitai tudu.

Tepehuan Northern: Diuusi ñiooquidʌ utuducami oodamicʌdʌ

²⁵ Ʌcʌcʌʌli gʌaagai isoigʌadagi gʌnooñiga poduucai isduucai Cristo oigʌdai ʌvaavoitudadami dai muu curusiaba sai ʌgai cʌʌgacʌrʌ vuvacʌna

Efesios 5:25 Iomraidhean Croise

Genesis 2:24

Kaxkïdï aidï abhiadïrï daadagitoi kïïrhi ogadï dai dïïdï dai oki ïmadï bipiïyi xi bhodïrï bhaitiakoga kaxi ïmo odami dukai bipiïyi go oki ïmadï kïïrhi.

Genesis 24:67

Bhodïrï Isaak baidaja go oki Rebeka kiidïrï Sara go dïïkarudï Isaak dai ka gamo onta ïgai. Isaak kïï oigïdaitadai Rebeka xi kaxkïdï ka mai soigamu ïgai xi ka mai tipukatadai dïïdïdï.

Mataibo 20:28

—Gï agai xi gin ïpïan buadagi aapimï tudu. Aanï dibia tami oidigi daama ïmo pioñi dukai dai ïïgi gin tïïgida iñagai saidi soi gin buidadagi daidi gin muagi gin buidïrï bïïtïkamiga. Mukimu aanï dai kïïgakïrï bubaidamu mui óídakami. Podukai dasamu aanï namïgadï ix makïdï buaturhi ïgai soimaaxi ibuadamikatai ïgai tudu. Ïmo pioñi dukai aanï óídakami bïïtarï tudu tomaxi aanï ïr go Diuxi otosadï ix makïdï ïmo kïïrhi busai dai kïïga bia aanï sïïrhikami ix kabami tïanïdagi óídakami— itïtïdai.

VUAANA 6:51

Aanï tudu ïr ix makïdï tïbagiañdïrï dibia dai ïr pan duakakami gin dukami dai odami ix makïdï ugiagi gobai óídaka agai bïïxkïrï bïïtarï. Gin tukuga tudu ïgai daidi ïr go pan gï dukami dai aanï gatïïgida iñagai gin tukuga ix oidigi daama óídakami ugana dai kïïgakïrï óídakana— itïtïdai Suxi.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Galatas 2:20

—Aanï in bïïtarï pomaaxi gin oidakaragai xibi— antïtïdai. —Daiñi, ïkioma aanï ïr ïmo soimaaxi kïïrhikatadai. Dïï gia aidïxi muu Suxi Kristo gïr bïïtarï kuruxiana aidï muu go kïïrhi soimaaxkïdï ïgai ïmadï ïpï dai xibi ka utudui bii aanï. Dai kaxkïdï ka mai xu xi go kïïrhi ïkidadï oidaga gin tukugïrï dai bhaiyoma Suxi Kristo ïgai dai gin ïrana oidaga. Xibi oidaga aanï buaboitudaitai Suxi Kristo ix makïdï kïïgakïrï gïr oigïdai. Kïïga gïr oigïdai ïgai tudu dai kaxkïdï gï dagito sai gï muatudana dai kïïgakïrï gïr bubaitu— antïtïdai aanï go Piduru.

Efesios 5:2

Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.

Efesios 5:24

Ix dukai buaboitudadami ïïgidi Suxi Kristo, podukai ïpï oki gï agai xi ïïgiadagi kukunadï bïïxi aïkatïrï.

Efesios 5:28

Podukai aapimï kïkïïrhi abïr oigïada gïn oñiga ïpï. Oigïadabïrai gïn oñiga ïpïan ïxi xïïxi oigïdai aapimï ïïgi gïn tukuga. Daiñi, xïxkadï ïmo kïïrhi oigïadagi oñigadï mos ïïgi gï oigïdaiña pobuadatai.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.

Kolosenses 3:19

Dai aapimï kïkïïrhi, abïr kïïga oigïdada gïn oñiga dai maiti abïr bhakokoda ïgai bui dai bhaiyoma abïr kïïga bhai maaxi buidada.

1 Tomoteo 2:6

Ïïgi gï tïïgitu Suxi Kristo tudu sai muana jaa ïmo daxdaragai dukai. Podukai bhai dui ïgai bïïxi óídakami bïïtarï sai ïgaikïdï kïïgakïrï bubuakïna óídakami. Ïgai dibia tami oidigi daama ixtuigako Diuxi ipïrhi xi dibiana dai gïr maaxiturhi sai Diuxi ipïrhidi ix kïïgakïrï bubuakïna bïïxkatai óídakami.

1 Pedro 3:7

Dai aapimï kïkïïrhi ix makïdï ka ooñiga, kïïga abïr xadutuada gïn ooñiga. Kïïga abïr gïn tïgito nïida dai maatïka ix dukatai kïï buidadagi gïn ooñiga dai podukai abïr ibuada. Ïgai mai ïpïan gupuka kïkïïrhi tudu. Dïï gia Diuxi kïï tuiga ïgai bïïtarï dai kïïgakïrï bubaitu sai bïïxkïrï bïïtarï óídakana ïgai ïpïan dukai aapimï. Kïïga abïr xadutuada gïn ooñiga dai kïïga buidada ïgai tudu. Ix mai kïïga óídakagi aapimï gïn ooñiga ïmadï gobai gïn sobhida antaada xi daanïdagi aapimï Diuxi tudu.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Apokalipsis 5:9

Dai ami ganïyi ïgai ïmo utudui nïidagai ix makïdï ikaiti, —Aapi Kañiru kïïga bia sïïrhikami xi bhïiyagi go libro dai upandagi seseyogadï ixtukïdï kuupidi gobai. Aapi tudu gï ïrakïdï dáí namïgadï bïïxi óídakami dai podukai sabïlturhi aapi Diuxi. Bïïxi go naana maaxi óídakami saagidañdïrï sabïrhi aapi ïïmoko, bïïxi go naana maaxi ñokadami saagidañdïrï tudu dai go naana maaxi gïgïr kiikiañdïrï óídakami.