Efesios 5:16 - Northern Tepehuan Bible

¹⁶ Kabami abïr gïn aga ibuadatai ixtumaxi ïr kïïga. Arhiïxi ïr soimaaxi buadami xibi óídakami kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹⁶ Gʌnaagavurai dai cʌʌgacʌrʌ oidaca sʌʌlicʌdʌ soimaasi ivueeyi aa oodami ismaacʌdʌ maivaavoitudai Diuusi cascʌdʌ.

Efesios 5:16 Iomraidhean Croise

Mataibo 25:17

Dai ix makïdï goka mirhi bhïitadai podui ïpï dai ïpï goka mirhi daamioma gamaitï.

VUAANA 12:35

Dai Suxi itïtïdai, —Gïn aagidamu aanï xorai gin aagai ïïgi aanï. Aanï ïr go kudagi óídakami bïïtarï. Dai xibi mosïkaxi chïki tasai biakamu aapimï go kudagi gïn ïmadï kia ixtukïdï kïïga ajiopada aapimï kïï maaxikatai boi. Gï agai ix otoma bhïiya aapimï boi tudu, tadu gïn ayi tukagi. Kaxkïdï tudu odami ix makïdï tukapi ajiopai mai maatï tomarhi xajako imi agai.

Romanos 13:11

Gïn oigïadabïrai tudu dai nïnïasïrhigan dukai óídaka maatïkatai sai otoma ayimu ixtuigako Suxi Kristo kïïgakïrï gïr bubiadamu tami oidigi damaiñdïrï. Bïïx tasai bamioma miadaimi tudu xi dibiagi Suxi ïpamu.

1 Korintios 7:26

Daiñi, nïidiña aanï sai xibi tuigako kabami soi gïr buididiña jaa. Gïr kïïdai ïgai buaboitudadamikatai aatïmï tudu dai xijaiga gïr oidakaragai. Dai kaxkïdï aanï pokaiti sai maiti gï agai xi aatïmï buaboitudadami ibuadagi ixtumaxi ixtukïdï bamioma xijiakagi gïr oidakaragai. Kaxkïdï ix ka oñiakagi ïmo kïïrhi xioma ïr kïïga ix mai dagitoagi dai podukai ïpï ix mai oñiakagi kia xioma ïr kïïga ix mai oñtagi sai mai bamioma xijiakagi oidakaradï.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Galatas 6:10

Gin aaduñi, xibi kia oidaga oigaragai xi kïï buidadagi aatïmï jaa kia oidigi daama óídakatai aatïmï. Kaxkïdï gï agai aatïmï xi kïï buidadagi bïïxi óídakami ibuadatai ixtumaxi ïr soiñikagi ïgai bïïtarï dai bamioma bïïtarï ix makïdï ïr ïmo xïgïmï duu gïr ïmadï. Ix makïdï bia ï galbaaxi buaboidaragai ix makïdï bia aatïmï tudu.

Efesios 6:13

Kaxkïdï abïr gïn aada bïïxi go aaduinkaru ix makïdï gïr maa Diuxi kokodi bïïtarï xi ïgaikïdï bui gukibana aapimï gïr buidïrï kaatïkami xudu soimaaxi daibuñagi. Podukai xudu kugaidagi go kokodi aapimï mos apia kia gukakamu.

Efesios 6:15

Dai go ibhïxtaragai ix makïdï gïr maakai go bhai ïrhiaragai aatagi ïr sususakai dukai gïn bïïtarï. Kïïga bhai gïn dukamu aapimï kokodi bïïtarï gïn aadakatai gobai.

Kolosenses 4:5

Kïïga abïr gïn tïgito nïijada ix dukatai ibuayi aapimï buidïrï go óídakami ix makïdï mai kia buaboitudai. Xibi kia bia aapimï oigaragai xi ibuadagi ixtumaxi ïr soiñi ïgai bïïtarï tudu dai kaxkïdï abïr kabami gïn aaga dai mai dagito ix mos dïgabuskïdagi tasai.