Efesios 4:32 - Northern Tepehuan Bible

³² Daiñi, Suxi Kristo bhai dui gïr bïïtarï kaxkïdï Diuxi soi gï ïrhidi gïr nïiditai dai gïr oigïrhi. Xibi aapimï abïr kïï tutiaka jaa bïïtarï ïpï daidi abïr soi gïn ïrhiada nïiditai. Daidi abïr oigïrhiada ïpï ïpïan dukai xi Diuxi gïr oigïrhi.

Tepehuan Northern: Diuusi ñiooquidʌ utuducami oodamicʌdʌ

³² Baiyomavʌr cʌʌ tuutiaca dai cʌʌgacʌrʌ gʌnnʌijada aipacoga dai gʌnoigʌldadavurai aipacoga poduucai isduucai Diuusi gʌnoigʌli aapimʌ vaavoitudaitai aapimʌ Suusi Cristo.

Efesios 4:32 Iomraidhean Croise

Mataibo 6:12

Dai gïr oigïldañi xïïxkadï soimaaxi ibuadagi aatïmï. Gïr oigïldañi ix dukatai oigïrhiña aatïmï jaa xïxkadï soi gïr buidadagi ïgai.

Markos 11:25

Xudu aataga agadagi aapimï ïmadï Diuxi dai gïn tïgitoagi xi ïmadutai soi gïn buididi abïr oigïlda tomax tuma soi gïn buididi ïgai. Aidï gia kïïgadu ix aatagada aapimï ïmadï Diuxi.

Lukas 1:78

Diuxi gïr oigïrhi gïr soimaaxkamiga kïï tuigakatai ïgai dai oigïda gïr nïiditai. Kïï tuiga Diuxi gïr bïïtarï tudu dai gïr otoi gïr Kïïgakïrï Bubiadamiga dai xibi ïr ïmo xarhimodï dukai gïr bïïtarï ka aijimikatai ïgai.

Lukas 11:4

Dai gïr oigïldañi xïïxkadï soimaaxi ibuadagi aatïmï. Kaxkïdï tudu aatïmï ïpï oigïdai odami ix makïdï soi gïr buidadagi. Dai maiti dagito xi gïr aiyagi tomarhi ïmo ixtumaxi ix makïdï gïr bapaidagi sai soimaaxi ibuada aatïmï. Podukai abïr itïda aapimï— itïtïdai Suxi dai podukai maatïturhi ïgai ix dukatai daanïda ïgai Diuxi.

Lukas 17:4

Xïïxkadï pobai gï tïdagi ïgai sai ka ïma dukai gï tïgito abïr oigïlda tomaxi muiyoko soi gï buidadagi ïgai. Tomaxi asta kubarakamioko soi gï buidadagi ïgai ïmo tasaikïdï dai kubarakamioko pokaitadagi sai kaxi ïma dukai gï tïgito, tomax pokaki imidagai pobuadagi ïgai abïr oigïlda— itïtïdai.

Lukas 6:35

—Daiñi— itïtïdai. —Aanï aagai sai gï agai bhaiyoma xi oigïdada aapimï asta go odami ix makïdï ïr gïn buidïrï bïïtïkamikagi. Kïïga abïr buidada tudu dai abïr tañubida ixtumaxi gïn tañiagi ïgai tomaxi po gïn ïrhiada aapimï sai mai aa noraida antaada. Ix pobuadagi aapimï aidï gia kïïga buimu aapimï gïn maitïkiga dai kïïga maaxitudamu aapimï saidi ïr maamaradï aapimï Diuxi ix makïdï bïïxi adaama ïr Ga Tïanïdami. Diuxi kïï tuiga buidïrï bïïxi odami tudu tomaxi galtutiakagi ïgai dai ix makïdï mai bhai ïrhiadagi Diuxi bui tomax Diuxi kïï buididi ïgai.

Lukas 6:37

Daidi Suxi oi aatagidï dai potïtïdai go odami, —Maiti abïr dudunukami duu gïn ïrhiada ïïgi aapimï aagaitai xorai kïï ibuayi dai xorai mai kïï ibuayi. Dai abïr mai aagada xorai ajïga ïmo gïgïbidaragai ïpï. Ix mai pobuadagi aapimï aidï gia Diuxi mai po kaitidamu ïpï sai mai kïïga buayi aapimï. Dai maiti pokaitadamu ïgai ïpï saidi gïn ajïga gïgïbidaragai. Ix oigïldada aapimï jaa xïïxkadï soi gïn buidadagi ïgai aidï gia Diuxi gïn oigïldadamu ixtumaxi idui aapimï Diuxi bui ïpï— itïtïdai.

Hechos 28:2

Dai kïïga tutuiga ami óídakami. Ïïpidikatadai oidigi aidï dai dukuitadai xi gïïpi ganai ïgai dai gïr miadïgi sai ukadana aatïmï tai.

Romanos 12:10

Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

1 Korintios 13:4

Odami ix makïdï kïïga oigïdaiña jaa mai ojodatai kïï tutiakana tomaxi soi buidadagi jaa. Ix makïdï kïïga oigïdaiña jaa mai ïgakoñikana ïpï dai mai pokaitiña ïgai ix ïr namïakami ïïgi ïgai dai mai gïgïrdukïdï gïn ïrhidiña.

2 Korintios 2:10

Dai kaxkïdï kïïga buaboitudai aanï saidi gin ïïgiada agai aapimï xibi ïpï daidi oigïlda agai aapimï go soimaaxi ibuadami. Aanï ka oigïrhi ïpï maatïkatai sai aapimï oigïldamu. Aanï bia ïmo sïïrhikami Suxi Kristo amadïrï dai ka oigïrhi aanï go soimaaxi ibuadami tudu. Kaxkïdï gï agai ix oigïrhiada aapimï ïpï. Aanï ka oigïrhi buamï in ïrhiditai aapimï gïn bïïtarï tudu.

2 Korintios 2:7

Dai bhaiyoma gï agai sai oigïldagi aapimï dai bhai ïrhiatudagi ïgai. Tadu maitï go soi ïrhiaragai dai dagito ïgai go buaboidaragai.

2 Korintios 6:6

Aatïmï naana dukai mamaaxidi go óídakami buitapi sai sïïrhi aatabuayi aatïmï tudu. Daiñi, go óídakami kïïga nïidiña sai bïïxi ixtuma ibuadagi aatïmï kïïga buañixi Diuxi bïïtarï. Dai kïïga nïnïidiña ïgai ïpï sai aatïmï kïïga maatï dai kïïga oidiña ixtumaxi ïr buaboi. Mai bhakoikana aatïmï buidïrï jaa dai bhaiyoma kïï tutiakana aatïmï jaa bïïtarï. Diuxi Ibhïadï gubukarhigadïkïdï óídaga aatïmï tudu dai kïïga oigïdaiña aatïmï bïïxi óídakami.

Efesios 5:1

Aapimï ïr maamaradï Diuxi dai kïïgakïrï gïn oigïdai ïgai. Kaxkïdï abïr ïpïan dukai ibuada Diuxi.

Santiago 5:11

Pokaitiña aatïmï sai Diuxi kïïgakïrï nïidi bïïxi ïgai ix makïdï kïïga gïn kabakadagi go soi ïrhiaragai buidïrï tudu. Daiñi, kïï maatï aatïmï sai go Job tomaxi kabami soimaaxi taata ïgai ïïki bïïxkïrï apia buaboitu ïgai dai kïïga gï kabakagi go soi ïrhiaragai buidïrï. Dai maatï aatïmï ïpï sai Gïr Nukadakami kïï tuigakatadai go Job bïïtarï dai soi ïlda tïï dai maa naana maaxi bhai ïrhiaragai gokiïrï. Gïr Nukadakami bïïxkïrï soi ïlda nïidiña bïïxi odami tudu kaxkïdï.

2 Pedro 1:7

Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.

1 Juan 1:9

Dïï gia ix buitapi Diuxi maaxi aagagi aatïmï go soimaaxkami ix makïdï idui aatïmï, aidï gia kïïga gï maatï sai Diuxi iduñimu ixtumaxi gïr aagidi ïgai, iduñimu ïgai ixtumaxi ïr sïïrhi gïr bïïtarï tudu dai gïr oigïldamu dai gïr buanadamu bïïxi gïr soimaaxkamiga.

1 Juan 2:12

Bïïxkatai aapimï ix makïdï ïr Diuxi maamaradï, ipïrhidi aanï sai maatïkagi aapimï ix tuixi gïn otoxdi aanï idi ojai. Gïn ojidi aanï maatïkatai sai ixtumaxi idui Suxi Kristo kïïga namï gïn bïïtarï dai ka oigïrhixi gïn soimaaxkamiga. Kaxkïdï gïn ojidi aanï bïïxkatai aapimï buaboitudadami tudu.

Rut 2:20

Daidi go Noemi potïtïdai, -Diuxi gïr Nukadakami ka ïki abhiadïrï soikïiña go ïïki oidakami dai xibi kia gïr soikiki ïgai. Sai maakana Diuxi naanamaaxi bhai ïrhiragai go Bhooz tudu. Daiñi, gïr aaduñi ïgai miadïrï, dai bia ïgai sïïrhikami ix gïr soikïdagi bipiudukatai aatïmï- itïtïdai.