Efesios 3:13 - Northern Tepehuan Bible

¹³ Kaxkïdï tudu gïn daanïi aanï xi maiti gïn dagitoagi aapimï ix soi gïn ïrhiadagi gin maixatudakai aanï tanai. Daiñi, gï agai xi kïïga xadutuadan taadakagi aapimï bhaiyoma xi gïn soikïitai gin maixatu aanï.

Tepehuan Northern: Diuusi ñiooquidʌ utuducami oodamicʌdʌ

¹³ Cascʌdʌ gʌndaanʌi aanʌ mʌsai maivuaam ʌnʌlidiña soimaa taatacatai aanʌ. Aanʌ aagidi Diuusi ñiooquidʌ aapimʌ ismaacʌdʌ maitʌrjudidíu cascʌdʌ soimaa taataca aanʌ. Dai aapimʌ gʌaagai istʌtʌgitodagi siʌʌsi gʌnoigʌdai aanʌ cascʌdʌ aliʌ baigiñʌlidi soimaa taatacatai aanʌ aapimʌcʌdʌ.

Efesios 3:13 Iomraidhean Croise

Hechos 14:22

Dai dïgabunukai ïgai bïïxi go kiikiïrï ïgai gamaakaiña gubukadagai abhana go buaboitudadami daidi gaabïnakidiña xi kïïgakïrï buaboidaiña ïgai. Dai aagidimi ïgai sai gï agaitadai kia xi odami naana maaxi soi ïrhiaragai taatagi xi gokiïrï ayimu ixtuigako gatïanïda agai Diuxi.

2 Korintios 1:6

Kïïga gïr bhai ïrhiatudai Diuxi tomaxi soimaaxi taatamai aatïmï tudu dai podukai mamaatïrïi aatïmï ix dukatai gïr kabakadagi go soi ïrhiaragai bïïtarï. Dai gokiïrioma bamioma kïïga bhaigakana aatïmï ix gïn soiñagi sai aapimï ïpï gïn kabakatudagi xïïxkadï soi dukai dïgabuñagi aapimï. Daiñi gïr aaduñi, aapimï nïidiña sai bhai gïr ïrhidiña aatïmï Diuxikïdï tomaxi soimaaxi taatagi aatïmï dai gobai ïr soiñi aapimï gïn bïïtarï. Podukai mamaatïrïi aapimï ix dukatai gïn kabakadagi go soi ïrhiaragai buidïrï dai ix apia bhai gïn ïrhiadagi xïïxkadï soi dukai dïgabuñagi aapimï ïpï tudu. Dai podukai gïn soikïi aatïmï sai aapimï ïpï bhai gïn ïrhiadagi Diuxikïdï gïr ïpïan dukai.

2 Korintios 4:1

Xigian kaiti go utudui sïïrhikami tudu dai Diuxi kïï tuiga dai gïr maa oigaragai ix gatïtïïgiadagi aatïmï gobai aipakoga. Kaxkïdï mai ojodatai gatïtïïgidi aatïmï ñoki

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Efesios 3:1

Aanï Pabora maixapi xibi mos ïïgiditai aanï Suxi Kristo. Aagaiña aanï go bhai ïrhiaragai aatagi gïn buitapi aapimï ix makïdï maiti ïr judidiu kaxkïdï maixapi aanï xibi.

Filipenses 2:18

Bhaiga bïnïrhiada tudu Diuxi bïïtarï óídakatai aapimï. Gï agai sai ïmo daxdaragai dukaikagi gïn oidakaraga óídakatai aapimï ïgai bïïtarï tudu.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

2 Tesalonicenses 3:13

Dai aapimï ix makïdï gia kïïga aatabuayi abïr mai ojodada gïn aaduindagai dai bhaiyoma abïr apia oijada dai ibuada ixtumaxi ïr soiñi.